3.9.11

مأساة !!



أُغمِضُ عيني في محاولة يائسة أخرى للنوم ولا أغفو
منذ متى وأصبحت حجرتي بهذا الصغر؟ ومنذ متى وأنا 
أكره الأماكن الضيقة؟

أتذكر فوبيات أصدقائي المختلفة من الأماكن
 المرتفعة والسلالم المتحركة فيرتفع صوتي بالضحك الهستيري
إنني لا أحاول الاستمتاع هنا..إنني فقط أحاول النوم..فأتوقف في منتصف نوبتي الهستيرية وأحاول التركيز 
..أود كثيراً اقتناء بعض الأشياء المضيئة لغرفتي..تحتاج للمزيد من الجهد لأحبها..لا أحب لونها الوردي أو الستائر الزرقاء
أحببت الأخضر على حوائطها..أشعرتني بالدفء أكثر

أغير من وضعية نومي فأحدق قليلاً إلى السقف وأتخيل 
كيف يمكن تحسينه

ثم إلى جانبي الأيمن وأتقلب فلا أفلح في إحداث
 تغيير حقيقي بداخلي ليجعلني أغفو
أفشل في النوم بلا أسباب استمريت في هذا الفشل 
.لأيام عديدة على التوالي

 أحاول التخلص من الأفكار جميعها مهما بلغت
 أهميتها..لا مزيد من العمل..لا مزيد من الأصدقاء..ولا مزيد مني

أترك السرير وأتحرك بتكاسل نحو الشرفة 
هناك لدي شجيرات صغيرة من الياسمين والبرتقال واللبلاب أقتنيهم وأعتقد أنني يوماً ما سأضعهم في الحديقة الأمامية للمنزل،

لدي أيضاً كرسي خشبي دافئ يستوعب شخصين ومكتبة صغيرة بها الكثير من الموسيقى والكتب التي لم 
أقرأها بعد..

تدغدغني نسمات الهواء وتملأني رائحة الياسمين
 فأتابع تأمُل الشروق 
أشعر بالاشتياق يعتصرني ..فأكررها لا مزيد من   
الشوق عزيزتي..ما يرحل لا يعود
"
تحاول تبني
بعد ماتهد
صعب شويه
يكون 
زي زمان 
بالضبط 
!!"

تشعرني الجملة بالاحباط قليلاً..هنا يأتي صوت
 داخلي لمصالحتي


"واللي نلاقيه هوا المهم وأي شيء بنخسره مهوش
 مهم"

فاحتضنني بكل ما أمتلك من قوة..وأبتسم رغماً عني
 وعنك..وأغفو وحيدة فوق كرسيّ من الخشب مصنوع في الأساس لشخصين.



.........
 الاقتباس الاول بالأحمر من عند هند*
 (My heart isn't 4 sale)

والتاني بالأحمر..من أغنية لعلي الحجار*


هناك 13 تعليقًا:

Miss LoZa يقول...

ساعات كتير كلنا بنبقى كده
الافكار مش بتخلينا نعرف ننام
بس مع الوقت هتزهقى وتلاقى نفسك بتنامى غصب عنك :)

sara adel draz يقول...

فاحتضنني بكل ما أمتلك من قوة..وأبتسم رغماً عني وعنك..وأغفو وحيدة فوق كرسيّ من الخشب مصنوع في الأساس لشخصين.
..
حتى فى أسوأ حالاتك الاكتئابية مبدعة

متقلقيش ان شاء الله هتلاقى اللى ياخد

مكانه فى الكرسى جنبك

.. تنهيـــــدة

دعاء العطار يقول...

مش بعرف انام طول مافيه حاجه شاغلانى

وانتى مش هتعرفى تنامى طول ماانتى بتفكرى

انا هقولك زى ساره ... حتى وانتى مكتئبه مبدعه

بدات اقتنع ان الكتابة بتكون بابداع اكتر كل مااكان الالم أقوى

ربنا يفرح قلبك يارودى يارب ويحققلك السلام النفسى (: (:

paix يقول...

احساس مخيف بس تعبيرك عن الاحساس رائع لدرجة انه حابه اعيش اللحظة معك على نفس المقعد

مصر اليوم يقول...

احساس مخيف بس تعبيرك عن الاحساس رائع

I'm The CraZy One يقول...

طيب تفتكري دي صدفة اننا نكتب عن نفس الاحاسس و نحسه في نفس الوقت :)

اعتقد اننا محتاجين ناخد راحة ..ناكل شوكولاتة :)

اللي اقدر اوعدك بة ان كل حاجة هتبقي كويسة ف الاخر :)

طالبة مقهورة ..درجة أولى يقول...

Miss loza

اها هوا ده اللي حصل كتر التعب نتيجته كده..بس الموضوع مش مريح

الحمد لله

منوراني :)

طالبة مقهورة ..درجة أولى يقول...

سارة

احم احم..انا مكلمتكيش النهارده
لأني مقمتش 8 زي ما قلتلك :))

متزعقيش بقى بكرة اكلمك..

........
اشكرك اختيتي :)

طالبة مقهورة ..درجة أولى يقول...

دعاء

اللهم امين

ربنا يخليكي ليا يا دودو

طالبة مقهورة ..درجة أولى يقول...

paix

انتِ رائعة وكومينتك رائع زيك
منوراني

طالبة مقهورة ..درجة أولى يقول...

مصر اليوم

ميرسي يافندم

طالبة مقهورة ..درجة أولى يقول...

هنودة..امال تفتكري انا اخترتك تبقي الدويت معايا ليه :)

وانا هعمل نفسي مصدقاكي

فتاة من عالم آخر يقول...

سلام عليكم
تعرفى بجد بقالى حوالى شهرين ع الحال دا وبجد نفسى أعرف أغيره عشان كدا حاسة بيكى اوى بس بالرغم من كل دا هييجى يوم تحسى بجد انك تعبانة ومحتاجة تنامى وعقلك هيرفض كل حاجة هيرفض يسمع كلام نفسه هيرفض يسمع حتى الكلام اللى بينبض بيه قلبه وهتنامى يومها بقى هتقومى مرتاحة ويارب مش تدوم الحكاية دى ويارب الكرسى ميبقاش عليه واحد علطول
شكرا ليكى