وندور ندور ندور

سعات بنحس اننا بنعمل الصح ..بنختار طريق مؤلم ونمشي فيه لمجرد إحساسنا إن ده اللي المفروض يتعمل مع إنه ممكن يكون مش صح ولا حتي أقرب ليه.

فجأة حسيت إن ممكن الصح يكون نسبي على حسب إيماننا وتوقعاتنا مع إني طول عمري فاهمة إن الصح مبيتغيرش زي قوانين الطبيعة بالظبط !

الدنيا مش سودا ولا بيضا دي رمادي عشان كده مبنشوفش كويس اللي لازم نشوفه.. عشان كده نظرنا ضعيف لما يتعلق الأمر باللي لازم يحصل .

والأكيد ان الرمادي برضه درجات .

القرارات سهل إتخاذها بكلمة أو بفعل أو بمجرد إشارة..الفكرة بقى والصعوبة الكلية فإنك هتتحمل مأساة القرار ده سواء صح أو غلط..

صعب أوي ان الواحد فينا يبقى مُخير مش سهلة أبداً..

دلوقتي حاسة إن الدنيا ديه شبه الدوامة مش لاقيالها أول ولا آخر..مش عارفة افهمها ولا أعرف فين الاختيار الصح يمكن لو كنت شخص مستقر وعارف هو عاوز ايه كان بقى

الموضوع أسهل..ويمكن كان بقى أصعب لأني لو عرفت أنا عاوزة إيه بس معرفتش أوصله هندخل في حتة غلط ..

So Confusing !