دايما الواحد لما بيفضل يجري

وبعد ما يتعب بيبقى عارف ان ليه حد معين
هيروحه في النهاية لما يتعب من كتر الجري 
ويقع جنبه من كتر تعبه ووجعه وهمومه
بنكون عارفين ان الحد ده

هينسينا همنا ووجعنا

وممكن ننسى معاه كل الجري اللي كنا بنجريه


عرفت ليه أنا بفكر فيك جامد دلوقتي

عشان تعبت من الجري 
ونفسي اعتمد عليك حبة

من غير ما تحسسني إني حمل رخم ولا تقيل
ومع إني بعرف أعمل كل حاجة لوحدي

بس محتاجة حاجات بسيطة
حاجات انت عارفها كويس..

هتسألني ليه اشمعنا انت بالذات؟ 

عشان انت اروع شخص عرفته في سنيني الخمسة وخمسين
والشخص الوحيد

اللي استحالة يتكرر في حياتي مرتين

..

يارب تكون كويس