29.8.11

Happy,Happy feast


برغم إن مفيش مظاهر للعيد..
ولسه مفرقعتش مع ديرو الصواريخ..ولا عملنا مقلب في حد

وبرغم إننا مجبناش السنة ديه من الــ (Snow)
وبرغم إني مروقتش الأوضة بالظبط حتى الآن

ومجهزتش أي خطط ولا حد اتصل بيا
وحاسة إن العيد جيه فجأة

بس المرة ديه
حاساه منورني من جوا ببالونات وغزل البنات وأنوار كتير بتزغلل العين

كل سنة..وأنا ..مش وحشة اوي زي ما بفتكرني

والسنة الجاية هبقى في مكان تاني ..يمكن أحسن من كده
عشان أنا أستحق مني أبقى أحسن

وشكراً يارب..(مع إني بعتذر عن الدلع الشديد اللي في رمضان ده)
بس هعوضها..وانت هتسامحني..عشان على طول بتحبني
وبتاخد بالك مني..وباعتلي ناس يحبوني ويسندوني

.

.

.

كل سنة وأهل البلوجر وأصدقائي جميعاً بخير :)

هناك 8 تعليقات:

Miss LoZa يقول...

كل سنة وانتى طيبة واكيد هنحس بالعيد يعنى لسه فى وقت ;)
وان شاء الله السنة الجاية نبقى انا وانتى فبيت جوزنا بقه ان شاء الله
ههههههههههههههههه

Sara يقول...

كل سنة و انتي طيبة يا رضوى :)
و ان شاء الله نبقى على طول في مكان أحلى و أحسن :)

جايدا العزيزي يقول...

☻/ღ˚ •。* ♥♥ ˚ ˚✰˚ ˛★* 。 ღ˛° 。* °♥ ˚ • ★ *˚ .ღ 。
/▌*˛˚ عــــــيــــــــد ** فــــطــر ** مــبـــاركــــ˚ ✰*

دعاء العطار يقول...

كلللل سنه وانتى طيبه ياأحلى رودى

تصدقى وانتى بتكلمى دلوقتى كان نفسى اقضى العيد معاكى

حاسه ان العيد معاكى هيبقى له طعم مختلف (: (:

كل سنه وانتى طيبه يافيلسوفتى الصغيره

وع فكره بقى انتى ان شاء الله هتبقى أحسن لأنك تستاهلى تكونى أحسن (:

ربنا يريح قلبك ويفرحك ويحطك فى المكان اللى نفسك فيه يارب (: (:

د/دودى يقول...

احلى حاجه فى العيد السنه دى انه مفاجاه حلوه...سيبك انت كل سنه و انتى طيبه :)

Bent Men ElZaman Da !! يقول...

كل سنه وانتى طيبه يا جميله
وعيد سعيد عليكى ان شاء الله :))

زهرة يقول...

روووووووودى ..

وحشتينى جدا جدا .. الكومنتوس عندك فين يا حجة من فترة ..؟؟


كل سنهو انتى غلباويه وعيد سعيد عليكى

انا العيد بردوا السنه دى عامل جوايا فرح هههههههههههه

بحبك فى الله

نهر الحب يقول...

كل سنة وانتي طيبة وربنا يجعل ايامك كلها عيد لو ملحقتيش العيد ده عشان جه بسرعة...وحيمشي بسرعة زي اي حاجة حلوة علي فكرة
:))

عيد سعيد