عن العودة الصادمة

 

الكل توقع عودة قديسة من الأراضي المقدسة !!

والصدمة كانت

رجوع واحدة ماسكة بصعوبة بطرف خيط الايمان اللي كانت عارفاه 

والطرف ده بيتسرسب بين صوابعها 

اللي مش بتعرف تمسك حلو في الحاجات اللي معاها

(نقطة)

أنا مش هتراجع عن ولا قرار أخدته في الفترة اللي فاتت

(انتهى)

..

.

سواء

وعشان مش قادرة_بكرر مش قادرة_ أكرهك كشخص

فبكرهني أنا..

عشان برغم إن غلطي تجاهك بيوجعك..وغلطك تجاهي بيوجعني 

والوجع هنا زي حروق من الدرجة التالتة

 لا تطاق.. ألم مبيتقالش..بيتحس وبس

...فــ بطريقة ما كلنا سواء 

في الغلط..والوجع والوحدة....سواء

S.O.S

رُحت لك علشان أفرحك، وسبت كل اللي ورايا، مقابلتكش ، رجعت ومعايا الدنيا كلها في جيبي إلا أنت

كلاكيت تاني مرة:

جيت لك سلمت عليك وفرحتك ،بس سبتني أروح لوحدي، شايلة الوحدة والبرد والأسى ويأس السنين على كتف واحد ،طبيعي..كان لازم يجيلي كرامب من تُقل الحمل عليا..

....

تصدق...كنت محتاجة أجيب شنطة أغلى شوية..يمكن تخليني اتماسك لمدة أطول

بس السعادة مش بنشتريها ..مهما الراجل الأجنبي قال لك إننا بنشتري لحاجات نفسية.

....

تعرف كمان، ديه مش مشكلة أي حاجة ،ولا أي حد ،

ديه روح العالم الشريرة مهنش عليها تسيبني مبسوطة...اليوم كان باين من أوله

بس أنا صمدت بقدر الإمكان، حاولت والله بس اتكسرت اوي على آخره.معلشي

...

بجد ظلم...إنك تختار تستنى وتستنى وتستنى كل الناس....ولما تحتاجهم يستنوك مش بتلاقيهم

وتقف تسأل نفسك...هو أنت ساذج اوي كده، ولا مجرد كومبارس كويس في حياتهم اللعينة وهم مش شايفينك أصلاً.

....

ملعون ده مجتمع اللي يخليك تُحبط كل ما تفكر في عاداته وعادات ناسُه اللي بتمثل قمة الغلط

ملعون ده مجتمع عنصري خلاني أكره إني بنت بدل المرة ألف مرة...كأني إنسانة درجة تانية

جواه حاجات كتير تستحق اللعنات مش هقدر أجمعها دلوقتي.

...

دكتور مدحت المسيري <3

أحترمك للمرة المليون

أنت الأعظم

....

وصلت للــ Maximum stress

استهلكت نفسياً وجسدياً ، عاوزة أبقى لوحدي فقط

....

رضوى يا رضوى...تواضعي تواضعي اوعي تبصي للناس من فوق حتى لو كنتِ أعلى منهم

....

ربنا..أنا طلبت منك إشارات تدلني ع الصح كتير، ولما الإشارات جت عملت نفسي مش شايفة وفضلت أبرر حاجات مبتتبررش ،أخطاء مش عارفة أحسنها ،ودلوقتي مش عارفة مفروض إيه اللي يحصل نيكست؟ ممكن مساعدة؟ 

...

إقرار: أقر أنا اللي كتبت البوست ده ،أثناء معاناتي من الصداع والبرد والرعشة وانخفاض الضغط والآلام الجسدية وأنا مش واثقة هو أنا في كامل قواي العقلية ولا ايه،

إني مش بندم ع الحاجات الكويسة اللي عملتها النهارده ،وإني هفضل عبيطة زي ما انا كده!!!ده جزء من طبيعتي ككائن فضائي

...

أخيراً رسالة لسارة دراز : أختيتي العزيزة ياريتك بجد كنتِ هنا دلوقتي

عشان أنا محتاجة حضن تفعيص يمكن التلج اللي جوايا ده يسيح وأبقى كويسة تاني

تصبحي على خير

وبتاخدني المراكب وأنت...مش راكب

ما تفتكرش إني باتعب لما بتسافر

أنا بس بانساك .. واعافر

.
.

