Photo is taken by me
مش مؤمنة كفايا بالسعادة
عشان كده مع أول لحظة شك...بتهز
وأنتم السبب المرة ديه
.....
مش معنى إن التانيين مش عارفين يوصلولها_أقصد السعادة_ يبقى أنا موصلتش
ومش معنى إني بحبهم إننا نفضل تعساء سوا أو مبسوطين سوا
مش شرط ابداً
...
وعموماً مجتش عليكم ناس كتير مش مقتنعة إني مبسوطة
هو سؤال واحد بس نفسي أعرفه : أنتوا ليه بتعملوا كده فيا بالظبط؟
ممكن تبطلوا تكسروا مجاديفي
....
أول مرة أبقى مضطرة أتعامل مع ناس عشان شغل ، وأنا مليش نفس أشوف الناس أصلاً ، ولهذا قررت إني بمجرد ما أشوف الشارع
إحساسي هيتغير وهبقى عاوزة أروح الميتنج
و الأحاسيس الجانبية ديه مش هتسيطر عليا
الموضوع طلع بجد يا إلهامي
...
في لحظات معينة في حياتك...في نجاحاتك
في بداية اختيارك لطريق متعرفش آخره
بتحس انك نفسك تقول لحد
I couldn't have done it without you
وفي نفس الوقت ممكن تفكر إن
I couldn't have done it with you
وهنا بتكتشف حكمة جديدة ربنا بيبعتهالك
حكمة بتفوق الألم والفراق والحزن
...
بطلت أستنى حاجة من الشخصيات المُقربة..وخلينا نقول
إنهم كمان بطلوا يستنوا مني حاجة
الموضوع مُقلق بعد انشغالي بمليون حاجة
ممكن أضيعهم من إيدي ، بس احنا أقوى من كده
وهنكتشف ف نهاية اليوم إن ملناش غير بعض
يعني لا داعي للخوف
....
طلب أخير...متستكتروش عليا السعادة بأي شكل
حتى لو لا تتناسب مع أفكاركم ورؤيتكم وراحتكم الشخصية
أصلي محتاجاها اوي
..
