22.8.11

أنا أكتر من فيروز

الموت يؤلم
المرض كذلك..والدواء ترهق آثاره الجانبية
الحقيقة المطلقة مؤلمة أيضاً..قاتلة بتفاصيلها
اللامبالاة تزيد الألم
وما يؤلم أكثر من الألم ذاته
هو عدم وجودي بجانبك
أتألم ولا أستطيع التفكير في شيء سواك
لا أفكر بألمي..لكنني أستشعره
............
تخبرني كالعادة أن أذهب للطبيب وألا أنتظر للانتكاسة المقبلة..
برغم عدم ثقتي بالأطباء أو بإمكانية شعوري بتحسن سوى بالمسكنات
أتناسى تلك الحقيقة وأثق بك أكثر فأعدك بذلك وأفتعل ابتسامة لتبتسم أيضاً لأجلي.
..........
أخبرك بأنني أفضل من فيروز..فهي تغني "حبيتك بالصيف..حبيتك بالشتي"
بينما أنا أحببتك في كل المواسم أكثر مما أحبت فيروز..قبل قدومك انتظرت الربيع وأتى الصيف والخريف
أحببتك قبل قدومك في كل شتاء..حين حاولت تدفئة قدمي اليمنى باليسرى ولم أفلح أبداً
لدي هاجس يخبرني أنني لن أشعر ببرد قدمي ثانيةً في وجودك
تضحك بشدة لمقارنتي بفيروز برغم عشقي لها..وأنا أحمد الله بداخلي أنك لا تقدسها مثلي فلا أود أن أقتلها غيرة.
.........
أخبرتك بأحلامي ..أنا بلون شعري الآن ونظارات خفيفة وأنت ممسكاً بجريدتك وبالروب الكاروهات
نجلس سوياً في الخامسة والخمسين ونتأمل الحياة برضا وسعادة
سيكون لدينا حينها الكثير والكثير من الحكايات..أو أنت على الأقل لن ينفذ مخزونك منها
وسيملأ ضحكنا الحيّ بأكمله ويقولون " عواجيز دمهم زي السكر "
ستظل وسيماً كما أنت..وسأظل أحبك لما بعد الموت
سأخبئك في خزانتي وستظل الوحيد الذي يراني كما أنا ويرددها : أنتِ جميلة...
........
مجنونة...وإيه المشكلة
صغيرة...بكرة هاكبر
طيبة بزيادة...بكرة أبقى مخربشة
مبعرفش أطبخ...ومش عاوزة اتعلم غير ذاتياً!
عنيدة...ملهاش حل ديه

برجع في كلامي..ما قلنا إني عيلة عادي بقى
لما بحب اوي بغير اوي وبخاف اوي وبتملك اوي ..معلش استحمل

هناك 13 تعليقًا:

غير معرف يقول...

i will
:)

Heidenröslein يقول...

وحشتيني بقى على فكرة ..

وكل كلمة كتبتيها وبتكتبيها وحشتني ..

:)

أنا كمان مش عاوزة أبقى مخربشة يا رضوى .. بس غصب عني بتخربش .. أعمل إيه ؟!


حركتي جوايا حاجات كتير أوي

شكراً ليكي
:)

طالبة مقهورة ..درجة أولى يقول...

ضحى :)

ربنا يخليكي ليا يا عسولة

عباس ابن فرناس يقول...

ويبقا الحب والاحلام

ولاجلهم تبفا الحياة ... حياة

....

تحياتى المستعطرة

طالبة مقهورة ..درجة أولى يقول...

Heidenröslein

وحشتيني كمان..ولازمن تتخربشي كتير عشان تتعلمي :)
الله هوا انا اللي هقولك

طالبة مقهورة ..درجة أولى يقول...

عباس بن فرناس
متشكرة جدا يافندم :)
منور

Radwa Ashraf يقول...

تدوينة جميلة أوووى أوووى يا رضوى
و مبسوطة أنى شفتها بجد و أنى اتعرفت على مدونتك :)
استمرى يا جميلة كده !!

iـــــــــــsــــــــــlــــــــــــaـــــــــm يقول...

احلى حاجه فى كلماتك انها طبيعيه

بحب ده اوى كل ما ادخل مدونتك

عاجبنى اوى كلامك عجبنى انك مدمنة فيروز زيى

ويارب دايما حياتك كلها سعاده

دعاء العطار يقول...

الله يارودى

حلو اوووى

عارفه بالرغم ان بداية البوست كانت الم وموت وافكار كلها حزينه

الا ان بقية البوست خلانى ابتسم ..

(: (:

" لما بحب اوي بغير اوي وبخاف اوي وبتملك اوي ..معلش استحمل "

وانا كمان كده

خليكى كده يارودى ... زى ماانتى بالظبط عشان بيتهيالى مفيش حد يعرفك ومش يحبك

ولو مش حبك ... يبقى العيب عنده

(: (:

دعاء العطار يقول...

اه صحيح

نسبت اقولك بقى انى غيرت ونفسنت منك وفتحتى نفسى ع الكتابه

بقالى كتير مش كتبت

مليش دعوووووووووه انا عايزه اكتب

المنجي باكير يقول...

رائع هذا البوح الذي يتدفّق

في حميميّة و غزارة و أناقة ....

منجي

نهر الحب يقول...

حلوة اوي اوي اوي
فيها مني كتير

الألم....
فيرووووز...
الحب..
...

الأمل..والحلم
...

متهيألي حرجع اقراها تاني

I'm The CraZy One يقول...

لما بحب اوي بغير اوي وبخاف اوي وبتملك اوي ..معلش استحمل
:)) moshkelti ma3aki 2ni msh ba3raf akteb comments asli ha2olek 2h ?!
efdali ya radwa el bent elso3'ayara el 3asola eli btemshi wara e7sasha