الغضب..

غضبي كله راح النهارده..عنادي وكِبري 

معادش ليهم مكان جوايا ناحيتك
كل اللي باقي
شوية زعل..مستخبيين ورا عيون دبلانين

ما تفتكرش إني نعش

أو كبايات فاضية

أنا كبايات عصير قصب مليانة ع الآخر

والخلق ما بتشربش

.
.

عاوز الحق...هم شوية زعل كتير..آد الدنيا كلها
زعلانة منك على الحاجات اللي عملتها ..

وزعلانة على الحاجات اللي معملتهاش
زعلانة على اللي بيحصلك واللي هيحصلي

كل العيون طالعة في الصورة ..

ولا بتلمعش

.

.

زعلانة على كل حاجة ليك علاقة بيها حتى الحاجات اللي مش متعلقة بيك
زعلانة عشان بشرب لبن دلوقتي
وبعيط بحرقة
وزعلانة عشان اللي بكتبه.. وهموت بحسرتي لو مكتبتوش

زعلانة عشان مش هعرف أقولك لما توحشني..أو أكلمك لما احس إني بحبك
وكمان عشان مش عارفة أبطل تفكير
وعشان كل ما بحلم بيك..مبتجيش لوحدك

بتجيب ناس توجعني معاك.

أنا مش باحبك .. بس باتبخر

وأقدر أعيش .. أقدر

لما تاخدني المراكب

وانت مش راكب ..

.
.

زعلانة عشان حاسة إني معملتش حاجة في حياتك..

مسبتش ورد وفراشات ملونة ورايا.

.يعني مكنتش موجودة..!!
أنا كنت خيال ملوش لازمة

.زعلانة زعل السنين..
اللي متقدرش مليون آسف تمسحه بكل بساطة.

 عشان أنت بإيدك..عملت كل حاجة تدعو للفراق..وأنا كملت
وأنا مصدقة إن قضبان القطر بتتقابل في نقطة في الأفق
بس لما القطر وصل بعيييييييييد...ملقتش إنهم اتقابلوا !

ولا عمرهم هيتقابلوا..

ما تشدنيش من شعري يا عصفور

أنا مش ح أطير والحبيب من كل نور غايب

الأرض زُهرية فاضية واللبن رايب

والليل معبِّي ف زكايب في انتظار النور.

...........

الارض زهرية فاضية - لبهاء جاهين *

...أنـــا 

بردانة...اوي

و....لوحدي

.........والوحدة 

مبتدفيش

التخلص من خيباتك

هذه هي المعادلة

حينما تَحتَار عنْدَ فِعْلِ أحد الأشْياء
..لا تفعل شيئاً

فقط أَلقِ بعبءِ اختيَارِك على شخصٍ آخر

اجعَلهُم يختَارُون لأجلِك

ثُمَّ حَملهم وِزر الخَطَايَا

اجعَلهُم يَشعرُون بأسوَأ ما يَكُون

اصرُخ بوَجهِهم

اجعلهم يعانون عوضاً عنك

وربما يبكون

أو يرحلون

اكسِّر حاجز خذلانك بتكسير قلوبِهم

ولا تنسَ إلقاءَ ورُودِك فوقَ قبورِهم

..لكنك تدركُ في النهاية

أنه لم يكن سوى قرارك 
 !منذ البداية

احتضنت ما بقي من أحلامي وأغمضت عيني

لم أغفُ ،لكنني تظاهرت بالنوم..

....

19-07-2011

السعادة فقط

كان نفسي أؤمن بمبدأ واحد بس في الدنيا ديه وميخذلنيش
بس مش لاقية..مفيش!!

تصدق وأنا معاك..يمكن للحظة أو أكتر شوية من اللحظة..آمنت بما يسمى
"Living happily ever after"

تصدق طلعت عبيطة اوي !

أما دلوقتي ..كل محاولاتي الإيمانية بتحاول
تفضل معتقدة بالسعادة.

ولذلك بحاول جاهدة
التمسك بالحاجات الصغيرة اللي كانت بتفرحني

من غيرك!

