أنا معرفش كتير عن الحياة... بس أعرف إن اللي بيدمّعوا وسط الحكي عشان مش قادرين يسامحوا أكتر أشخاص مهمين في حياتهم أذوهم بأسوأ الطرق، مينفعش يشوفوا نفسهم غير جديرين بالمحبة والمسامحة ويتخدعوا بكدبة إن قلوبهم سودا...

ساعات الأذية بتكسر حاجات صعب تتعالج ببساطة بمرور الوقت، صعب تتعالج من نفسها..

سواء أصحابها شافوا ده أو لأ، أعترفوا بيه أو مفرقش معاهم، تجاهلوه كلهم وكملوا عادي حياتهم

It's there, the scars, and we're not proud to discover their existence each time.

.

.

أنا مش قادرة أسامح أبويا، ولا الولد اللي كنت بحبه، ولا سواق التاكسي الحرامي، ولا البنت اللي داست على رجلي في المترو ومعتذرتش، ولا المعيدة اللي قالت لي أمشي والمعمل كان فاضي، ولا كل اللي وعدوني إنهم مش هيسبوني لوحدي ...ومشيوا.