‏إظهار الرسائل ذات التسميات خزعبلات نفساوية. إظهار كافة الرسائل
‏إظهار الرسائل ذات التسميات خزعبلات نفساوية. إظهار كافة الرسائل

14.3.12

يوم سئ لا نهائي


لا تعلق فكرة تؤمن بها بالأشخاص مرة أخرى،
الأشخاص تموت وتقتل أفكارنا معها.
بينما الأفكار وحدها لا تموت سوى بموت من يؤمن بها.

هكذا أخبرتها، وهكذا انفجرنا في الضحك عندما أكتشفنا مدى غبائنا عندما آمنا بأشخاص لا تستحق ،أتى نبأ انتحار فتاة نعرفها فبكينا وبكينا حتى انطفأت الشمس بلا دموع...
مؤكد ستشتاق إلى بيتها الواسع وإلى أصواتنا ، إلى دفء الوطن وبرد الشتاء ،إلى من كان سبب موتها ،إلى ضوضاء وسط المدينة والحلوى القطنية(بالتأكيد ستشتاق الأخيرة)...تساءلنا ولم ندرِ
هل ستفتقد الألم هنا...أم لا ؟
وحده الله يعلم

.............

اليوم بجدارة أكثر الأيام باغتتني فكرة الانتحار أكثر من مرة ، لست أخشى الموت بقدر ما أخشى العقاب بعده، وربما لست اخشى سوى موت من أحبهم وفراقهم ، لازلت أيضاً أخشى العقاب..

تبدو الحياة مؤلمة اليوم بالمعنى الحرفي والمعنوي للكلمة، صرت أستشعر آلام جسدية طوال الوقت ، عدم تركيز أحياناً ، نوبات فزع قصيرة لا يلاحظها أحد ، المزيد من كتمان المشاعر لصعوبة التعبير ..أحاول تخطيها ولا انجح.

افتقد الكتابة كثيراً ، ربما لأنها لا تسبب لي الجنون ككل أحداث اليوم ، لأنني لا أضع لما اكتب خطط مسبقة ، فقط ألقي ببعض الأحجار لأغمض عيني وأغفو بلا أفكار عابثة بعقلي..فقط أحتاج بعض سلام وهدوء

stress, sadness and alittle bit depression
هذا ما أشعر به وسيستمر لفترة لا بأس بها ،منهكة احتاج لهدنة صغيرة ربما من الضوضاء ،الدراسة، المحور ،انج بريك ،اصدقائي ،ومني

حاولوا كثيراً ابهاجي اليوم...انفجرت بهم
اخبرني أحدهم أنه ماص لصدماتي ولا بأس بالغضب قليلاً ان كان سيجعلني اتحسن ، فهدأت قليلاً
ابتسمت ...فتنففسوا الصعداء بأن الأسوأ قد مر....لكنهم حقاً لا يدركون !!
أنا لا أدرك ، لا أحد يدرك !!

لا أتذكر كمْ اعتذاراتي اليوم..فقط مللت الاعتذار
ولا أزال أمتلك الكثير لأرويه هنا، لكن مللت الكتابة أيضاً على كل حال
سأصلي وأبكي حتى أَمَل من جديد أو أسقط من فرط التعب...

ربما ليست الأمور كما تبدو في المرآة...ربما الأجسام أصغر بكثير من حقيقتها كمرآة السيارات.

اللعنة............ايه العك اللي بكتبه ده؟

14.5.11

انعدام توازن


Booooooooom

سامع الصوت ده..متقلقش منه..ده صوتي وأنا بتفتفت مليون حتة.
كل حاجة بتقع مني وبتتكسر..كل حاجة
حاولت أتجاوب مع محاولاتهم اليائسة المبتذلة للتخفيف عني..مقدرتش أكمل


Ouch

وجع جامد نفسياً وعصبياً وجسدياً
مش عارفة أعالجه ومش هيتعالج أبداً..أنا ايه اللي بيحصلي ..عمري ما كنت كده

...

ذروة الألم أن يمضغك اليأس بين فكيه قبل أن يدهسك الإحباط على قارعة الطريق
وتستشعر عجز الآخرين في التخفيف عنك

..

وحشة الألم أن تتألم ولا تدري ما يؤلمك..
أن يسلمك الألم إلى الصمت ..ليحملك الصمت إلى مساحات أخرى جديدة
يكون الكلام عنها وفيها شيئاً سخيفاً..
حتى وإن عرفته ،رفضت الحديث عنه، وإن تحدثت عنه تحدثت لنفسك فقط..

الجزء الأخير "من كتاب يوميات كهل صغير السن..عمرو صبحي"

20.8.10

مسكون بالفوضى ولكن لا اسكنها بالضرورة



سيبني من كل الكلام وهقول بس اللي حاساه
مش عارفة اتصرف وحاسة ببلادة
يمكن عشان مش قادرة اتنفس
صعوبة التنفس قللت وصول الاكسجين للعقل
وبالتالي بقيت مش عارفة اتكلم
ولا افكر ومش قادرة اكلم حد


معملتش حاجة ف اليوم..منمتش كويس
من التوتر اللي حاساه
وقايمة عندي صداع نصفي

الجو مش لطيف خالص ومش مشجع
ولا على المذاكرة ولا الراحة النفسية
هوا يعني ايه صحيح راحة نفسية ديه؟؟
بقالي كتير محستهاش

..
روقت المكتب امبارح
بكره ترويق المكتب عشان حاجة واحدة بس
اني هلاقي حاجات قديمة في ورق مرمي مكتوب
الحجات ديه هتصحي حجات تانية جوايا
واما الحجات ديه تقوم هتعمل لخبطة الجديد بالقديم
وهبقى فوضوية

يعني ارتب الفوضى اللي برا
الاقي فوضى جديدة جوايا

فيه حد قال(مش فاكراه)
"أنا مسكون بالفوضى ولكن لا اسكنها بالضرورة"
انا كده..بروق اللي برا عشان اداري ع اللي جوايا


هوا انا ليه بقيت كده..كل ما بقعد لوحدي..بحس بخواء
اني مش قادرة ارتب حياتي ومحتاجة اروح مركز اعادة تأهيل

عشان مش عارفة اتعامل مع الناس..مش عارفة اتعامل صح

حاسة ان كل حاجة فيا غلط
افكاري وقناعاتي..كلها محتاجة تتغير
مبادئي واساليبي عاوزة تتباع لبتاع الروبابيكيا
كلللللللللل حاجة مش صح

....

يارب انا تعبانة بجد..
انا كلي على بعضي ذنوب
مش قادرة احقق هدف خلقي
ومش قادرة ابقى حد كويس

تعرف انا عارفة انك عارف اني خايفة اوي دلوقتي ومتوترة جدا
وبقول اي كلام عشان اهدى وخلاص

يارب..بخاف اوي
بخاف ادعي وانا بصلي التراويح وسط الناس
بخاف صوتي يكون واطي ومتسمعش

بخاف دموعي تكون خوف على نفسي مش خوف منك
بخاف يارب اعيش وانت مش راضي عني

مش حاسة بطعم للدنيا ومبقتش اكلمك زي زمان
مببصش من شباكي عشان حاسة ان كل حاجة اتغيرت
حتى اوضتي مبقتش اوضتي
برغم كده عارفة انك معايا

وعارفة انك بتحبني
وعارفة انك حتى لما خليتني اعيا من يومين
ورجلي كان وجعاني بغباء ومش قادرة اقف
عشان كنت عاوزة تريحني يومين لأني مش بريح نفسي

طول عمري كنت بدعيك بدعاء واحد وانا مخنوقة
ولما احس اني وحشة اوي
" لقد ضعفت ولا غيرك يقويني لقد يئست ولم أفقد فيك "

يارب انا عارفة اني وحشة ..ومش فاهماني
بس انت فاهمني
ساعدني يارب

..


ملحوظة:هسيب الكومينتس بس غالبا مش هرد عليها
واحتمال اصلا انزل بوست كمان شوية بالليل او بكرة معرفش

ملحوظة 2:الصورة اللي فوق بتدل ع الفوضى
واللخبطة اللي جوايا مش اي معنى تاني..

6.6.10

البنفسج...(تم فتح التعليقات)



*******

لا اعلم كيف..

متى ..

أو أين سأموت..

ولكن إذا كان لدي خيار

لتمنيت أن أموت دون من أحب

حينها فقط ستخلد ذكراي لديهم

وسأظل أحيى بداخلهم للأبد وأبداً

أما عنـــــــي

فحسبي أن يذكروني

ببضع دعوات من القلب

ويبتسموا كلما مروا

على زهرة من زهور البنفسج..




........
تم فتح التعليقات
ربما مؤقتاً أو دائماً


24.5.10

ميثاق أبدي..




متستغربش!!

