عارف لما تحس انك بتعمل اي حاجة تحسسك انك لسه عايش ولسه كويس أياً كانت الوسيلة !
.
.
عارف لما تفضل تعدل ف المايل وتتعب اوي
وتتمنى ان حد يساعدك ويحاول معاك ويمسك ايدك ويقولك مش هتقع وانا جمبك..
طب عارف بقى لما الناس دول ما بيجوش!
طب عارف بقى لما الناس دول ما بيجوش!
.
.
عارف لما تعاند نفسك عشان متنهارش في وقت معين محتاج فيه تكون قوي !
.
.
لما تقنع نفسك وتقول انا مش هعيط ومش هتضايق خالص..هضحك بصوت عالي
عارف اد ايه بتوجع لما حتى ضحكتك تكون مكشوفة.. !
.
.
لما حد يسألك ازيك (لمجرد تأدية واجب أو لمجرد الفضول) وترد انت بكل اقتناع وكدب ..تمام جدا ..كويس.. كله بخير!
.
.
عارف لما التاريخ يعيد نفسه ..كل حاجة بتتكرر تاني ..الفرح والضحك والحزن والألم
بس المرة ديه انت مش حاسس بأي حاجة !
.
.
عارف لما تستنى حد يرجع وانت عارف انه لو رجع هتصده برغم إنك محتاجه اوي!
.
.
عارف لما تبطل تثق اوي..ولما تحط حواجز كتير اوي من كتر خوفك..وبرضه بتتجرح!
.
.
عارف لما اكتر حد بتصدقه ينسى..ينسى المعنى ..ينسى الوعد..ينسى الأمل..وفي الآخر..
ينســـاك!.
.
.
عارف لما صوت فيروز ييجي يقويك ويبعترك ويكسرك في ثانية .!
.
.
عارف لما تحس ان مفيش فايدة من أي حاجة بتحاولها وإنك خلاص بقيت اكسبايرد.!
.
.
عارف لما صوت البحر يسكت والقمر يغيب في ليلة 15 وانت متجيش بقالك كتير
وتحتاج تقول لحد وحشتني وتقاوم الحزن بكل جهدك وتفشل...!
.
.
عارف لما يجيلك برد من كتر التلج اللي جواك!
وتحتاج بطانية ضد البرد والخوف والوحدة.
.
.
عارف ان محدش بيملك البطانية ديه غيرك!
............
العنوان من اغنية وينون - فيروز