 |
| self portrait: Quarantine Thoughts |
أحيانا بحس بجريمة في اعتياد وجودنا ف نفس البيت، لكن كل واحد ف اوضة بيعمل الممارسات اللي بيحبها. فجأة مبقاش بيننا مشترك كتير، المهام اليومية والرغي بيقل... لحد ما بتيجي لحظة على سهوة بعنوان: يللا نقفل كل حاجة ونcuddle بس. هنحضن بعض ونتكلم لحد ما ابدأ أضحك بهستيريا أو أعيط على حسب!
أو لحظة تانية عشوائية ميم بيفتح أغاني قديمة ويقرر نرقص سلو في اللحظة اللي بعمل باديكير وحاطة رجلي ف المايه السخنة... فنقوم نرقص ف حدود طبق المايه السخنة واخد برويتة ولا اجدعها Water Ballerina..
وصلنا لنضج لذيذ في علاقتنا بعد ما عيشنا سوا، مرحلة زاد فيها تفهمنا لبعض ونواقصنا كبشر، بقى شيء عادي لما يبدي كومنت ان شعري خرج عن السيطرة أو إن حد مننا شامم ريحة مش حلوة ف التاني، أو إن دقنك بتشوكني فبضحك في اقصى اللحظات رومانسية، وانتي عندك شنب بيضحك، وهكذا..
في الواقع أنا بحب وجوده وبفتقده فبنكد عليه لما بلاقي المذاكرة واخداه مني، أو الشات، أو لما يخلف وعود، أو أما أي شيء اعتيادي يسحبه...أنا دايبة فيه لدرجة مزعجة فعلا ومش عارفة أفصل كياني العاطفي وده اوفر ويلمنج.
....................
لو هتكلم عن مشاعري مؤخرا فمتهيألي الأسبوعين دول أنا بقضي وقت فراغي بقلق بس.
بقلق عـ الشغل في البروجكت اللي سارقني ٢٤ ساعة، بقلق إن التعب ده هيروح وإن صوتي مش هيتسمع. إني في يوم همشي وإن آخر انطباع للناس مش هيبقى إني ساعدتهم يكبروا على قد ما أقدر. بقلق إن محاولاتي للبحث عن مكان جديد جت ف وقت صعب جدا، ويمكن مقدرش أثبت نفسي ف الانترفيوز مع إني شاطرة فشخ وعندي كواليتيز هايلة. بقلق ميم يستهتر ونعيا في كل مرة بينسى يعقم كيس بلاستيك من السوبر ماركت، وكل مرة بنطلب اوردر اكل من برة. بقلق شعري يقع، وبشرتي تعجز. بقلق ملاقيش نتيجة لبحثي عن هويتي الحقيقية، مش اللي العالم فرضها عليا سنين طويلة. اني مقدرش آخد موقف في العالم اللي عاوز ابيض واسود لأني مبشوفش غير الرمادي وبتفهم جدا الجانبين. بقلق اني مبذلش مجهود ف اللي بحبه لحد ما ابطله. اني مسافرش تاني قريب وافضل محبوسة ف البيت.
في الواقع أنا بحب وجوده وبفتقده فبنكد عليه لما بلاقي المذاكرة واخداه مني، أو الشات، أو لما يخلف وعود، أو أما أي شيء اعتيادي يسحبه...أنا دايبة فيه لدرجة مزعجة فعلا ومش عارفة أفصل كياني العاطفي وده اوفر ويلمنج.
....................
لو هتكلم عن مشاعري مؤخرا فمتهيألي الأسبوعين دول أنا بقضي وقت فراغي بقلق بس.
بقلق عـ الشغل في البروجكت اللي سارقني ٢٤ ساعة، بقلق إن التعب ده هيروح وإن صوتي مش هيتسمع. إني في يوم همشي وإن آخر انطباع للناس مش هيبقى إني ساعدتهم يكبروا على قد ما أقدر. بقلق إن محاولاتي للبحث عن مكان جديد جت ف وقت صعب جدا، ويمكن مقدرش أثبت نفسي ف الانترفيوز مع إني شاطرة فشخ وعندي كواليتيز هايلة. بقلق ميم يستهتر ونعيا في كل مرة بينسى يعقم كيس بلاستيك من السوبر ماركت، وكل مرة بنطلب اوردر اكل من برة. بقلق شعري يقع، وبشرتي تعجز. بقلق ملاقيش نتيجة لبحثي عن هويتي الحقيقية، مش اللي العالم فرضها عليا سنين طويلة. اني مقدرش آخد موقف في العالم اللي عاوز ابيض واسود لأني مبشوفش غير الرمادي وبتفهم جدا الجانبين. بقلق اني مبذلش مجهود ف اللي بحبه لحد ما ابطله. اني مسافرش تاني قريب وافضل محبوسة ف البيت.
بقلق من الحرامية اللي مش موجودين وفكرة وجودهم بتطيّر مني النوم. بقلق بتاع الدليفري يسألني رقم باب الشقة اللي مش عارفاه بعد 7 شهور، وعلى عداد الكهربا يمكن فلوسه تخلص. وفاتورة الغاز اللي مبتجيش. ع الزرعة اللي ورقها بيدبل لو مسقيتهاش وتربتها هتبوظ لو سقيتها كتير..
كل القلق ده مسبب لي شلل. مبذاكرش عشان الشغل الجديد. بشتغل بشكل مستمر عشان الحالي. بتخانق كتير على الhygiene بعزم ما فيا. مبسمعش المحاضرات اللي طلبتها من صاحبتي عن الهوية. مبفكرش ميم بالنص ساعة سواقة اللي مفروض اعملها كل يوم.
مش بعمل ايديت للصور عشان وات اذ ذا بوينت! كل ده مخليني عاوزة أقعد بتفرج ع التليفزيون -اللي دلوقتي بايظ- زي الدبدوبة لحد ما دماغي تفضى خالص...ويجيلي نوم طبيعي.
القلق بياكلني من جوا ...وكل ده مش حلو أبدا على شعري وبشرتي.
