13.8.10

أشياء عادية تحدث

"تعود على اعتبار الأشياء العادية..أشياء يمكن أن تحدث أيضاً"


في البداية والنهاية يظل هذا هو الواقع،أوليس الموت في النهاية شيئاً عادياً

بل هو على قمة تلك الأشياء الاعتيادية مثله مثل الحب ..والمرض..والحياة!!


وبرغم ذلك نظل ننكر حدوثه لنا ونقتصر منه على الآخرين فقط برغم واقعيته..

فالموت يبقى مجرد موت..


بدأت في الانغماس في الكتابة حينما اتى النادل محضرا قهوتي التي طلبتها..

وللحظة شعرت بصعوبة خروج الكلمات فأومأت له شاكرة


لا ادري حينها تحديداً هل كنت أنت من رأيته يعبر الشارع اثناء جلوسي في هذا المقهى..

كنت أنت أو شخصاً يشبهك تماماً برغم اختلاف الطول

لا ادري لماذا لم اركض نحوك كعادتي وابتسم قائلة "بخ..اتخضيت مش كده؟"

لماذا لم اتعلق برقبتك واقفز نحوك بتلقائية؟

لماذا لم احاول حتى التحرك من مقعدي؟

لم ارد تصديق انه انت ..فقد ذُهلت حينما رأيتك تغيرت بهذا الشكل ..

كنت أقصر كثيراً منذ رأيتك المرة الأخيرة..

منذ فترة طويييييلة ربما تفوق عمري بأكمله...

بدوت حزيناً حزناً غريباً لم أعهده عليك من قبل ،

حتى ظهرت لي أقصر عدة إنشات ؛لأنه كما اخبرتك سابقاً أن

الحزن قوة جاذبة تشد لأسفل ، تسحب الرأس والكتفين إلى الأرض،

كأن الجسم في حزنه يمسي واهناً خفيفاً فتستقوي الجاذبية عليه وتستشرس..

ولم تصدقني حينها ..


اكتفيت بمراقبتك حتى اختفيت عن ناظري وارتشفت القهوة المُرة التي احضرها النادل

واخذت تتزاحم في فكري الجمل..

كل الجمل التي لم تتوقعها من من قبل ولم استطيع اخراجك من تفكيري

حتى بعد عودتي للمنزل..وشرودي الغريب الذي أصابني

والآن وأنا أقف أمام قبرك بعد رحيلك..

سأتمكن أخيراً من قول ما لم استطع اخبارك به من قبل..

دون الخوف من الخطيئة والأثم في الحديث ودون البحث

عن ترتيب منطقي للكلمات

لقائنا كان شيئاً غير عاديا اثبت لي انه

يمكن حدوث اشياء عادية (الحب)تلي الاشياء الغير عادية (لقائنا)

والآن عدت لنفس الدائرة

واقتنعت ان موتك.. مجرد أشياء عادية تحدث

..

هناك 31 تعليقًا:

Unique يقول...

جميلة يا رضوى
عجبتني فلسفتها خاصة جزئية انحناءة الحزن

استمري

كل سنة وانتي طيبة :)

WINNER يقول...



الموت عادي بتكراره في الجماعات و في الزمن الممتد. لكنه غير عادي كلما تناقصت الأعداد و قصر الوقت.

الموت في الحياة عادي. لكن انتهاء حياة قريبة منـّـا ليس عادياً.

بس مين اللي مات في الكلام السابق؟

طالبة مقهورة ..درجة أولى يقول...

Unique

ميرسي جدا لحضرتك..وانا برضه الجزئية ديه من اهم محاور الموضوع وحبيت اوضحها اوي الحمد لله انها وصلت

وانتي طيبة وبخير يارب :)

طالبة مقهورة ..درجة أولى يقول...

وينر..

تمام الجزء التاني يا احمد مع اني مش فهمت الجزء الاولاني م الكومينت..

في الكلام السابق اللي مات الشخص اللي هيا كانت بتحبه وقابلته بطريقة غير اعتيادية..مفيبش كلام بين السطور هنا مش ف القصة ديه :)

WINNER يقول...



الجزء الأولاني: " الموت عادي بتكراره في الجماعات و في الزمن الممتد. لكنه غير عادي كلما تناقصت الأعداد و قصر الوقت ".

يعني الموت عادي لما بيحصل بين البشر ككل، و خلال التاريخ.
لما واحد مات في مصر، عادي.
لما واحد مات القرن اللي فات، عادي.

لكن لما الشخص اللي بيموت بيكون ضمن مجموعة أقل من البشر ككل، زي في العيلة، أو من الأصدقاء. فالعدد الصغير يبان فيه الشخص المفقود.
و لما عدد من الناس يموتوا في فترة متقاربة بيكون موتهم واضح، و غير عادي.
زي شخص في سنة واحدة يموت أبوه و عمه و خاله و جده. لو كانوا ماتوا خلال 10 سنين، كل سنتين تلاتة يموت واحد كان هيبقى عادي.


