27.1.12

مش هتحتاج كتير



بكل بساطة..
مش هتحتاج كتير علشان تفهم إنهم مش شايفينك

وإن كل حد بيدخل جوا قلبك..
(وبيعتبره البيت اللي دادي جابهوله)..بيكركب جواك وبيسيب بصمات بتاكل في روحك لما بيمشي.


مش هتحتاج أي وقت عشان تستنبط إن حياتنا شبه السيرك وكل الناس أراجوزات..بس أراجوزات مبتضَحكش!!


ولا هتحتاج وقت علشان تعرف إنك بتداري دايماً خوف جواك لاحسن تكون مش في مكانك الصح

وتفضل تسأل نفسك السؤال الأزلي بتاع
"أنا مش متأكد
هو أنا بجد بنتمي لـــ...هنا؟ "

.
.
.
.

هناك 4 تعليقات:

Heidenröslein يقول...

كتبت كومنت ومسحته
ومخدتش وقت كتير عشان أكتشف إن كل اللي محتاجاه هو شير بسيط .. وإيموشن عامل كدة :) .. معرفش ليه .. بس هو كدة !

sara adel draz يقول...

تححححححححفة يا رضوى
ماشاء الله
اللون دا من كتاباتك بتبدعى فيه بجد
:)))
وعلى ما هوه بسيط بس اثره جوا القلب كبير

لبنى أحمد نور يقول...

آآآآه :(

RoMa يقول...

حلو
بس الناس مش وحشة اوى كدة وفى منهم ارجوزات دمها خفيف
بالمناسبة حلو تعبير ارجوزات دة (: