17.4.12

عشرة أشياء

التدوينة الأولى في....اللغة العربية للاستخدام اليومي


-1-
أي تحف صغيرة عندي مبحبش حد يقربلها بحطها في أأمن مكان في العالم..حوض السمك

-2-
علب شوكولاته فريرو روشيه باخدها أحطها في الدولاب وأحط جواها الاكسسوارات والتوك بتاعتي..

-3-
العصيان اللي بتتبقى من الـ (لولي بوب)  برفع بيها شعري احيانا..وأحيانا تانية وأنا بذاكر أي قلم رصاص بيقوم بالمهمة ديه واقعد ادور على القلم بعديها ومكتشفش اني لميت بيه شعري غير قبل ما انام مثلا :)

-4-
علب البرفيم بتاعت بابا (العلب الحديد اللي مش بعرف افتحها ديه )بعملها حصالة للفضة..

-5-
وانا بذاكر لو مش لاقية مسطرة..بستخدم علبة السنون

-6-
بستخدم مقوي الأظافر أو (المانيكير الرصاصي الفاتح أحياناً ) لحماية الاكسسورات والحاجات اللي بخاف عليها اوي من الرطوبة 

-7-
الكوبايات والمجات الملونة كفازات للورد والفلين الأبيض ده بيتثبت فيه الورد ..

-8-
الشنط القماش بيتحط فيها المشابك الملونة :)

-9-
السيشوار ..أغلب الوقت بيستخدم عشان أنشف بيه الطرح والحاجات اللي بفتكر أنشرها متأخرة. 

-10-
البرطمانات بغلفها بقماش فاتح منقوش من بره وبيتحط جواه شمعة متوسطة أو صغيرة...تجربة قديمة ممتازة
(زي الصورة بتاعت البوست)

..

هناك 6 تعليقات:

Nelly Adel يقول...

هههه موضوع القلم بتاع شعرك دة مسخرة :)) جميلة ياروودى :)

غير معرف يقول...

awl ta3le2 bardo

:) me :(

nice post

i was waiting for something else

still waiting

finally

:(

دعاء العطار يقول...

هههههههههههههههه

عسل يارودى

وحشتينى اوى جدا خالص يعنى

قولى لهندسه تلم نفسها بقى عشان زودتها :@ :@

Radwa Ashraf يقول...

موضوع القلم و الشمعة دووول بعملهم ساعات :)
عجبتنى خالص يا رضوى ^^

نيللى يقول...

بصراحة أن مش بحب حملات التدوين لأنها شبه مواضيع التعبير في اللغة العربية.

AHMED SAMIR يقول...

و دة طبعا عملا بالمثل القديم القائل
ان الشاطرة تغزل برجل حمار!!!!
تحياتي على البوست المفيد دة