9.2.12

وجهان لعملة فراق



هي

عارف لما تبقى مغلوب على أمرك
لما كل ما أبص في عينك وأفتكر سعادتنا وضحكنا
عيوني تدمع..عشان بفتكر كم الألم اللي هيطولنا دلوقتي
الأرق الدائم..واللمعة اللي بتنطفي من عيوننا
والضحكة القلقانة المتوترة لما ألمحك من جديد


عارف إن الكون كله كان بيتآمر حوالينا
يمكن كانت ديه إشارات بتدلنا على النهاية من قبل ما نبدأ
عمرك ما كنت مؤمن بالحاجات ديه بس أنا كنت مؤمنة جداً بيها


يا عزيزي..خطط الكون وحدها هي اللي بتكسب
أنت حطيت خطتك..وهو خطته قديمة أزلية فيها خبرة أكتر
عشان كده متستغربش لما خطتك تفشل
وأول ما تبقى مستعد تحط خطة تكسب الكون ده كله..
هتلاحقك اللعنات الكونية وهتموت قبل ما تغلبه..
هيهزمك حتى قبل ما تحاول


ولهذا أنا استسلمت للقدر
وقررت أسيب أسلحتي وأخضع لقوانين الكون


.......
هو


كل يوم قبل ما تنامي فكري كويس
إيه اللي خلانا نوصل للمرحلة دي؟
فكري نفسك كل يوم إن انتِ السبب
وفي كل لحظة في حياتك..
خليكي فاكرة.
علشان بعد ما تقل مقابلتنا
لحد ما تنقطع ..
وبعد ما أقابلك صدفة بعد 100 سنة
متبقيش تسأليني ..احنا ليه بقينا كده؟


علشان ساعتها متقلبيش عليا
المواجع ..
وأقولك بكل برود
إيه أخبارك؟
..تقوليلي: تمام
أقولك :طيب كويس ..سلام


أشوفك
بعد 100 سنة كمان


............


(A very very old post)
written by:

Hend Ayman as "He"
&
Radwa Tarek as "She"


.

هناك 10 تعليقات:

غير معرف يقول...

tesd2ea anha 7lwea awe we kamn elfekra 3agbnea gdn we ana hs2rea elfekra we ha7wel akteb song kda ta7mel elfekra deh

غير معرف يقول...

ana el sa5es el3"er ma3rof raef ayman

Heidenröslein يقول...

كلام " هو " صعب أوي ..

و " هي " تستاهل عشان استسلمت :))

جميلة بجد :)

RoMa يقول...

مع احترامى العملاق ل هو و هى
لكن ان صادف وقابلت هؤلاء " هو و هى "
سأنعت ال " هو " بأحمق تفوق غرورة على ثقتة بنفسة و بحبيبتة ..
و سأنعت ال " هى " بواهنة قادها اليأس الى حتفها
و سأنعتهما معا بشئ اخر غير لفظ الاحبة .
و مازلت احتفظ بكامل احترامى لهما |:

Radwa Tarek.. يقول...

رائف
انت جيت في اسوأ الفترات اللي مش عاوزة اكتب فيها ف البلوج :)

بس الحمد لله انها ألهمتك...ومستنية السونج ;)

Radwa Tarek.. يقول...

ضحى

حرام عليكي :(

شكرا لكِ بجد :)

Radwa Tarek.. يقول...

أحمد ..

آوتش
الصراحة بتوجع اوي متقولهاش ف وشي كده لما ابص الناحية التانية :)

لكنها هي الحياة
مليانة اغبيا ومستسلمين وناس مليانين بالحماقة الغير مبررة...وأنا واحدة من الحمق دول بلا فخر :)

دعاء العطار يقول...

:(

صعبه اوى يارضوى ... صعب اوى كلام هو ... صعب انك تقابلى حد كان كل حاجه ليكى بعد 100 سنه وهو ساعتها هيكون مجرد " ماضيكى " ... هيكون بالنسبه لك " ذكرى " مخبياها وعايشه جواكى وهى كل ماتملكى ..

مش صح انها تستسلم ومش صح انها تتخلى عن حبها ... ع الاقل حتى لو فشلت تبقى حاولت لاخر لحظه

.....

تسلم ايديكم يارودى :)

Miss LoZa يقول...

يأس مستفز !

I'm The CraZy One يقول...

=((