الليلة الكبيرة

حينما يفاجئك الأرق ولا تغفو أكثر من سويعات قليلة غير متصلة
،ينتابك الفزع الليلي المدعوم بألم الوحدة
،يقتلك الافتقاد وتجرب الندم لأجل أشخاص لم ولن يكون من الجيد فقدهم
فتشعر بالاحباط والتخبط والقلق الشديد..

اذا خالطتك تلك الأعراض في ليلة واحدة

فاعلم جيداً يا عزيزي أنها....

ليلة امتحان الديناميكاااااا
..........
النهارده خلصت امتحان الديناميكا وقبلها الفيزيكس وقبلها الرياضة...وده معناه...إني أخيراً بقيت فررررررررري
أي نعم وصلت امتحان الميكانيكس متأخرة النهارده...وعكيت شوية كويسين...بس الحمد لله
كفايا احساس ان بكرة هيبقى آخر يوم اروح فيه الجيزة ،

آخر يوم اطلع آخر دور في مبنى ميكانيكا حيث أن السلم أزمة أكتر م الامتحان

 
آخر يوم هفضل صاحية بقرا في حاجات لأول مرة وأروح الامتحان ملاقيش حاجة منهم بتيجي!! سبحان الله

آخر يوم أحس بنظرات الشفقة من المقربين خارج الكلية  
الميدتيرمات سم قاتل حقاً...مش قادرة اتخيل هعيش ازاي كده !!

لدي الكثير والكثير من الحكايا
عني وعن إنج بريك اللي حاليا أصبحت أسرة معتمدة في هندسة القاهرة ..وعن البريكرز جميعاً.. 

عن اللي لازم اعمله ف الاجازة الطويلة ديه...اسبوع يا بشر :D

عودة لمتابعة عالم البلوجر ان شاء الله :)

ملحوظة:
العنوان مقتبس من دكتور إيهاب..بما ان النهارده ليلة الحاسبات الأخيرة ف الميدتيرمات :D :D

..

.