العنوان اسم أغنية ل Dido : هنا
فيه حاجة بتنغزني في قلبي كل يوم بالليل
لما بفتكر كل يوم كام واحد بيحبني، وإني مبحبش حد...
لما بخرج خروجات يبدو إنها عادية وأنا عارفة إنها مش عادية للأطراف المواجهة...بتكسف أرفض وبستحمل القعدة الأوكوارد...بنبسط آه أكيد وبحط مشاعر حب خالص بطريقة مُحافظة...لكن في آخر الوقت وأنا ماشية لوحدي للبيت بشتاق لحد مش موجود.
أنا آسفة لأني مش واقعة في الحب...أو لأني خايفة أقع في الحب...ولأني مش مصدقة بأكتر منه ومش لاقيه الصورة الفلسفية الرومانسية الكلاسيكية القديمة اللي بحلم بيها وعارفة كويس إنها مبقتش هنا وإني نفسي بدوّر ع الأمان والحماية وحد قوي اتسند عليه...وآسفة لأني مبنساش...خالص.
قلبي أسود متجمد من 100 سنة..
بس لسه بيوجعني لما حد بيقول عليا قلبي أسود...وبارد.
عشان أنا زيها..زيها بالظبط بدوب ببوسة وحضن معاهم تصبحي على خير كل يوم.