I need a teddy bear

مأساة أن نكبر على الدمى

ومأساة أن نراها تصغر

فحينها ستصبح هي وحيدة

ولن نجد نحن من نحتضنه

في ليالي الحزن القارصة

...

I don't wanna break down or fall to pieces right now.

I'm exerting my utmost to make things right

all by myself..so please don't push me of the edge i'm standing on

God please i need you so bad

I can't trust anyone at this moment

even myself

i don't believe me

although i keep telling myself "

You're gonna make it.."

i wonder if i have chosen wrong from the beginning ,

but how the hell am i suppose to know that..!

I want my old teddy bear back, i think..

صرت أشبهك..

لم أتوقع ذلك..لست أكرهها بعد الآن!!

بعد أن تخلت عن فساتينها القصيرة ومساحيق تجميلها

،لم تعد تهتم بما يقوله الآخرون

ولم تبالِ كثيراً هذه المرة بخسارة من لا يستحقون

أتدري؟ لقد تغيرت كثيراً ..

وبدأت بتعلم التعبير عن مشاعرها

تعلمت الرقص ،اتقنت الكذب

ووجدت طريقتها الخاصة لتجنب آلام قدومك العابث بذاكرتها

دون أن تلجأ للفائف التبغ والدخان

أحقاً تدرك ذلك؟

اصبحت تشبهك كثيراً .. وهذا يكفيني لمصالحتها

فقد اكتفيت من الفقدان طوال حياتي

بخسارتك...

.......

ملحوظة: بوست منشور تحت تهديد السلاح ..مليش دعوة بقى :(

ملحوظة2: شكراً عشان دايماً بحس إني أنا وبس لما بكون معاكي..

معطف بألوان قوس قزح

على أحد أرصفة الألم
جلست

مُحدِقة إلى المارَّة
كثيرون هم في

تلك المدينة .

لم يتوقف أحدهم

ليتساءل ماذا بها..؟
ربما هي بخير

وربمَّا

تُحَاوِل أن تكونَ بخير..

منْ يعلم؟

سرُّ الحزنِ الرمادي

في عينيّها
لا يسعْ الكونَ

إنْ افصحت بهِ.

وبينما هم لا يروها
نظر هو إليها طويلاً

في سكونِها.

وارتعادِها

من البرودةِ
لم يغفلْ عن عينيه.

للحظة

باغتته أحد الأفكار الدافئة
فلم يقاومْها
وركض بعيداً

ليحضر شيئاً لأجلِها
وعاد ليُهديها إياه.

ثم جلسَ بجوارِها ليشاهد..
كيف تلونت

التعاسة الرمادية

في عينيها
بمعطف بألوان قوس قزح .

Helpless

I'm sorry..I just can't handle death;

i can't make it feel better,
or even relief the pain.

death is death, it never was easy
and never will be..

C'est la mort mon amie

________

ممكن من أي حد هيقرأ البوست ده

يدعي ربنا يرحم جميع موتانا

ويقرأ الفاتحة على الأرواح النقية

اللي علمتنا معنى الحياة والحب والصدق والطيبة

مفيش حد بيموت طول ما ذكراه موجودة جوانا

وأخيراً اللي يقرأ يقول من قلبه..

الحمد لله على كل حال

الميعاد الأخير

في نفس المكان اللي اتقابلنا فيه أول مرة

طلبتك عشان نتقابل للمرة الأخيرة
وأول ما وصلت
مسكت المسدس ورفعته ناحيتك وموتك..

كل ده مكنش عشان بكرهك

ده كان دفاع عن نفسي
كنت واثقة إن نفس الأرض
مكنتش هتقدر تحتوينا احنا الاتنين

بعد النهارده،

يعني ببساطة موتك كان بالنسبالي

شهادة ميلادي..

يوم...

القهوة كانت سادة ومرة أوي..بس الجو كان حلو ومظبوط.. لا هو شتا اوي ولا حر اوي..

الشمس كانت طالعة صافية ورايقة ..والهوا كان يرد الروح..

الناس كانوا ماشيين من غير هدف رايحيين لأماكن كتير في كل ناحية ..

