21.5.10

بتبخر!!


قلتلهم..أنا حاسة اني واقفة على سلك

زي الاراجوزات

متعلقة في الدور العاشر على رجل واحدة..

شبه الماريونيت كده بس بدون خيوط..

هما مفهموش قصدي..

وسابوني متعلقة..بدون خيط



حاولت اقناع نفسي...بحجات مش جوايا


بس في الحقيقة

انا مش كويسة..

ومش بخير..

ومش مبسوطة..




انا بس خايفة..

و حاسة اني بتبخر!!!!!!




هناك 10 تعليقات:

اقدم عاصمه فى الحب يقول...

السلام عليكم

النفسيه النهارده شكلها مش بخير
مشاغل الحياه بتلهى اى حد عن اى حد
بس على فكره
انتى هنا احسن من الدنيا اللى بره
انتى هنا احسن مع اللى بيتمنى يحس منك كلمه او حتى حرف كلنا هنا بنشوف بعض زى لوحه جميله اوى
ابسط شىء يمكن عمله معاها
هو إنتظار ظهورها ولما نشوفها ..
اكتر حاجه نعملها اننا نقف ونتأمل ونتمنى انها مش تغيب ابدا
ربنا يكتيلك السعاده يا رب
وتبقى كويسه على طول وتحسيها بجد
ودى وإحترامى :)

الشـوكة الــنـاعـمـة يقول...

رضوى انا فهمت يعنى ايه اللى انت قولتيه
رضوى اللى انتى فيه انتى عارفه سببه
انتى مش بخير ابدا
بسانتى عارفه عيه اللى تعبك بس انتى
مش قادره تتقبلى الواقع
رضوى سبب اللى انتى فيه اللى ساكن قلبك صح
بس بصى للموضوع بنظره عميقه ومن ناحيه العقل بس
لو شوفتى ان الموضوع متعرج ومش ماشى مستقيم ارجعى اسألى قلبك ها تعرفى الجواب الصح
صدقينى لو اللى معذبك حب ابعدى
وروحى اقرى تعليقىع البوست اللى فات وانتى تفهمى اكتر
انا حاسه بيكى اوى بس كلامى ده عن تجربه
جايز مااقدرتش انفع نفسى بيه ع الاقل بسرعه بس انا يمكن حالتى كانت معقده شويه
بس ده كلام من قلبى ليكى عشان مش عاوزاكى توصلى للى انا وصلت له وماقدرتش اتخلص منه
ربنا يريح قلبك يارب
طمنينى عليكى
واتمنى نبقى صحاب يادودو ونتواصل اكتر
انشالله ع الميل

richardCatheart يقول...

ليه بس كده
رضوى بادم اللى حواليكى مش حاسين بيكى

ومش عارفه تخرجى اللى جواكى بصوت عالى فى ايه صوره يا ريت ماتسبيش نفسك كده

والجأى ربنا واتكلمى بصوت عالى
طلعى كل اللى جواكى
وخليكى فاكره ان دوام الحال محال يارودى

شذا الروح يقول...

مالك يا قلبى
ربنا يبعد عنك اى هم او حزن
انتى شمعه منوره جميله والله كلنا جنبك وبنحبك
ربنا يبعد اى حزن والم
ومش تشوفى الا الخير كله

يارب يطمنى عليكى يارب

خلى بالك من نفسك

ليله شتاء يقول...

هقولك على حاجة بعيدة شوية عن البوست
متخليش أى حاجة أو أى حد يأثر عليكي وخاصة بهذا الوقت
ركزي فى مستقبلك لان بجد مفيش أى حد يستاهل منك خوفك وحرتك طالما الأخر لا يبالى حزنك وخاصة بهذا الوقت ركزى فى حياتك ومستقبلك وأكيد أن شاء الله ربنا هيفرج عنك كل اللى مخوفك ويخليكي فى حالة أحسن أن شاء الله

وقولى دائما لا اله الا أنت سبحانك أنى كنت من الظالمين

ربنا يفرج همك ويسعدك

لـــولا وزهراء يقول...

]دودو القمر اجمل رضوى انا مش مبسوطة من حالتك دي انا حاسة ان فيه حاجة كل بوستاتك بتقول كدة ربنا يعزك يارب ويفرح قلبك ويمحي عن قلبك حزنك

لـــولا

دعاء العطار يقول...
أزال المؤلف هذا التعليق.
دعاء العطار يقول...

الانكار مش هيفيدك

يعنى لما تكونى زعلانه ومخنوووووووقه ومتضايقه ونفسك تعيطى

عيطى وماتقوليش لاء انا كويسه عشان ترتاحى

ماتكبريش لانك لو جيتى تقنعى نفسك انك كويسه وانتى مش كويسه يبقى هتتعبى اكتررر

قولى انا مش كويسه زى ماقولتى

بس المهم انك ماتستسلميش

لازم نضعف ونتخنق ونكتئب لاننا بشر لكن برضه لازم مانستسلمش لان مهما كان مفيش حاجه تستاهل هى فى الاول والاخر دنيااااا

فرج الله همك وكربك ياحبيبتى وتذكرى

" فإن مع العسر يسرا ان مع العسريسرا "

دمتى بود

طالبة مقهورة ..درجة أولى يقول...

عاوزة ارد عليكوا كلكوا بس مش قادرة

انا متشكرة اوووووووي لكل رد فيكوا

أحمد
الشوكة الناعمة
قلب القطة
شذا
ليلة شتا
لولا وزهراء
دعاء

والله كلماتكوا بسطتني واثرت فيا..ومش هينفع ارد هنا عشان اوافيكوا حقوا انتوا محتاجين 10 بوستات كبييييرة :)

ربنا يكرمكوا ويسعدكوا جميعا

Dody يقول...

مش عارفة اقولك حاجة غير ان احساسك وصلى جدا لانى مريت بيه قبل كده