18.8.11

متضحكش



أنا مبحبش أوضتي
مبحبش البينك اللي فيها ولا الأبيض البهتان ده
حتى التقليمة محسساني إن الأوضة ضيقة عليا .
بكره إن مفيهاش نجوم في السقف ،
وإني مش عارفة أمسك ألواني الخشب وأشخبط عليها
وبكره إن رف اللعب بقى فاضي ومبقاش عندي دباديب..
إنتَ متخيل يعني ايه أوضة من غير دباديب كبيرة تحضنها وإنتَ نايم! ديه كارثة
هكلم مين أنا دلوقتي ومين يتفرج معايا على الأفلام الرومانسية العبيطة ويعيط جمبي..!


أنا عارفة إنك هتقولي حاولي تخليها بتاعتك وتحبيها
حاولت والله


مسكت الشاكوش ومعرفتش أدُق مسمار في الحيطة عشان طلعت ناشفة اوي عليا
وجبت بالونات كتير
وبوسترات اكتر
وطلعت الكتب اللي بحبها وهدايا صحابي بتاعت آخير عيد ميلاد ليا ..وطبعت الصور بتاعتنا
بس لسه مقدرتش اخليها بتاعتي
أنا محبطة اوي...ومش عارفة أدق مسمار..ومبقاش عندي دباديب..
ومعنديش اوضة ليا بتاعتي:(
وحاسة اني سخيفة اوي عشان لو حد قالي انا مكتئب بسبب اوضة كنت هضحك عليه
اوعى بقى تضحك عليا
ممكن ؟

..


هناك 10 تعليقات:

iـــــــــــsــــــــــlــــــــــــaـــــــــm يقول...

هههههههه
لا ابدا انا عن نفسى مش ضاحك

وبالنسبه لابو الريش ياريت اقدر اجى بإذن الله يكون نافع اجى

وبالنسبه لاوضتك والله هى حاجه ممله جدا
اما يكون فى موضوع شاغلك ومش عارفه تعمليه ايا كان الموضوع ده ايه
بس انا مقدر اد ايه هو خنيق بالنسبالك

Bent Men ElZaman Da !! يقول...

لا بالعكس على فكره
اوضتك دى يعنى جزء من كيانك
اكتر حته بتستريحى فيها
واكتر حته بتعرفى تفكرى براحتك فيها
فا لازم تبقى مناسبه ليكى اوى
ومريحاكى اوى اوى
مش سخافه دى يعنى :))

انا للاسف مش هاقدر اجى يوم ابو الريش :((

عباس ابن فرناس يقول...

مصر هى اوضتى هههه

وبالمناسبة العلاقة الطيبة بالاوضة تبدا من اول دق المسامير فى الحيطان يعنى لو وافقت على العملية دى تبقا بتحبنا وممكن تصاحبنا ولو تنحت وتنت المسمار تبقا مش قبلانا وبتالى صعب اننا نتصاحب
وخصوصا لما مش يكون فيه عندنا دباديب ممكن تصالحنا على بعض

I'm The CraZy One يقول...

ya 5alasiiii teganeni ya bbe radwa mwaaah :)) <3

NaDa يقول...

محدش يقدر يضحك
أصل الأوضة بتاعتك دي
هي بيتك الصغيرة
بتحسي بكل حاجة فيها إنها ملكك بس
:)


أبو الريش
ياريت أقدر أجي
لو كنت موجودة فى مصر :)

ELMOSTAFZ يقول...

لو بيفهم مش هايضحك ، لو مدرك أن التفاصيل الصغيرة دي مهما كانت تافهة بتكون ساعات هي مصدر سعادتنا الأكبر ، مش هايضحك...

ELMOSTAFZ يقول...
أزال المؤلف هذا التعليق.
paix يقول...

ممكن سؤال ؟؟ انت اساسا ليش غيرتي الاوضه اعمليها زي ما بتحبي انزلي السوق وهاتي الوان ارسمي السما بتاعتك واطبعي نجوم وما حدش له عندك حاجه

Timo.. يقول...

اوضتي = وطني..
لازم اشوفها زي ما انا عايز..

انا كمان باحب اوضتي قوووي يا رضوى وعشان كده باقولك وبصوت عالي : اعملي كللل اللي انت عاوزاه عشان تشوفيها حلوة بعيونك :)

Miss LoZa يقول...

عجبنى اوى اوى البوست ده ,, الاكتئاب اصلا مش لى سبب وممكن يجى من اتفه الاسباب اصلا :) اول مرة اجى عندك ,, بس مش تقلقى هاجة تانى ;)