ناس راكبين عربيات ملونة بألوان قوس قزح...وناس ماشين على وشوشهم ابتسامات صغيرة..

وكان فيه ورد كتير في بلكونات الجيران برغم الشتا..والشجر اللي قدام البيت ورقه مغسول من المطرة..

كل حاجة كانت بيرفكت..وصوت منير كان بيطاردني من كل مكان 

الغنوة من قلبنا من قلب قلب الروح

نصبر على جرحنا كل الجروح هتروح

الموسيقى كانت ملت الدنيا

وصوت العصافير كان فرحان..فرحان اوي..

ممكن تقولي ازاي بعد ده كله

 عاوزني استوعب انك مت زي النهارده من سنة؟؟

الرموز لا تتهشم..

الثالثة عصراً...مخيفة دائماً تلك الساعة
تأخذ لي موعداً مع قدري وتوقظ بداخلي الكثير مما أخشى مواجهته
والتعمق في فهمه..

تلك الساعة كانت موعد رحيلك في قطارك الخاص
إلى محطتك المتوقعة..

أنتِ الفتاة المشرقة والأكثر تألقاً..قائدة الحركة الطلابية
قدوتي التي لم اخترها يوماً ولكن تصرفاتها
ومواقفها فرضتها على ساحات المقتدى بهم


اتذكر جيداً بداية معرفتي بكِ عندما حاولوا إخماد الطلاب
في مظاهرة بدأت من كلية الهندسة
وهددوا الطلاب بالضرب
هنا رأيت الفتاة الأشجع في حياتي

جئتِ أنتِ ..ووقفتِ أمام القوات العسكرية التي حاولت اخماد المظاهرة
وقلتِ بكل قوة

"دي كليتي ومش هخرج منها..ومش هسكت
ولا هتنازل عن حقي في الاعتراض..
لو عاوزين تضربوني اضربوا بس انا مش هتحرك"

ظل الذين شهدوا تلك الحادثة يذكرونها حتى اليوم

اعتُقِلتِ وحاولوا كسرك فلم يستطيعوا..لم يروا منك سوى تلك الابتسامة المنتصرة

كنتِ رمزاً..وظللت أنا طوال حياتي مؤمنة بأن الرموز لا تتهشم..
لايحق لها ذلك في هذا الزمن
الرموز هي الأمل الباقي ...

وبرغم ذلك كان يجب أن ادرك بأنك اخترتِ قدرك..
منذ آخر حديث دار بيننا قبل سفرك الأخير إلى لندن
في فبراير 1997

لم تكوني أنتِ يوم قابلتك ولا شخصاً يشبهك حتى..
كنتِ فتاة مجروحة كما لم أرك من قبل..
كالعشاق عندما يتركهم من أحبهم

وكنت لا ادري سبب جرحك..فأنا اعلم أنه لا وجود للحب في حياتك الشخصية
او حباً جاداً كما قلتِ لي:"عندي قلب واحد وهبته لوطني"


قبل أن أراكِ وترينني للمرة الأخيرة جائنا قبلها
بيومين خبر وفاة أحد أصدقائنا ..انتحر لأسباب غامضة ..
وعندما سألت أقاربه في العزاء
أكدوا أنه لم تظهر عليه علامات اكتئاب أو كره للحياة..
فقط هكذا بلا مقدمات


يوم الخميس التالي للخبر في تمام الثالثة عصراً
بعد شحنة إخبارية مثيرة للأعصاب

فكرت في الحصول على بعض الأمل
فحاولت البحث في حقيبة الذاكرة والعبث بنقوشها

وخرجت إلى ملتقى قديم بأحد مقاهي وسط البلد..
حيث كانت التنظيمات الطلابية تتجمع لمناقشة الأحداث الأخيرة..
وصدمني القدر بوجودك في هذا المكان في هذا التوقيت

لم يبدُ أنك كنت تنتظرين أحداً ولم أشعر بترحيبك لرؤيتي
بدوت أكبر سناً بكثير..واخبرتني بسفرك للإقامة في لندن..
العاصمة الأكثر كرهاً
بالنسبة إليكِ أو للفتاة التي عرفتها من قبل

كنت أفكر بانتحار زميلنا بلا مقدمات
و سألتك : هل قضيتنا لازالت وطنية؟ أم تحولت لقضية شخصية؟

لم أُدرك لماذا غرقتِ في صمت طويل ثم..اجبتِ بما لم ارد سماعه

كنت أصدقك ولذا..تمنيت أن تكذبي فقط تلك لمرة
فالحقيقة صارت أسوأ من أن نعلنها والأفضل إخفائها بكذب صامت

- قضيتي أنا لا تزال وطنية..أما عنهم..فلم أعد اعلم..