لما تلاقيني بضحك أوي على نكتة بايخة انت قولتهالي

أو بعيط بجنون على طفل مش عارف يعدي الشارع

أو متعكننة بسبب مشهد شوفته في فلم


أوعى تضايق لما تلاقيني قاعده هادية اوي

وانت عمال بتكلمني وانا مش ببص لعنيك

عشان متكشفش اللي جوايا



اعرف ساعتها إني بس مجروحة من جوه

ومحتجالك أوي.. بطريقتي الخاصة





متزعلقيش لما أقولك عاوزة اخرج في نص الليل

متقوليش الوقت اتأخر ..

خدني من ايديا ومتسبنيش لوحدي



ولما أتوتر اوعدني انك هطمني..

وهتحضني لحد ما ابطل اترعش

وترجعلي ثقتي في نفسي..



يعني باختصار
اتحمل..

غيرتي وأنانيتي

صمتي ودوشتي

لحظات غبائي وعبقريتي

أصل هوا انا كده..

تركيبتي معقدة


ساعتها بس هقدر اثق فيك

واسلمك مفتاحي للأبد




***********
بره الموضوع كده على جمب..


كل سنة وانتي طيبة يا دودي(دعاء العطار)
وعقبال مليون سنة وتكوني دايما بخير وسعادة
و عاوزة اقولك انك اصلا اثرتي فيا وسيبتي بصمتك عندي
يعني حققتي السنة ديه جزء ولو بسيط من حلمك

بحبك جدا يا مقطقطة :)


21.5.10

بتبخر!!


قلتلهم..أنا حاسة اني واقفة على سلك

زي الاراجوزات

متعلقة في الدور العاشر على رجل واحدة..

شبه الماريونيت كده بس بدون خيوط..

هما مفهموش قصدي..

وسابوني متعلقة..بدون خيط



حاولت اقناع نفسي...بحجات مش جوايا


بس في الحقيقة

انا مش كويسة..

ومش بخير..

ومش مبسوطة..




انا بس خايفة..

و حاسة اني بتبخر!!!!!!




11.4.10

قدرات عقلية...



لما هيّ سألته ايه المشكلة ؟مردش عليها
بس عنيه كانت بتقول انه بيستقل بيها
ونفسه يقول إن قدراتها العقلية على قدها


عشان كده قررت المرة الجاية
لما يسألها إيه اللي انتي بتعمليه ده؟؟
هتبص له بسخرية وتقوله
أصلها قدرات عقلية


وقتها هيعرف أن هوا اللي عقليته محدودة
ومكنش يعرف لحد دلوقتي
انها قريته من نظرة واحدة
بس


_ _ _ _ _ _ _ _ _ _ _



قل لي لماذا صرت أخشى الضوء؟
قل لي لماذا اسدل ستائر كثيفة في النهار
وأحب الليل؟


لماذا صار النور يجرح عيني؟
قل لي يا نوري البعيد


ولكن لماذا أنت بعيد؟

أيها النور الوحيد الذي لا أخشاه
لماذا كان يجب أن أذهب

هل ستقول لي؟؟


_ _ _ _ _ _ _ _ _ _ _ _



It can't be happening to me

I'm really losing my sanity

I'm struggling..But i have had enough

PLEASE GOD HELP ME
!!


13.1.10

شعرت وتساءلت ولكن..لم انتظر اجابة

بين ما مضى وما يحدث


شعرت بالخوف حينما أدركت انني لن اراك ثانية..


شعرت بالضياع حينما ادركت رحيل كل من حولي


ولم يتبقى لي سوى نفسي


تساءلت هل ستستطيع احتوائي ام سأحتاج من يعيني ؟


ولكني احتويتي عرفت اسعد نفسي بنفسي


عرفت اضحك نفسي واقول نكت واكلم الحيطة كعادتي


شعرت انني جرحتك في لحظة


وشعرت كثيراً أنك لن تتركني


أما الآن


فقدت الشعور

لم اعد اشعر بشيء سوى بذبذبات داخلية متوترة

تهدأ تارة وتنشط اخرى مشعلة بداخلي اسئلة جديدة


ولكنها لا تحتاج اجابات لأنه...لم يعد يهم


***********


ملحوظة مهمة أوي مش شرط اللي بكتبه بيعبر عني ممكن اكون حسيت بحد حواليا اوي وعبرت عنه أو ممكن يكون حجات ف دماغي مش شرط يكون انا ده او هيا ديه او اي حد !!!

_____

تم تعديل البوست