عارف..ساعات مبقتش عارفة هي قوة..ولا عِند..ولا محاولة لعدم إثارة الشفقة
ومش عاوزة أعرف..تمام؟
محدش مجبر يفسر أفعالي أو يفهمها أو يتخيل لوهلة إن فيه حاجات مخلياني مش كويسة
عارف..حتى الشغل مبقاش ليه طعم..وبقيت بكلم الناس بزهق وبصوت مخنوق مبيضحكش
..أنا مش عارفة مالي بس بكدب وبقول إني كويسة
يا ترى ديه قوة ؟ تفاؤل ؟ محاولة لعدم إثارة الشفقة ؟ ولا عِند فيا ؟
....
الحاجات اللي بخاف منها خطوط حمراء...السفر وإنك تمشي وتسيبني لوحدي...الفشل...
....
الحاجات اللي بخاف منها خطوط حمراء...السفر وإنك تمشي وتسيبني لوحدي...الفشل...
التعب من كتر ما بحاول أعدل في المايل...عدم فهمي..التقليل من قدراتي...القسوة
كل ديه خطوط لما بتدوس عليها بتدوس على قلبي
كل ديه خطوط لما بتدوس عليها بتدوس على قلبي
وأنت شكلك ناسي إنه مفيهوش حتة باقية يتداس عليها.
....
اللي انكسر مبيتصلحش مهما حصل مبيرجعش زي الأول عشان الزمن مش بإيدينا
....
اللي انكسر مبيتصلحش مهما حصل مبيرجعش زي الأول عشان الزمن مش بإيدينا
والقلوب والأرواح والإزاز المتدشدش..هيفضلوا يعوروك كل ما تحاول تجمعهم
....
كمهندس... التعامل مع ال تورشن زي التعامل مع النووي
اول ما مهندس مدني بيلاقي تورشن بيسيب الدنيا ويمشي.. !
التعامل مع القلم بقى زي التعامل مع التورشن
....
كمهندس... التعامل مع ال تورشن زي التعامل مع النووي
اول ما مهندس مدني بيلاقي تورشن بيسيب الدنيا ويمشي.. !
التعامل مع القلم بقى زي التعامل مع التورشن
وإنفعالي في المقابل..هيخليني أسيب القلم وأمشي
عادي بقى.! ومن أمتى كات الفوضى بتريح يعني ولا اللي بكتبه بيعجبني
ولا الورق بيساع أحلامنا اللي بقت نص حلم مش بيدفي
ونص حالة مبتريحش
نقطة ومفيش سطر
.