- إذن لماذا تتركين وطنك لترتمي في أحضان وطن آخر..
كما رحل آخرون ربما بلا عودة؟

شعرتِ بإهانة في سؤالي..وشعرتُ بخطأ في صياغة حروفي
كنت اتعمد استفزازك..لأنني أردتك أن تبقي معي..
لا أريد احتمال وزر القضايا الوطنية وحدي..أردت ان اصرخ بكِ لا تسافري

- أنا لن أجيبك..لكن أخبريني أنتِ
ما الفائدة والرجاء من أن
نشتري وطناً باعنا بأبخس الأثمان فقط لأنه مضاف لياء الملكية"وطني"

ويبيعنا هو في السوق السوداء للسجانين
وسفاحين الأحلام و يضيف ياء الملكية لنا ويقول"شعبي"
ما الفرق؟؟

وما الفائدة من الانتظار في أماكن عكست قوانين الواقع والزمان والمكان؟

بعد أن صرنا شعباً يتضاعف كل عام
ويموت شبابه كل ليلة يأساً وقهراً حتى فقدنا شهيتنا للحياة

فلماذا نتعجب للمنتحرين !!

الحقيقة أنه لم يعد لهذا الشعب توازن بين الموت والحياة..بين الحلم والوهم.
ولا عجب فنحن نسير لا ندري ماذا نريد أو ماذا سنريد..

فصرنا كمن وقف بلا حراك أمام عقارب الساعة
منتظر أن يحدث شيئاً ما خلال..الساعة..أو الدقيقة أو اللحظة المقبلة

أتدرين...؟؟

في وقت الاستعمار كانت أمانينا أجمل..
حملنا هدفنا على أعناقنا وحلمنا...
حلمنا بالتحرير..حتى حققناه

واليوم توقفنا اليوم عن الحلم واصبحنا نستورد حتى أحلامنا!!!
اليوم أصبحت الأحلام تموت في رحم العقل
فلماذا نتكبد عناء الحلم ثانية؟

صمتِ لوهلة وكأنك تحاولين استيعاب الذي حدث
..وتتداركين الصدمة الزمنية ..واستطردتِ :

لقد صرنا متعبون أهلكتنا همومنا الفردية المعقدة
التي تحتاج لمئات الحلول لحل مشكلة بسيطة
نحتاج لأعوام للحكم في قضية ما..ولأعوام أخرى لتطبيق الحكم
حتى الثقافة ..صارت محض ترف..فماذا ننتظر بعد؟؟ ولماذا ننتظر؟؟

صديقتي.. مر عهد الأحلام

لقد حملنا الكفاح سوياً أردنا تحقيق المستقبل وصناعته..
كيف لي أن آراه يُهدم بتلك البساطة أمام نظري؟

الحل بالنسبة لنا هو الرحيل

لذا سأرحل لبلاد استمتعت بطردها من وطني.
وسمحتُ لها بإيواء لأحلامي بعد أن طردني وطني من أحضانه..


.........

انتهى لقائنا
ثم...رحلتِ

سافرتِ دون أن تستمعي إلى ما أردت قوله
رحلتِ وتركتني أقف وبداخلي استفسارات أكثر مما حملت قبل قدومك المفاجيء

اسرعتِ مختفية ثانية وراء جدار الصمت..
وعندما طالعت خبر نعيك وانتحارك من الطابق العاشر
في صيف 1997 بعد سفرك بشهور قليلة..

لم اندهش
لم يكن أي وطن آخر يستطيع احتوائك

كان يجب أن ادرك انك قررت عدم الانتظار ايضاً لترى آمالنا يغتالها آخرون يدعون الوطنية..