" مفيش كلام بين السطور هنا مش ف القصة ديه ".

أومال فين؟ في أي قصة؟
:)

أتنين حبيبين يقول...

حبيبتى

وحشششششششششتينى ياقلبى
اخبارك ايه
وفينك كده مختفيه
يارب تكونى بخير ويطمنى عليكى

معاكى حق حبيبتى بكل كلمة قولتيها
كل شىء بحياتنا فعلا مجرد اشياء بسيطه وعاديه بتحصلنا كلنا
عجبتنى طريقه سردك وفلسفتك غاليتى
كونى كما تحبى
طمنينى عليكى
مودتى

شاب فقرى يقول...

فعلا الموت شىء عادى
إيه الغريب ؟
ربما هواالحقيقة الواحدة التى لا تحتاج إلى إثبات فى هذا الكون
الفراق بالموت أحلى وأرحم بكتير من الفراق فى الحياة
شاب فقرى

ELMOSTAFZ يقول...

لييييييييه شلتي الشات بوخس :) كنت بدأت احبه :)
عجبني أوي تفسيرك للقوة الجاذبة للحزن ، فعلا زي ما يكون بيمتص الطاقة منك فمتقدريش تقاومي الجاذبية و تفردي نفسك لفوق...
الموت شئ روتيني و يمكن من اكتر الأحداث اللي بتتكرر يوميا ، لكن جايز عشان بيحصل مرة واحدة في حياتنا و معاه بتنتهي كل الأحداث فتلاقيله مكانة خاصة وسط الروتينيات ، إنما في الحقيقة حياتنا كلها روتين مستمر ليل نهار ليل نهار...
تحياااااااتي آنسة رضوي...

طالبة مقهورة ..درجة أولى يقول...

winner

اها تفسير رائع على فكرة..كل ما بيقل العدد والزمن بيكون الموت صعب بس في كل الحالات هيظل شيء عادي وصدمتنا فيه عادية برضه

"
أومال فين؟ في أي قصة؟
"

ههههههههه لما يبقى فيه هبقى ألمحلك كده واحطلك ملحوظة من تحت مخصوصة لاحمد وينر

منور يا دوك تعبتك معايا

طالبة مقهورة ..درجة أولى يقول...

اتنين حبيبة

توتاااا طبعا..ازيك انتي انا الحمد لله بقيت كويسة وبسلم عليكي ؛)

وحشتوني انتوا كمان والتدوين بأكمله ان شاء الله رجعت المرة ديه ومش همشي ولا هقفل الكومينتووووس

اشكرك بشدة

ربنا يكرمك ويسعدك

طالبة مقهورة ..درجة أولى يقول...

شاب فقري

الموت عادي والصدمة منه برضه ..عادية

بالعكس انك متتصدمش تبقى انت اللي مش عادي

Thanks 4 the comment

طالبة مقهورة ..درجة أولى يقول...

المستفز

ههههههههههه على اتم الاستعداد ارجعه لو تحب ..تعرف اني بجد جالي منه شلل بسبب الناس اللي مش بتكتب اسمها..وانا اقعد العب بقىىىىى واخمن..وطلع تخميني غلط مرتين تلاتة كده فقررت اشيله..كنوع من استفزاز الحد اللي معرفوش ده عشان اعرفه
وتعرف برضه معرفتش هوا مين ^_^

اها ديه مظاهر الحزن والهموم الكبيرة اوي بتكون مش باينة غير للي يركز وبتظهر واضحة على صاحبها..

تفسير جديد كمان للموت.. بس ده لاموت الشخصي موتي انا..مش موت الناس اللي حواليا تفرق كتير..غالبا موت الشخص بيكون اقل الم من موت اللي بيحبهم او بعتقد ذلك عشان بؤمن ان الموت مريح اسهل م الحياة..لما اجرب هبقى اقولك انهي بيوجع اكتر :)

Ramy يقول...

رضوى

كل سنة و انت طيبة

ايتها الطالبة غير المقهورة

طبعا انا مش عارف اقول حاجة غير انى اعتذر ع التأخير

مش عارف انا كنت أقرا و اسكت و أفكر

حتى وانا بعلق مش عارف اقول اية

ما أكثر الأشياء العادية فى حياتنا


ربنا معاكى و يوفقك

Ramy يقول...

مش عارف نستينى

مبروك على الشكل الجديد للمدونة

لـــولا وزهـــراء يقول...

حتى ظهرت لي أقصر عدة إنشات ؛لأنه كما اخبرتك سابقاً أن

الحزن قوة جاذبة تشد لأسفل ، تسحب الرأس والكتفين إلى الأرض،

كأن الجسم في حزنه يمسي واهناً خفيفاً فتستقوي الجاذبية عليه وتستشرس..

ولم تصدقني حينها ..


" النهاردة صديقة امي رأتني وسألتني سؤال لم ادرك مغزاه الا الان اخبرتني انني قصرت !!! "


جميلة يا رضوى جدااااااااااااااااا

لولا

دعاء العطار يقول...

