13.7.11

لقيتهم أخيراً..


هقولك خبر جنان
انا النهارده..والنهارده بس
فتحت الدولاب

ومخوفتش المرة ديه من العفاريت
والوحوش المستخبية

لفيت المفتاح بالراحة _زي ما اتفقنا_
وفتحته بشويش بشويش

ومش هتصدق لقيت جوا ايه
جزمة سندريللا
،كوبايتي اللي بجمع فيها السعادة
،ريشة من عصفوري الأصفر الصغيور

ولقيت ايه كمان..!
عصاية سحرية
اللي وعدتني انك هتجيبهالي

والأهم من دول كلهم
لقيتهم أخيراً
لقيت جناحاتي الصغيريين


ودلوقتي هاخد كل الحاجات ديه
وهطير بيهم لحد عندك

اوعى تقفل الشبابيك بقى..;)