7.7.11

لأنك هنا


أشعر بتلك الرغبة العارمة في الاكتئاب والانغلاق بعيدا عن الجميع..لا أبالي بالتوقيت أو بالظروف
فقط أريد الابتعاد ولاأهتم بأي شيء آخر..

ألقي بنفسي وسط الوسائد وأغمض عيني..أعلم تماماً أنني لن أغفو في هذه الحالة ولكن ليس هناك ما بيدي فعله
حينها تأتي لتداعب شعري بهدوء وتهمس لي....
"كل حاجة هتبقى تمام...بس انتِ اتنفسي..اتنفسي وبس"

أحاول أن أتنفس فأجد صعوبة في استقبال الأكسجين النقي وأعاني من رفض من الهواء الخانق بالخروج من داخلي
انظر اليك ولا استطيع الكلام فاخبرك بلا كلمات انني لا أستطيع التنفس..

تبتسم لأنه لديك الحل..دائماً لديك طريقة
تحيطني بيديك الدافئتين لأدرك أصابتي ببرودة داخلية لم أراها من قبل، تضع رأسي فوق صدرك بهدوء وأنت لا تزال تعبث بخصيلات شعري المنسدل في هدوء باعث على الألم.

أحاول أن أخبرك بما أشعر به..فأعجز..تعلم أن روحي مقيدة وأجنحتي لا تساعدني على الطيران فتمسك يدي لتطمئنني..أمارس بكائي الصامت وأنا لا اخشى الغرق لأنك هنا.

أعلم تماماً أنني مثقلة بتلك الأشياء الصغيرة من جديد التي تبدو تافهة بدرجة تمنعني من الحديث عنها.. وتخنقني برغم ذلك
أتجاهلها..أتجاهل كل ما يجري وما سيحدث وما صار...

أستمع لصوت تنفسك في صمت وأحاول مسايرتك فأستطيع الشعور بالهواء يملأني تدريجياً..وتخبرني دقات قلبك بأنه حقاً كل شيء سيصير بخير طالما دمت هنا..


هناك 16 تعليقًا:

دعاء العطار يقول...

" وتخبرني دقات قلبك بأنه حقاً كل شيء سيصير بخير طالما دمت هنا.. "

فيه ناس يارودى مجرد وجودهم فى حياتنا بيطمنا ..

مجرد التفكير فيهم بيسعدنا

مجرد ذكر اسمهم وترديده مع نفسنا بيريحنا

الناس دى لو بعدت حياتنا بيبقى ناقصها كتير أوى ... أكتر احساس بنفتقده ساعتها

الاحساس بالأمان ..

زى كل مره يارودى كلامك بيمسنى أوى (:

...........

ألف سلامه عليكى من الإكتئاب .. كنت هكلمك النهارده ميل بس لقيتك مش عايزه تكلمى حد فسكت ..

باقى سويعات قليله ع عيد ميلادك .. عايزين نستقبله بإبتسامه (: (:

..........

مدونتك نورت من جديد ياأحلى رودى (:

شمس النهار يقول...

حبيبتي سلامتك
وربنا يريح قلبك

ويارب تكوني عملتي كويس في الامتحانات

I'm The CraZy One يقول...

أعلم تماماً أنني مثقلة بتلك الأشياء الصغيرة من جديد التي تبدو تافهة بدرجة تمنعني من الحديث عنها.. وتخنقني برغم ذلك
أتجاهلها..أتجاهل كل ما يجري وما سيحدث وما صار...


mobde3a ya radwetiii <3
wa7shani giidan w nefsi ashofek ba2a :)

estamerii ..

طالبة مقهورة ..درجة أولى يقول...

دعاء

مظبوط..وحياتنا من غيرهم بيبقى طعمها مر
هما قالب السكر اللي بيدينا طاقة كفايا وحب كفايا

:) منوراني

طالبة مقهورة ..درجة أولى يقول...

شمس النهار..

الله يسلمك ..الحمد لله كله تمام ناقص النتيجة

طالبة مقهورة ..درجة أولى يقول...

