السلام عليكم جميعا أولا
النهارده في حوار بيني وبين نفسي حدث الآتي
أنا: أنا عاوزة أكتب محتاجة اكتب ومش عارفة قلمي معاندني ليه بس أنا أصلا مش عارفة اكتب ايه
ممكن أكتب نثر أي حاجة تعبر عن اللي جوايا أو خاطرة ع الماشي لا لا لا أنا قررت هكتب شعر أو زجل متقترحي حاجة عليا ولا هفضل ارغي لوحدي ....
_شعر مين يا حاجة انتي فاكرة نفسك فاروق جويدة روحي الله يسهلك ...
أنا: دايما كده حابطاني وعملالي فيها الموناليزا وعمرك ما بتساعديني بكلمة ده انتي تستاهلي اللي حاصلك.
_ليه كده يا رودي ما كنا حلوين من شوية وعموما عاوزة تكتبي ما تكملي قصتك اللي قرفاني بيها بقالك شهر.
أنا: يوه بقي الإلهام مش عاوز ييجي وبعدين القصة مش فارقة ف الوقت الحالي .
_أكتبي اللي حصلنا واللي بتفكري فيه.
أنا: ممم الموضوع عادي أخدنا مقلب في حد تاني الموضوع ده أخدنا عليه ديه المرة ال ٣٨ تقريبا عادي يعني وبعدين احنا موثقناش اوي وادينا بنتعلم ولا ايه يا نفساوية؟
__بقولك ايه يا مشمهندسة متصدعينيش وسيبيني اسمع اغنية سيرو بمزاج.
أنا :هو ده اللي أنتي فالحة فيه إنما مبتقوليش حاجة مشجعة ابدا بس أنا هتصرف معاكي يا نفسيتي وهظبطك بس صبرك عليا .
*¤*¤*¤*¤*¤
فكر قليلا قبل أن تثق كثيرا
حكمة قرأتها واظنها خاطئة ف التفكير لا يجلب سوي مزيد من التفكير وتظل الثقة معلقة بين العقل والقلب وبحر من الأفكار بلا جواب محدد فكيف نثق في شخص ما ونحن لا نعلم اذا كنا قادرين علي تحمل الغدر أم سننهار إثر خيانة ثقتنا بنفس قدر حبنا وثقتنا لهذا الشخص؟؟؟
لكل من صدم في شخص وثق به وأحببه:_
سامح من أخطأ ويمكنك إعطاءه فرصة ولكن لا تصل لدرجة من السذاجة بأن تسامح مره ثالثة وكن قويا (محدش بيتعلم بالساهل) وابتسم لأنك لم تخطئ ولكنك تعلمت :) وتستمر الحياة.....
بوست ملخبط أنا عارفة أستحملوا بقيD : وياريت ألاقي أراء عن ازاي اعرف اللي ادامي ده محل ثقة أو لأ.؟
تحياتي أنا ونفسيتي النفساوية
