بنت كبيرة في عالم كبير

Taken, Written, Edited by ME

مكنتش ناوية أكتب حاجة شخصية هنا تاني عشان أفتح التعليقات


...

بس النهارده يوم تاريخي..يشمل حوار طويل مع دكتور الحاسبات
وبينتهي بتحديد القسم اللي عاوزاه...والهدف اللي نفسي أوصل له ...حاسة إن حياتي بقى ليها معنى
فجأة كده!

...

النهارده عينيا احمرت من كتر الدموع...وقلبي اطمن من كتر طبطبة ربنا عليه

...

النهارده...اكتشفت من تاني إن كل حاجة بتحصل لسبب...والنهارده أدركت حِكَم كتير

(وذُهلت من ترتيبات ربنا ،وكأني بكتشف الموضوع ده لأول مرة!)

....

(النهارده صحابي عملولي في الكلية عيد ميلاد مفاجيء( قبل عيد ميلادي الفعلي بأسبوعين

النهارده أنا كبرت...كبرت بجد !

....

النهارده..أنا قوية ، ذكية ،موهوبة، مش وحشة أبداً ،
عندي ربنا ، عندي عيلة وصحاب ،عندي طموح وهدف..
مش هبص على النص الفاضي تاني..ومش هكتئب واركز ع الكادر الصغير من الصورة ،
...وهقنع نفسي باللي لازم أصدقه ، لأنه الواقع

احنا بشر ، والبشر عندهم من المرونة ما يكفي لتغيير معتقداتهم...
أنا بغَيَّر معتقداتي وبثَبت عقيدتي

...

النهارده أنا مؤمنة بيا...جداً ...أوي ...لأقصى درجة

...

النهارده ..وفي آخر اليوم بس اكتشفت إن...أنا بحبني !



_____________________


رسالة إلى ربنا:

شكراً يارب 

عشان علمتني كويس المرة ديه ،صحيح مش عارفة بكرة جايب ايه!
بس أنا مطمنة وأنا معاك.

طلب صغير بس:

ممكن مش تتوهني من غير ما تدلني يارب أبداً تاني؟ :)

...


بس أنا خلصت كده..الحمد لله