غريبة رسمتي أوي ..ياترى ديه طبيعة صامتة

لا لا لا ديه باينها كراكيبي أنا...شكلها منظم بس هيا مش منظمة كده

تفاصيلها منعكشة ومرسومة بإيد بترتعش..

طب هيا طبيعة صامتة بس انا ايه اللي يجبرني اكون صامتة ؟؟

ودلوقتي حالا ليه لازم اسكت مع اني جوايا كلام كتير اوي ؟؟

عاوزة اجري اكسر حاجة اي حاجة ارمي الكتب ارمي الترابيزة ارمي التليفون
عاوزة اعمل اي حاجة

انا خايفة ..ايوه خايفة ومتوترة متوترة اوي وقلقانة ومشتتة كمان

حاسة بغربة ووحدة غريبة حاسة اني مش هرتاح غير اما اتخانق مع حد

ومش كده وبس لأ ده انا هتكلم وهصرخ بصوت عاااااااااالي واقولهم انا بكرهكوووووووا بكرهكوا كلكوا

وانت بالذات بكرهك ايوه عشان مبقتش تحس بيا وبطلت تسمع وشكلك زهقت مني!!

عندك حق ياما سمعتلي اكيد فاض بيك بس هيا ديه الدنيا

يوم ف ايدك واليوم التاني ف جيب غيرك عاملة زي الفرقعلوز

ولا يمكن ده مش عيبهم يمكن

!! انا انانية...

بفكر ف نفسي كتير اكتر ما بفكر ف غيري

ومش طيبة انا لا انتمي لهؤلاء الناس

مش ملاك ايوه انا مش ملاك ومحدش يتوقع اني كده

انا مش ذكية، ولا واقعية،مشتتة احيانا ،لست كاملة ولا مثالية فقط حالمة

لست بغامضة ولا بكتاب مغلق

متوترة مهمشة ضعيفة الارادة ساذجة منفعلة سريعة الثقة بالناس وحذرة لدرجة الجبن

لا تستطيع التأقلم بسرعة كارهة للتغيير ،صعبة المراس غاضبة عنيدة

انا فقط،،،انا

بس هما عارفين بجد مين انا؟؟
اشك...
وانا اعرف انا مين... برضه اشك

الظاهر اني لازم استعين بالمفتش كرومبو عشان يحل المشكلة ديه يمكن يقولي انا مين ولو معرفش اروح انده اجاثا كريستي ولا باينها ماتت ديه كمان ربنا يرحمها.

انا مش عاوزة حد يفهمني عاوزة اتكلم بلغة لا يعرفها البشر هكتفي باللي كيبوردي يكتبه محدش هيفهم..

_ _ _ _ _ _ _ _ _ _ _ _ _

why am i sad??

why am i depressed??

maybe i've gone insane

i think i got mad

yeeeeeeeees i'm mad

mad at myself

mad at my family,,friends

mad at my mess

why can i arrange them

why can't i fix this

mess and more mess

that's all.........

بجد البوست ده كان لازم انزله

ده بلوجي

انا حرة اكتب زي ما انا عاوزة

واتكلم زي ما انا عاوزة

وازعق كمان هنا بس محدش هيقولي اسكتي

ولا حد هيحاسبني على كلامي غير ربنا

ومفيش تعليق كمان هه

×_×