بوست شخصي...لن يفيدك بربع جنيه حتى ..لف وارجع تاني :)
أزمة تعبيرية جديدة...مُتوَقعة
-كلمت سارة ساعة إلا ربع بحالها هي كانت بتتكلم...بس أنا معرفتش اتفاعل في المقابل..كان نفسي بس مقدرتش
-طول اليوم النهارده كنت بفكر...أنا بجد بحب الهندسة اوي
-مش دايماً بنستخدم الفيزيا في حياتنا...مش بنمشي بميزان ميه عشان نحسب ميل الكوبري ده اد ايه ،
ومش بنفكر لو الميه مطرت مفروض الطريق يوديها ازاي ع الركن بحيث متعملش حوادث ،
مش بنتأمل في المحور وازاي اصلا بشريين قدروا يعملوا الطريق ده كله بشكل متقن (بدرجة مقبولة) ،
ولا بنفضل مركزين مع عداد السرعة
ونشوف السرعة المتوسطة اللي مشينا بيها من بيتنا لحد مول العرب ..
الحقيقة إن اللي بيفكر كده يبقى إنسان مهووس ومش طبيعي
-كل ما بمشي بالعربية فِكر الهندسة المدنية بيأسرني..بركز في المباني والطرق بشكل مش عادي...معجبة بالقسم ده وكم العلم اللي جواه
-لو قارنت بين المعلومات اللي بتبهرني بجد...هلاقي قسم طيران بيتنطط ادامي(وإني ابقى زي باشمهندس زين كده :) )...بس للأسف عندي اسبابي اللي تمنعني م القسم ده
-الحقيقة اني عاوزه اختار قسم بحبه ومش مهم اني بنت لأني مش معترفة بالموضوع ده..انا احسن من ناس كتير الحمد لله..ومش مهم هلاقي شغل ولا لأ...المهم أحبه!!!
-مفروض يعملوا قسم جديد لمحبي التصوير والفيزيا والرياضة والميكانيكا وفيه تطبيق عملي كتير وتخصص بسرعة .
-كمبيوتر لذيذ وهبقى شاطرة فيه بس هيحاصرني اوي في مكان واحد...وده شيء غير صحي لشخصية زيي مدمنة معرفة
-طب بما إني ملحقتش أسجل في الباثواي السنة ديه..هاخد كورسات ايه يعني؟
-مش عاوزة مصيف خالص...يوم واحد في أليكس سيفي بالغرض..واكون لوحدي
- أنا قربت أخلص البوست...و بحب هندسة اوي!!
-قلتها من شوية ...خلاص خلاص اوكي
(حوار زوغيور)
-أنا عاوزة أتعلم إيطالي..وأفهم بيقولوا ايه في الأوبرا..
-وايه اللي طلع الفكرة في دماغك
-أغنية لأندريه بوتيشيلي أو ...اتنين !
-زي ايه كده؟
-مثلاً Vivo Per Lei
-هو مش بارلي يعني يتكلم برضه !! :D :D
-LOL..ده انتِ في الضياع
-أنا مش بحب حد يمشي..عندي ارتيكاريا من الفقد..حتى لو بيمشوا عشان ده القدر لكن كل اللي بيمشوا مش بنساهم ...عمري ما بنساهم...
(زي ما ليلو كانت بتقول)
-(صوتي هادي ، قلبي بيدق بالراحة اوي ،الفراق ريحته مالية المكان حواليا)
واضح إن جرس إنذار الاكتئاب بدأ يرن..وانا بتجاهله اهو..
-بس بجد للمرة الأخيرة بقى ...
أنا بحب الهندسة.. :)
