فوضى خاصة

بفضفض عشان محتاجة...
مش أكتر..

فوضاي الخاصة وأعالجها بطريقتي..أداويني بالكتابة

 

"النهارده كان يوم حلو وكل حاجة..بس كل ما بضحك الضحكة بتخلص مني وتتقطع في النص وأتنح وأرجع
بالبوكر فيس اللي باقيلي...بس على الأقل مبعيطش!"

عارفة الفرق..إنك بتفكري وأنتِ بتضحكي..أنا بطلت أفكر
بطلت أتعب..بطلت أحس بالذنب على حاجات مش مفروض احس فيها بالذنب
طردت كل اللي بيوجعني من حياتي
باختياري ..اخترت ابقى مبسوطة

سؤالي ليكي دلوقتي...أنتِ إزاي بتحسسيني بالعجز كده؟

 "فيه وقت ممكن تنصحى فيه وف وقت تسمعى فيه وتبئى موجوده بس ده كفايه 

 مش عارفه ليه

 مش بقيتى تعرفى تميزى بين الوقتين زى الاول ؟"

مش بقول لك مصممة تحسسيني أن كل سحري ضاع ومبقتش بأثر معاكي
بس تعرفي ؟؟ انا كمان محتاجة حاجة
والدنيا ناقصة..وانتِ مش هنا
ولا انا هناك
ومش عارفة هنتقابل فين بالظب ..أنا عاوزة أبقى لوحدي بعيد عن الرفاق
وأنتِ بطلتي تتكلمي وبالتالي بتشجعيني على الرغبة ديه..

سؤالي ليكي دلوقتي : احنا فين بالظبط؟

.............

ليه مش فاهمين إني مبحبش أقف
في آخر الصف وفيه 20 واحد قبلي وأطول مني هيتقبلوا عشان أنا مش هبان من وراهم 

وعشان الدنيا ضلمة وأنا مش بنور في الضلمة مش دايماً يعني ساعات ببقى خارقة..ساعات قليلة
 

آآه ممكن أحب حاجة أوي
أحبها لدرجة إني أعيا بسببها جسدياً لأنها أثرت عليا نفسياً...وبرضه أحبها لدرجة إني أسيبها
ليه منتوش فاهمين
ليه مش قابلين قراراتي..عارفة انكوا خايفين عليا
خايفني على أحلامي بجد؟

مش واثقة فيكم..مش بعد اللي حصل خلاص
بحب أعمل الحاجات بطريقتي

زي ما بحب التنس عشان لعبة فردية ..دماغ واحدة..مضرب واحد..وفيه فرصة تانية في الإرسال الأولاني

عمري ما تخيلت إني مفروض آخد قرارات مصيرية بالسرعة ديه 

وأنا لسه صغيرة لمجرد إني ف كلية بتفرض كده..أو يمكن أنا معدتش صغيرة.

مش عارفة !! محدش بيختار زيي اليومين دول متهيألي

.........

إزاي تِفَهم شخصية..إنك مش عاوزها في حياتك
وإنها بتخليك أسوأ بكل الطرق
وإنك زهقت من تصرفاتها المجنونة اللي بتكسر كل اللي بتعمله عشان تبقى كويس

أصل الكلام عمره ما هيأثر لو اللي بيسمعه أطرش.

.........

عن انجازات يوم السبت :

مضيت على براءة اختراع تخيلية
اتعلمت ازاي أ (شيك هاند) زي الناس المحترمين :D
ابتسمت في يوم مكنتش عاوزة اشوف حد فيه من كتر النكد اللي كان طايلني
اتطلب مني أقول talk
طلبت المساعدة من شخص..وديه مبعملهاش كتير
حاولت أعمل صداقة جديدة
عملت أكل كويس وبدأت اعتقد إني هبقى شاطرة لو ركزت ف حوار الطبخ ده

بطلت أقرا الرسايل اللي مش عاوزاها وبمسحها تلقائي بدون فضول لمعرفة اللي جواها

...........

بدأت أصدق إن اتصالات تأديب وتهذيب..وحسيت بالمعاناة من أول سيكشن

السيركيتس حلوة..حاسة ان الروبوت فهمني كتيييييير اوي..بقيت بتكلم وانا واثقة من معلوماتي

الدكتورة بتاعت الكمبيوتر بتنيم نوم السنين

ودكتور الرياضة...حسبي الله ونعم الوكيل ده عاوز بوست لوحده

الكلية غريبة اوي ووحشة وهي زحمة كده والوجوه مش مألوفة..زايد أحلى

اليوم كان كومبليييييييييت لأننا أخدنا السكاشن عادي جداً..وروحت ميتة ومنمتش معرفش ليه لحد دلوقتي

بالمناسبة أنا كده نفذت خطوة من قايمة الامنيات بتاعتي..مفروض أبقى مبسوطة عن كده

........

أنا كويسة على فكرة كويسة اوي

وعقلي الباطن بقى يصدقني

أنا كويسة والله الحمد لله :)

بفضفض عشان محسش بالوحدة..و أنت عارف بقى إني رغاية جداً 

 ...........

صحيح أنا مخذلتش حد..حتى لو فيه حد فكر كده لحظة فده أكيد

misunderstanding

...

تصبحي على خير يا راء...كفايا كده النهارده