28.9.11

22



زي ما أعلنت عن الكتاب قبل ما ينزل..بعلن عنه بعد ما نزل
لابد من التسييح لأقراننا الأعزاء..ولأخت صغيورة بس كبيرة اوي..ومهمة للغاية
..
يوم الخميس إن شاء الله حفل توقيع كتاب إيثار أحمد نور-حواس مستعارة 
عمارة 2 - ممر بهلر- قصر النيل-وسط البلد
طريق الوصول عن طريق محطة مترو السادات او حتى العتبة..اسألوا على ممر بهلر الموضوع سهل جداً لما توصلوالشارع طلعت حرب أو شارع قصر النيل
ولمزيد من التفاصيل..وأرق الأمنيات للكاتبة الرائعة افعصوا هذا اللينك
بالمناسبة الكتاب رائع وصغنتوت برضه..

....................



 اليوم والنشرة النفسية في ملاحيظ صغيورة:
(يوم التلات 27 -9 في 22 ملحوظة)


 الطريق الطويل لا يحتاج سوى فيروز وأفريل لافين عشان نعمل أجدع دماغ-
.
.

. بكره التلامس الجسدي حتى لو غير المتعمد في المترو او الباص بتاع الكلية النهارده-

.
.
حاسة إني عاوزة أقفل على نفسي في أكتر وقت لازم ابقى طبيعية-
.خلينا واقعيين ما أنتِ كده طبيعية
بجد؟؟
....
.
.

.الارهاق لا يلغي أعراض الاكتئاب ولوم النفس-
.
.

واقفة وكل حاجة بتقع حواليا ومش بمسكها..يا ترى مش عارفة امسكها..ولا مش عاوزة؟-
.
.

عندي اقتناع إني هموت منتحرة(ده مش بجد طبعا)ا-
ولكنه لا يمنع سباحة الفكرة داخل عقلي الصغنتوت.
.
.

.محتاجة المذاكرة..مش مصدقة اني بقول كده بس فعلا محتاجة اشغل ذهني عن الناس-
.
.

هو أنا ليه بطرد الكل من حياتي؟-
.
.
محدش فاهم حاجة على فكرة...محدش فاهمني...غيركوا..
هو أنتوا فعلاً فاهمين؟
.
.

عاوزة أعلم نفسي ازاي مسكتش لما حد يتهمني بحاجة وأرد أقول أسبابي..هبقى حادة اوي ساعتها وبقتل اللي قدامي..وأنا بحاول أبطل-
 .ده...وفي نفس الوقت سكوتي بيقتلني
.
.

!!!!هو أنا ليه لازم أبرر موقفي ليهم..طز-

.
.
بحب البهدلة وهدة الحيل...ومستمتعة إني في آخر الدنيا..

.
.
.كلمة واحدة لأربع اشخاص...بحبكوا بجد (من بتاعت رامي بابي)ه-
أنتوا اللي مخليني لسه واقفة على رجلي..علشانكوا بس لسه عندي أمل

.
.
;) شكراً يا ربنا..وزي ما اتفقنا بقى..أنا مش هنسى-
.
.

!!!!!!!!!!!!تواضعي يا رضوى تواضعي تواضعي تواضعي أنتِ أقل من أي حد في الدنيا ديه..اوعي-
.
.

هظبط مواعيدي إن شاء الله بعد كده..ومش هلوم أي حد....ليه ملومش اللي يستاهلوا اللوم طيب؟-
.
.

بحب رقم 22 جداً

.
.
لسه محفظتش سورة مريم غير صفحة ونص...ليه دايماً بقف في نص الطريق للحاجات اللي- 
عاوزاها اوي كده...ليه بهرب مع إني بتدعي إني فايتر؟
.
.
.كل حاجة..كل حاجة بجد..بقت بتخضني...حالة غير طبيعية من الخوف والارتباك...بس مبيبانوش عليا عشان من جوا بس-
.
.
عاوزة أروح السيدة نفيسة وأصلي الفجر........اوي -
.
.
...عاوزة أعيط بحُرقة-
.
.
يارب...بعض السلام..يا الله- 



هناك 11 تعليقًا:

Ramy يقول...

(:

بالنسبة للكتاب بجد كان نفسى أجى بجد
صدقينى

بس ظروف الشغل جديد و مش عارف اخد يوم كده خطف

و كمان فى يوم عملاه استاذة منى و خطوبة بنت خالى

يعنى بجد كان نفسى اكون الفترة دى ف القاهرة

بس أتمنى من كل قلبى اليوم يطلع ممتاز و إيثار تفرح جداً

و أنتوا كلكوا تكونوا مبسوطين (:

و أن شاء الله اول ما هكون ف القاهرة هشترى الكتاب و أكتب عنه (:

..............

