13.7.11

لقيتهم أخيراً..


هقولك خبر جنان
انا النهارده..والنهارده بس
فتحت الدولاب

ومخوفتش المرة ديه من العفاريت
والوحوش المستخبية

لفيت المفتاح بالراحة _زي ما اتفقنا_
وفتحته بشويش بشويش

ومش هتصدق لقيت جوا ايه
جزمة سندريللا
،كوبايتي اللي بجمع فيها السعادة
،ريشة من عصفوري الأصفر الصغيور

ولقيت ايه كمان..!
عصاية سحرية
اللي وعدتني انك هتجيبهالي

والأهم من دول كلهم
لقيتهم أخيراً
لقيت جناحاتي الصغيريين


ودلوقتي هاخد كل الحاجات ديه
وهطير بيهم لحد عندك

اوعى تقفل الشبابيك بقى..;)

هناك 18 تعليقًا:

عباس ابن فرناس يقول...

انا قلت اماطير انا كمان واشوف رضوه لقيت ايه
ودلوقت بقا اناعنية فى كوبيت السعادة والعصاية السحرية

ومسامحك ياستى بريش العصفور والجناحين الصغنططين (مزحة)
وبالمناسبة دى مش طفولة ركيكة بالعكس
دى حاجات وكلمات راقية جدا
تحياتى المستعطرة

شمس النهار يقول...

طيب لو مااستجبش وقفل الشبابيك
هتعملي ايه بده كله؟؟

Bent Men ElZaman Da !! يقول...

عشان اتغلبتى على خوفك لاقيتى الحريه :))
جميله اووى يا رضوى
تسلم ايدك :)

norahaty يقول...

حلوة الحاجات
اللى لقتيها
حافظى عليها.

خواطري مع الحياة يقول...

الامل ضروري
ولازم نبعد الخوف عشان نكتشف ككل الاشياء والمختبية عننا

بجد حبيت قصتك
بحب كلامك فيه نوع من جذب القارئ
ربنا يوفقك يارب

تقبلي مروري ياقمر ^_^

sara adel draz يقول...

^_______________^
حاسة..بسعااااااااادة
مانتى..بتعرفى..تكتبى..عنها..اهو
......
متبطليش..تكتبى..عنها..بقى
^_^
انا..كمان..عايزة..جناحات..زيك..:)

اغانى الشتاء يقول...

حلوة اوىىىى
فكرتنى بمدونتين اولا الريشة فكرتنى بمدونتى ريشة فى الهوا
و التانية اما بتقولى اوعى تقفل الشبابيك فكرتنى بمدونة نوران بره الشبابيك .
ان شاء الله النتيجة تبقى زى الدولاب المقفول ده و اما تتفتح كلنا نتبسط و نطير :))
تحياتى

طالبة مقهورة ..درجة أولى يقول...

عباس

هههههههههه اتفضلهم بس سيبلي العصاية يوم واحد بس...وبس خلاص

:)
ربنا يخليك يارب دايما بترفع معنوياتي

طالبة مقهورة ..درجة أولى يقول...

شمس النهار

امممم عندي العصاية السحرية بتاعتي
ساعتها هتصرف بقى :D

طالبة مقهورة ..درجة أولى يقول...

بنت من الزمن ده

ميرسي يا دودي
انتي اجمل

طالبة مقهورة ..درجة أولى يقول...

نوراهاتي

متخافيش انا مبضيعش الحاجات المهمة بالنسبالي ...اقصد مش دايما :)

طالبة مقهورة ..درجة أولى يقول...

خواطري

رشا حبيبتي
الحمد لله انها عجبتك..مش هقولك وحشتيني عشان انتي عارفة :)

طالبة مقهورة ..درجة أولى يقول...

سارة

ههههههههههه مش دايما اكتئاب بقى
حتى اهو تغيير

طالبة مقهورة ..درجة أولى يقول...

اغاني الشتاء

:)
اتمنى اني اعرف المدونتين دول بجد

يارب دعواتك كده

iـــــــــــsــــــــــlــــــــــــaـــــــــm يقول...

عارفه لو دعبستى تانى هتلاقى حاجات اكتر
بس اوعى لما تلاقى حاجه حزينه تدايقى
لأنها برده عملت شكل فى جزء من شخصيتك دلوقتى

حَـبآيـۃْ.بـטּـدۉڷ يقول...

الله ..:)

المُدوَّنه دِيْ رُوحهـآ جَميلَه جداً جداً ..
:):)

لـــولا وزهـــراء يقول...

عسسسسسل يا رضوى كل مرة بتبكينا... المرة دي ضحكتينا

لولا

لبنى أحمد نور يقول...

لذيذة :)