الحزن قوة جاذبة تشد لأسفل ، تسحب الرأس والكتفين إلى الأرض،

كأن الجسم في حزنه يمسي واهناً خفيفاً فتستقوي الجاذبية عليه وتستشرس..

ولم تصدقني حينها ..

الله عليكى يارووووودى

جمييله بجد

عارفه يارودى مجرد التفكير فى الموت بالرغم انه حاجه زى مابتقولى عاديه ممكن تقلب يومى راسا على عقب وتحولنى من واحده سعيده ومتفائله لواحده حزينه وخايفه

بالرغم انى ميقنه ان فيه موت وان لازم حد قريب منى هيموت

الا ان مجرد التخيل مش بقدر اتحمله فمابالك لو حصل على ارض الواقع

بجد ربنا يلهمنا الصبر من عنده ويثبتنا

R-H-S يقول...

انا عجبتني كلمه النادل دي صراحه
هههههههه

بصراحه الجمله بتاعه الحزن

الحزن قوة جاذبة تشد لأسفل ، تسحب الرأس والكتفين إلى الأرض، كأن الجسم في حزنه يمسي واهناً خفيفاً فتستقوي الجاذبية عليه وتستشرس.. ولم تصدقني حينها ..

ايه يابنتي الكلام دا ....انا حسيتك بتكتبي نظريه زي بتاعه نيوتن كدا

بصراحه يعني قصه قصيره جميله اي نعم في غم في الاخر بس جميله كالعاده
ومن غير مجامله والله

يعني غيرى المتصفح ههههههههههه

تحياتي ايتها الطالبه

طالبة مقهورة ..درجة أولى يقول...

ramy

وانت طيب يارب وبخير

مش يهمك ومش اتأخرت ولا حاجة

الفكرة كلها اني كنت بفكر وانا بكتب فانك كمان تقف وتفكر ده شيء مبشر

وميرسي على ملاحظتك
ربنا يكرمك يارب

طالبة مقهورة ..درجة أولى يقول...

لولا..

فينك بس انا مش عارفة اعلق عندكوا ولا اجيب اي طريقة اطمن بيها عليكوا

ليه بس الحزن غلبك معقول :(

ربنا يفك كربك ويفرج همك يا حبيبتي

طالبة مقهورة ..درجة أولى يقول...

دعاء العطار

انا معاكي في كل حررررف قولتيه لاني زيك بالظبط فيه

مجرد التفكير شيء مؤلم..بس تخيلي ان بقالي اكتر من اسبوع التفكير ف الموت مش سايبني ومش لاقيلاها حل ديه

ربنا يثبتنا يارب

Ramy يقول...

شفتى

انا نسيت اقولك مبرك شكل المدونة الجديد (:

طالبة مقهورة ..درجة أولى يقول...

استاذ مونبه ولا اقولك يا دفعة بقى ^_^

ملقتش غير نادل ف الليلة كلها اللي تعجبك ههههههههههههه

بص يا ابني انا مش داخلة علمي رياضة ومقفلة امتحان التفاضل ببلاش كده ..نيوتن مين ده ..متخلينيش اتكلم عن نفسي عشان انا بحب اتواضع هههههههههههه

ربنا يخليك يا دفعة ويوديك ويرجعك باسلامة جيشك خلينا نخلص

طالبة مقهورة ..درجة أولى يقول...

رامي

هههههههه كلهم نسيوا ما انا صدمتهم تقريبا بالقصة

ربنا يخليك يا رامي ميرسي لزوقك
ويارب تبقى كويس

Ramy يقول...

صدمتينا

دا انا معرفتش ارد اساسا (:

طالبة مقهورة ..درجة أولى يقول...

امممممممممممم

يعني نخلي البوست اللي جاي تفاريحي
مع انه مش تفاريحي خالص

معلش استحملواااااااا على مسئوليتكوا ^_^ ومحدش يدعي عليا المهم

Ramy يقول...

لالا أكتبى اللى انت عاوزة و اللى انت حاسة بيه ميهمكيش

و هنقرا (:

دى مدونتك (:

طالبة مقهورة ..درجة أولى يقول...

حاااتر يافندم

ايه اخبارك يارب تكون تمام؟؟

Ramy يقول...

الحمد لله

و لا زلت حى أرزق

(:

طالبة مقهورة ..درجة أولى يقول...

الحمد لله يارب دايما بخير

منورني والله :)

ريحانة الاسلام يقول...

كلماتك بجد بحس انها بتحفر فى قلبى بتسيب اثر كبير
بجد القصة مؤثرة اوى
بس ليه معظم كتاباتك بقت حزينة؟؟
رغم صراحة ان موضوع الموت ده شاغل دماغى بقاله فترة ومش متخيلاه
..^_^

طالبة مقهورة ..درجة أولى يقول...

سارة

مش عارفة مش بقصد تكون حزينة لكن يمكن بتعكس حاجة جوايا ده اكيد مش يمكن

وانا فكرة الموت شغلاني فوق ما تتخيلي برضه

ربنا يحسن خاتمتنا