مفيش حد هنا...أنا وهي وبس
وصوت المزيكا حوالينا، الإضاءة هادية ..كويسة
الديكور حلو..مش مبتذل
والرسومات على الحيطة بتقول كلام لطيف..بتتفرج على الناس من فوق اوي
الدوشة اللي ورايا مش موجودة نهائي..ومحدش بيتكلم هنا في السياسة ولا حاجة
أنا وهي ولا أحد
هي بتشرب القهوة..وأنا بشرب كابتشينو
هي بتدخن ..وأنا بكح من دخانها
هي بتقرأ..وأنا بكتب..بكتبها..بكتبنا
أنا وهي بس
مفيش حد تاني..مفيش صوت بيتكلم في دماغي
ولا صراع جواها باين في عنيها
هي وأنا...يعني بطريقة ما أنا مش لوحدي !
.......
حينما يشاركك آخرون الوحدة
فبالتأكيد أنت لست وحيداً
حينها تصبح مأساتك نقطة حبر في بحر..
حينها تتبخر الهموم وتتحول للاشيء