فضلتِ الموت لأنكِ فتاة استثنائية لا تطيق الصبر وتتوق دائماً للنهاية..حتى إذا كانت مأساوية

رحلت وحدك وتركتِ عبء قضية بكاملها على عاتقي..ربما ستموت يوماً ما بموتي
وسيدرك الجيل القادم أن الرموز لا يجب لها أن تتهشم..

..

من الآخر

ايوه.. انا كده مترددة

خوافة خوف مرضي

متمردة بشدة ومتمسكة بمبادئي

وعندي كبر محدش قٍدر يكسره

ايوه.. انا كده أنانية سعات

ومجنونة كتير

محتاجة مسايسة غير طبيعية في التعامل معايا

ومش بعرف اغير نفسي بسهولة

أما أنت

فقدامك حل من الاتنين..

يا تستسلم وتفقد الأمل فيا وتمشي..

يا اما تجيب عِدتك ومفكَاتك

وكل الذكاء اللي عندك

و تصلحني..

The pain is all that remains

اليوم بيبدأ ...وبيستمر

بلحظات تنطيطه وضحكه..بجنانه وعقله

بأفكار جديدة اتعلمناها..وناس جديدة

قابلناهم وحبيناهم

بيستمر بنجاحاتنا وإنجازاتنا وأحلام اليقظة...

اتصور للحظة في وسط زحمة اليوم

نسيت وجعي..وقد ايه وحشتني!!!

ولما قعدت لوحدي اكتشفت اني مفتقداك..

وعلى عكس قانون الزمن والنسيان..

الألم زاد مقلش جوايا

زاد أكتر من امبارح وأول وبداية الاسبوع

ولهذا اوعى تصدق سكينتك وراحتك وسعادتك المؤقتة

صدقني لحظات السكينة..بتخلص في نهاية اليوم

ومبيفضلش معانا غير الألم..!!

...

سؤال صغير:

هوا ازاي الواحد بياخد باله من نفسه؟؟

وردة لونها أحمر

قررت الاستيقاظ من بياتي الشتوي..
ونسيان العواصف والثلوج والأمطار
وتلك البرودة القاتلة
سأستيقظ اليوم وسأرى الربيع ثانية
سعادة ممتزجة بابتسامات صغيرة وألوان كثيرة
1-9-2010

بس أول ما صحيت ملقتش
ولا ربيع ولا نسمة هوا..ولا ألوان كتير زي ما توقعت
هيا وردة بس لونها..أحمر
6-9-2010

..................

Remember ..that flower u gave me
in my 16th birthday
I'm holding it right now

it still smells the same..smell like you :)
everything else (except the smell) has changed

i can't feel you here anymore
i don't quit without fighting, you know I am a fighter
but i am too weak to stand a storm on my own
Really....I'm falling apart
and

I DON'T WANNA ANY HELP

maybe it's not your fault
you're not a doctor
to hear my heart beats so slowly
you wouldn't know
it's gonna stop in no time

it's not your fault that
you can't feel me anymore
you're not a sensitive machine
and i dislike talking


so take it easy it's MY FAULT!!


i can't blame you at all
I'm the one who's falling apart
and don't wanna be rescued


Smile like you always do..
cuz I lost that ability long time ago..
Don't be me



..............

جـســــــر

اعتقدت انك ستنقذني من تلك العاصفة الرعدية التي تنبأت بها نشرتي النفسية

وعندما بدأت الأمطار في التساقط بعنف..انتظرتك

آملة قدومك في أي لحظة الآن حاملاً مظلة كبيرة

ومعطف جلدي أزرق اللون..ومعه شوكولاته لزوم الدفء وعلاج للعواصف النفسية

ظننتك ستحفظني من الوحدة والوقوف خائفة من الرعد

ستخفيني في جيب معطفك ولن تستطيع اي ايدي الوصول إلي سوى يديك


ويبدو أن ظنوني أخطأت


فعندما جئت لم تحمل مظلة ولم ترتدي معطفك لأجلي

تمنيت للحظة أن تتحرك لكي اتحرك..لكنك وقفت في مكانك وتسمرت

ووقفت أنا أمامك بلا حراك

فبدونا كجبلين مكابرين بينهما جسر

وطرق وعرة والكثير من الغيوم الممطرة..

...