مطر يهطل بشدة يجعلني اشعر برغبة شديدة عارمة في الجري والقفز تحت قطراته وانا اسمع صوتها تتساقط ..
مطر يهطل من السماء باندفاع وتهور ليمحو أفكاري...ولا يصبح لها وجود بداخلي
مطر يشعرني بسعادة غريبة غير مرتبطة بعقلي ولا بمشاعري ...ولكن ربما متعلقة بكليهما
مطر يشعرني بحنين للماضي لأصدقائي حتى حذائي القديم طويل الرقبة اشتاق لوجوده معي ...
قطرات تتساقط بسرعة وكأنها تفر من السحاب لتغمر البشر البؤساء بنعم الوهاب الخالق العظيم..
مطر...ليس له مثيل سبب من اسباب الحياة احبه كما يحبني تماما فهو يكون ثلثي جسمي ويلازمني فكيف لا احبه؟؟
_ _ _ _ _ _ _
الدنيا مطرت وانا بحب المطرة ومشيت في المطرة وكتبت عن المطرة
أما بعد...
وحشتوني أووووووووووي
وحشتوني أووووووووووي
أنا عارفة اني مقصرة والله مع ناس كتير بس اعذروني مشغولة اوي
فيه ف دماغي مليون فكرة وفكرة معرفش بيجوا منين وبيجوا ليه
متفقين عليا وحالفين ما يخلوني اعرف انام شكل حد داعي عليا جامد اوي
مع اني طيبة ومسالمة .....ايوه طيبة متبصوليش كده
اصبحت بسبب هذه الافكار شبه المثل القائل أنا عامل دماغ تمام ...ولا بانجو ولا برشام..ياناس مش عارفة انام..
مع الاعتذار لصاحب الاغنية لاني مش حافظاها كويس نسيوا يدوهاني ف الاسكولا
المهم من غير صداع ورغي كتير أوعوا حد يزعل مني أنا مش قدكوا ومش ناقصة أفكار تانية
ربنا يسعدكوا ويهنيكوا وتبقوا مشمهندسين قد الدنيا واللي بقى مش مشمهندس يبقى صيدلي مش حارماكوا من حاجة
:)
سلامااااااااااات
