بقالي زمااااان مفتحتش الاغاني غير على فيروز وميوزك عمر خيرت او كيني جيه

صوت سيلين ديون شغال ف دماغي من امبارح بعد ما رجعت م الخطوبة

A new day has...come
I was waiting for so long
For a miracle to come

يوم جديد جيه

ملحووووظة :اللي جاي مجرد رغي.....

محدش مضطر يضيع وقته على تفاهاتي ..هذه رسالة اخوية



............

اشعر بــ

التفاهة والسطحية

اني في قمة الكآبة والكدب..

Everyone told me to be strong
Hold on and don't shed a tear


كنت بقول اني مبعرفش اكدب ف مشاعري بس طلعت احسن

حد بيكدب ف مشاعره

بقولهم اني كويسة..محدش ف البيت بياخد باله من تغيراتي النفسية

بحاول احسسهم اني طيف ومحدش يشغل باله بيا

المشكلة الفوزيييعة اني لما ببقى متعصبة مبيستحملونيش

فده بيزيد تعصيبي

وبيقلب الوضع بخناقة الخلاصة فيها اني كائن اناني

بس ازاي ؟؟؟

بالليل فضلت افكر حاولت انكر اني انانية ومعرفتش الاقي سبب واحد

يثبت اني مش انانية (وش محبط)



........


Through the darkness and good times

I knew I'd make it through

حاولت اكتب..جبت ورقة وفضلت اقول ايه عيوبي ومميزاتي

ملقتش ولا ميزة...


......

Fly, fly little wing
Fly beyond imagining
The softest cloud, the whitest dove
Upon the wind of heaven's love


انا كنت مبسوطة امبارح

حسيت اني عارفة معظم اللي ف الخطوبة اول ما دخلت لمحت مي ومها

وبعدين نيرة اخت ريهام العروسة..جت وسلمت عليا واحنا بنضحك

مش فاكرة كنا بنرغي ف ايه بالظبط

رورو كانت فخورة جدا وهيا بتعرفني على عريسها

ومامت العريس مدرسة احياء..وسألتها سؤال غبي فضلت اضحك عليه

ايه السؤال..مش فاكراه O_o

كان عقلي شغال جامد كنت مهتمة بتفاصيل داخلية مش خارجية

فكرتني بتركيزي ف حفلة محمد غالية..بس الدوشة صعبت الموضوع عليا

ليه مكنتش اعرف الناس ديه..وليه تعاملتنا مبقتش قوية غير مؤخرا

انا عارفة السبب بس مسامحة في اللي فات خلاص

بس بصراحة لسه متضايقة وعارفة اني مش هعرف اتكلم فهسكت
:)

المهم نيرة استحلفتلي وعاوزة تصربني غالبا عشان مكنتش بتحرك كتير

كنت لابسه كعب رفيع اوي

ومش هوصف كم المواقف اللي كنت بمشي شبه بينوكيو (وصف ممتاز لحالتي ساعتها )

خايفة اتزحلق او الكعب يتكسر

فكرت اقلع الكعب وامشي حافية ف لحظة جنون

بس الفستان اصلا كان طويل

يعني كنت هقع ف كل الحالات فقلت اقع ببريستسج عالي مش مهم


الساعة 8 النور قطع ف الخطوبة

انا وحبيبة عملنا ربكة من كتر الضحك

كل اللي بقى يشوفنا يضحك علينا

واحمد جيه قعد جمبي وفضل يهزر

تفاصيل كتير..اثبتتلي اني كنت مبسوطة ساعتها


.......


بمجرد ما رجعت حسيت بنفس الاحساس الرهيب

ان البيت ده مش بتاعي

والاوضة ديه مش اوضتي

مش ببالغ بس طلعت بكره التغييرات جداااااا

فتحت الكومبيوتر اتفرج على حلقة من هاوس قربت اخلص سيزون 4

بس لقيت نفسي مليش نفس

فقفلته

فتحت التي في لقيت فيلم Proof

تقريبا كنت بحب الفيلم ده زمان..بس مكنتش مركزة فقفلته برضه

...........

بصيت ف البلكونة..محستش بحاجة

كنت فاكرة اني هفضل اعشق المنظر في الضلمة او النور

والهوا اللي كان بيعدي بيرطب على قلبي

وبيحسسني اني مش لوحدي وانا براقب الطيور اللي بتطير بالليل

والبومة اللي بحبها جدا..(معرفش سر تشاؤم الناس منهم)

مبقتش حاسة خلاص :(

......

Fly, fly do not fear
Don't waste a breath, don't shed a tear
Your heart is pure, your soul is free
Be on your way, don't wait for me


نسيت اعمل مكالمة مهمة..كنت وقحة اني اتصل الساعة 1 بس الحمد لله محدش رد

كنت هبقى مكسوفة جداااااا عشان محدش بيتصل وقت زي ده

لكن كنت محتاجة اعمل الفون ده وخلاص ..


..............


No Mountains too high, for you to climb
All you have to do is have some climbing faith, oh yeah


نفسي اقرا بجد حاجة عدلة..حاجة محتاجة اقراها

مش شعر..ولا سياسة ولا قصص تافهة

عاوزة اقرا اقرا


كنت نفسي انزل امبارح بعد الخطوبة وسط البلد

سبب اولاني انا عارفاه كويس

والسبب التاني اني اجيب كتب

........


I'll be your shoulder when you cry
I'll hear your voices when you call me
I am your angel


فكرت اخيرا اني اشيل الشات بوكس

وفكرت لوهلة تانية اني ارجع الكومينتات

تناقضات عادية


تخمين من خميناتي طلع غللللللط جدااااااااا

وكنت ايه وثييييييقة اني صح

حاسة اني غبية اوي

بس انا اصلا مكنتش ذكية عشان ابقى غبية

تنهيده طوييييلة

What everrrrr

هسيب سيلين شغاله واروح اجهز حجات درس الفيزيكس

هبقى لوحدي انا عارفة عشان كل صحابي مشيوا

ولابعاد الافكار السوداوية هجيب شوكولاتايه كادبوري من تحت

وافضل اكلها لحد ما اوصل للسنتر

مع اني مليش نفس آكل اي حاجة..

وكمان قلت هقلل الأكل من بره يعني تقريبا كده مش هاكل خالص

انا بحب جدا مستر عماد لــ 3 اسباب..

هقولهم بعدين بقى وعشان كده هحاول مخذلهوش


Catch me cause I'm falling,
I'm so lost, inside your love.
Oo can't you hear me calling,
To your heart,
cause your the one reason i go on.
The reason i go on, yeah


.......

اللي مكتوب باللون ده اغاني لــ
Celine Dion
كنت بسمعها وانا بكتب