17.7.11

لعَلَّنا نغفو..



نغمض عينينا
لعلنا نغفو الليلة

القمر مكتمل
ولا يصلنا الضوء من شدة الألم
نحاول تلاوة بعض التعويذات
لإبعاده
ولا نستطيع..


لدي سرير سيكفينا
لنغفو سوياً.



نغالب الحزن
ببعض الضحكات اللاذعة
ونحاول تذكر لحن السعادة
نفشل..بجدارة

ولا يتذكر اللحن
سوى الفراغ المحيط.
تهرب الألحان
ويبقى الصوت يفزعنا
الموت يتكرر..
ينبض..
يستمر..

الخوف من الموت يكسرنا
ولا نغفو.


كلما هربنا من الأسى ..
أعادنا إليه برفق

نسقط ..
وما من قاع نصطدم به


نشعر بالبرد ينهكنا
فنحيك أحلاماً في الظلام
وبكل هشاشة تنكسر.
ننكسر معها..
ولا نيأس نعود من جديد..


ولا يبقى سوى أنتِ وأنا
ونسيج كوفيات الأحلام لم تنتهِ ..



نتوضأ بدموعنا
ونقف أمام السماء الواسعة
لم أعد أتساءل كما اعتدت
أين الله؟
فأنا أعلم أنه بداخلي..
أؤمن بأنه داخلي

أبكي ..لأنني لا أشعر به يسمعني
وتبكين..لأنك تعلمين أنه يسمعك
ادعوه بكل ما تبقى مني

يا الله..كل ما أرجوه
أن نغفو سوياً
بلا ألم ..
بلا بكاء..
وبلا موت ينتظر.






..
..
......
بتاريخ: الخميس14-7

إهداء: لمن علمتني كيفية الرحيل والعودة إلى مينائي في الوقت المناسب
إلى الصورة الأنقى مني...إلى من تمنيت لو أنها تنتمي إليّ حقاً

........

ملحوظة: النتيجة وصلت والحمد لله ربنا راضاني بما يكفي
97.7% مجموع السنتين
وبكده أعزائي المدونين أقدر أقول أنا كبرت اهو..


هناك 13 تعليقًا:

sara adel draz يقول...

عنيا دخلت فيها ترابة
وخلتنى اعيط
بس الترابة المرادى كانت كبيرة اوى
فبعيط اوى
مش عارفة اقولك ايه غير ربنا يخليكى ليا
ربنا يحبك يارب
ربنا يجمعنا فى الدنيا والجنة يارب
ربنا يرزقنا الشهادة ياااااارب
و...........................................................................................
.................
يا الله..كل ما أرجوه
أن نغفو سوياً
بلا ألم ..
بلا بكاء..
وبلا موت ينتظر.

أع ـقل مـ ج ـنـونــة يقول...

كلام جميل اووي يارضوي
والف مبروك النجاح ياقمراية

iـــــــــــsــــــــــlــــــــــــaـــــــــm يقول...

الف مليون مبروك ع النجاح

وعقبال كمان النضاره :D

انا خرجت بره نطاق الخاطره انا عارف

بس لازم تفرحى بالنجاح وتنسى اى موت

تحياتى

شمس النهار يقول...

ااااااااالف مبرووووووووووك

الف مليون مبروك

ربنا يسعدك زي مااسعدتينا وجعلتينا فخورين بيكي

ماشاء الله عليكي
الف مبروك وعقبال الدكتوراااااه

نفسك تدخلي ايه؟؟؟؟

عباس ابن فرناس يقول...

اولا الف مبروك على الثناويات وعقبال الكليات يا احلا البنات
ثانيا انتى كبير من يومك يا رضوى بدليل الكلام الكبير اللى بتكتبيه
تحياتى المستعطرة

طالبة مقهورة ..درجة أولى يقول...

سارة..
متعرفيش انا عيطت اد ايه :)
اللهم آمين

...
ريمو

ميرسي يا عسلية الله يبارك فيكي

...
اسلام

كفايا نضارات انا مستغنية عنها :D
هحاول

...
شمس النهار

الله يبارك ف حضرتك..ميرسي اوي
انا ان شاء الله ناوية على هندسة

...

عباس بن فرناس

الله يبارك فيك يارب ميرسي اوي ع المجاملات اللطيفة ديه :))

Bent Men ElZaman Da !! يقول...

كلامك جميل اووى يا رضوى
الف الف مبروك يا جميله
وربنا يوفقك وتدخلى الكليه اللى انتى عايزاها :))

Ramy يقول...

(:


مبقتش عارف اعلق (:

ربنا جواكى يبقى سمعك

و هوا سامعك على كل الأحوال

ربنا معاكى

..................

ألف مبرووووووووووووك

و عقبال اول يوم جامعة عاوزيين البيبس (:

WINNER يقول...

" ملحوظة: النتيجة وصلت والحمد لله ربنا راضاني بما يكفي97.7% مجموع السنتينوبكده أعزائي المدونين أقدر أقول أنا كبرت اهو.."



صدفة .. ده كان نفس مجموعي في ثانوي.

عارفة إن مجموع 90% ممكن ييجي بالصدفة و بشوية حظ. لكن مجموع 97% مش ممكن يكون غير شطارة.
:)

انسي الثانوي و اللي فات خلاص. فكري بقى في اللي جاي. اختاري كلية تناسبك تقدري تبدعي فيها و تكوني شاطرة.

فرحت بمجموعك بجد يا رضوى.


الحسينى يقول...

أنا اليومين دول مش باعلق باقرأ بس لو عندى وقت.
بس مكنش ينفع ما أقولكيش ألف مبروك
و كأخ أكبر أنا فخور بيكى لو تسمحيلى :).
مبروك.

دعاء العطار يقول...

ألف مبروووووك يارضوتى

قلتهالك بس مفيش مانع انى اقولها تانى

وحشنى كلامك أوى

ليكى تدبيسه عندى روحى شوفيها (:

آخر العنقــــــود يقول...

رقيقة جدا
بس افرحي وحاولى ماتخليش اى حاجه تنغص عليكي فرحتك

سعدت بالتعرف على مدونتك
تقبلي مروري

دمتِ بسعادة

Ragad يقول...

هنا وجدتْ بعضاً من أشلاء روحِ .. شكراً لكِ ولقلمكِ ولإبـــداعكِ عزيزتي

ألف ألف مليون بليوون ترّليون مبروك