البوست بقا (:

هقولك حاجة سيبى كل شيىء بيحصل على ربنا

أزاى يعنى مثلاً يمكن أنا مضايق انى مش قادر القاهرة الأسبوع ده

بس أكيد ربنا عنده حكمه لده

مضايق ممكن حزين لأ

قيسى ده على كل حاجة بتحصل معاكى

عارفه لما تكونى مرهقه و مكتئبة الأتنين بيزودوا بعض

لكن لو مرهقة و مش مكتئبة دة بيخفف من الأرهاق او بيخليه جسدى بس على الأقل

عارفه فى ناس فايتر كتير و ممكن تكونى انتِ كده حقيقى
بس مش لحاجاتك ممكن لو حاجة لحد تعمليها و انتى فايتر اكتر

أنا بقولك كده علشان انا تقريباً بقول نفس الكلام لنفسى (:

يلا بقى صدعتك

ربنا معاكى و يوفقك دايماً

(:

طالبة مقهورة ..درجة أولى يقول...

رامي..:)
معلش ميهمكش ربنا يعينك وتتعوض ف يوم تاني..ان شاء الله هتنبسط رارا اوي وتفرح اليوم ده

...

انا مقتنعة تماما بكل اللي بتقوله..بس ساعات الدنيا بتتلخبط كده وتحش انك مش عارف بالظبط فين مكان كل حاجة
مبتعرفش نفسك ساعتها
وانا مش عارفة نفسي حاليا

بالنسبة لقصة الفايتر ديه..فانا اؤيدك اني ممكن اكون فايتر عشان حد مش علشان نفسي وديه مشكلة تانية بس مش كبيرة اوي :)

شكرا اوي يا رامي ربنا يفرح قلبك

Miss LoZa يقول...

يا رب الكتاب يحقق نجاح فظييييييع وايثار تكون مبسوطة كده :)
رضوى .. بجد بجد من الى انا قريته
مش هقدر اقولك -وده طبعا تخمين- غير ان نفسيتك زفففففت وانك حاسة بأرف كتير فحياتك من حاجة معينة مشقلبالك الدنيا كده !
انا قولت كده لانى بقول كتير من الكلام ده اصلا وعارفة انى لما بقوله ببقى عاملة ازاى اصلا
ربنا يهديلك الاحوال ويسعدك يا رب ويبعد عنك اى حاجة تضايقك :)

sara adel draz يقول...

عاوزة اعيط بحرقة
..

rona ali يقول...
أزال المؤلف هذا التعليق.
rona ali يقول...

انا زعلانه ان البوست اللي قبله مافيش سماح انى انعكش فيه :):)

بس حساكى في البوست دة بالبوستين اللي قبله عايشه حاله عارفه سببها بس لسه مش قادرة تسيطري عليها ولا علي نفسك

قادره تاخدي حقك وتاخدى اللي عايزة بس المرة دي فارق معاكى انك متعمليش كدة فبتوصلي لسكوت

شدتنى كلمات كتير حستها انها انا مش هقدر احصرها بس هقدر اقولك ربنا يخليلك احساسك في التعبير الصح والقاتل دة واللي خلانى دمعت فعلآ ومسكتها في الاخر:(

اتمنالك تفرحى بحرقه :):)

I'm The CraZy One يقول...

عندي حالة استسلام شبة اللي عندك دي ..انا فاهماكي علي فكرة
انهارده و انا بعدي الشارع خبطني موتوسيكل و شتمني ! انا ماحصليش حاجة بس استغربت نفسي اني سكت و معملتش رد فعل قوي و زعلت اوي انا مابقتش شيرسه زي زمان !!
انا مش عارفة انا برغي ليه هنا .. بس انا حاسه اللي انتي بتقوليه ده

طالبة مقهورة ..درجة أولى يقول...

miss LOza
الامورة ميهو
بصي هوا حاليا الدنيا مكعبلة وانتي عرافة بداية اي حاجة بتبقى صعبحة لحد التأقلم..فانا عندي دوار وتوهة وصخاب كتير اتفرقت عنهم وناش تانيين مش فاهمينني
حاجات كده عادية :)

بس هتتعدل ان شاء الله

طالبة مقهورة ..درجة أولى يقول...

سارة

خلاص بقى الله..هتعيطي وانتي هتشوفيني وديه تيجي؟

طالبة مقهورة ..درجة أولى يقول...

rona ali


انا اشكرك على زوقك
وكويس اني ساعات بعرف المي حد بكلامي :)
ومعلش بقى البوستات المغلقة ديه بكون بكلم نفسي وبس
مش بحتاج كومينتس

طالبة مقهورة ..درجة أولى يقول...

هنوده

انتي كده فاهماني فعلا
احساس انك ممكن تعملي حاجة
واختيارك انك متعمليش حاجة
شيء محبط للأمانة :)

ان شاء الله هتكوني بخير
ان شاء الله هنكون بخير