I'm the crazy one

ميرسي يا هنودة وانتي كمان وحشتيني واكيد هنتقابل سوووووون :)

sara adel draz يقول...

من جديد لا اجد تعليقا لموضوعاتك
أبهرتينى يا اختيتى
ماشاء الله البوست حلو اوى
..........
ممكن اقولك وصفة سحرية
علمتهالى رارا
لما تبقى نفسك فى حاجة او حد
غمضى عينيكى وانتى مؤمنة بانك هتشوفيه لما تغمضى
وساعتها هتشوفيه
:)

Bent Men ElZaman Da !! يقول...

اللى بيخلى الواحد يتحمل كل حاجه وحشه بتمر فى حياته
ان يبقى فيه ناس جنبه
بيهونوا عنه وبيطبطبوا عليه
ويمسحوا دموعه وقت ما يبكى
من غيرهم الحياه بتبقى مستحيله
بس معاهم الحياه بتبقى اهون كتييير

ربنا يبعدك عن اى حاجه وحشه:)

طالبة مقهورة ..درجة أولى يقول...

سارة دراز اسمااااااااعيل :P

ربنا يخليكي يا سيرو..انتي احلى دايما وابدا

اغمض عيني يعني واشوف اللي عاوزه اشوفه :)
فكرة حلوة

طالبة مقهورة ..درجة أولى يقول...

بنت من الزمن ده

اكيد طبعا
ربنا ميحرمناش من وجودهم في حياتنا ابدا
..منورة يا دودي :)

عباس ابن فرناس يقول...

اولا كل سنة ونتى طيبة
ثانيا خلصت الامتحنات وعيزين نشوفك كتير ياست البنات
ومن فضلك بلاش اكتئاب اليومين دول
علشان اليومين دول بزات انا متعود اكتئب فيهم كل سنة (مزحة)

تحياتى المستعطرة

اغانى الشتاء يقول...

مع الاسف معنديش حد كده خالص فى حياتى , بس عندى اشياء تافهة مالية دماغى و عاملالى اكتئاب بس بالعكس انا بحب ابقى وسط الناس عشان انسى مش ابعد عنهم ط, بس فى شوية ناس كده بحب ابعد عنهم لانهم بيفكرونى بيها :)))
تحياتى

طالبة مقهورة ..درجة أولى يقول...

عباس بن فرناس

الحمد لله وانت طيب
وان شاء الله عودة للقراية والتدوين من جديد
:)

الاكتئاب بييجي ويروح ولا يهمك
ربنا يبعده عنك يارب

طالبة مقهورة ..درجة أولى يقول...

اغاني الشتاء

مش شرط يكون عندك حد في حياتك
فيه ناس ليها القدرة على تحقيق الاكتفاء الذاتي

واكيد الاشياء التافهة ديه السبب في كل مشاكلك ..لو ركزنا وحليناهم حلول جزرية يكون احسن

منوراني جدا :)

سندباد يقول...

شخصيات قادمة من مكان اخر ليس لهم مثيل او وجود قد يضيعوا منا في زحمة الحياة ومتاهة الدنيا ولكن هم لا يضيعون وعندما نبحث عنهم حتي ينقذونا نجدهم مبتسمين واثقون فيها نور وهدوء نفسي لا نجدهما في انفسنا
وسبحان الله اول ما نتكلم معاهم او نناقشهم نحس بالهدوء والطمانينة
تحياتي لفكرك الراقي ولاسلوبك الرشيق
بوست عالي الاحساس

Hadeir يقول...

تحيطني بيديك الدافئتين لأدرك أصابتي ببرودة داخلية لم أراها من قبل، تضع رأسي فوق صدرك بهدوء وأنت لا تزال تعبث بخصيلات شعري المنسدل في هدوء باعث على الألم.

بجد حلوه جدا ورقيقه اوووووى
بصراحه انا مبعرفش اعلق خالص :D
بس حبيت اسيب تعليق عشان تعرفى انها حلوه وعجبتنى :D