( كانوا ساندين راسهم هنا وبيعيطوا أوي...وهو أكيد سمعهم..بس أنا كان صوتي واطي اوي وسطهم )
عارف يارب...مبقتش عارفة أكلمك
مش عارفة أقف أدامك
ومليش عين حتى أقولك سامحني...
مش عارفة ليه رجلي بتوديني لسكك الحيرة وبفضل أدور علشان أوصل.. فـ إما بتوه أكتر أو بتألم وأسكت وأعمل نفسي مش فاهمة مع إني فاهمة كل حاجة..أنا شايفة الإشارات بوضوح.
محدش فاهم ، ومحدش بيحاول يفهم ،كلهم سابوا إيدي ، ومع ذلك بكلمك أشكيلك منهم !
كان نفسي بس ميفقدوش الأمل فيا ، وجعوني فقلت إنهم مش فارقين معايا ، وأنا مليش غاليين في الدنيا غيرهم أصلاً . قلت مش فارق يمكن أصدق نفسي ومكتبش اللي بكتبه ده دلوقتي ومواجهش نفسي يمكن أفضل متلصمة للأبد.
بطلب منك وأنا معنديش حاجة أقدمها ، ولا عمل كويس ، ولا قلب نقي ، ولا روح سليمة
معنديش حاجة خالص بس عندي أمل إنك مش بتكرهني ومش هتسيب إيدي ..أنا تايهة أوي يا ربنا
وكل حاجة غلط ..بلا استثناء
وفي وسط ده كله مش عاوزة أحكي حتى ولا اتكلم...يارب أنا عاوزاك تحضني ، ممكن يارب تحضني جامد ؟
....
