3.3.11

هطير بقى أنا قولت اهو :(


اليوم كان حلو.. اليوم لسه حلو..وبكرة هيبقى حلو
(بقنعني برغم ان عندي بوادر اكتئاب خانق)

دماغي مصدعة اوي واعصابي مشدودة
عاوزة اقوم آخد شاور متلج في عز السقعة

لأ لأ لأ

أنا عاوزة أطير زي الفراشات اللي منى قالت عليهم هنا

مش هعرف أطير دلوقتي..لسه روحي مش شفافة
لسه صعبة عليا شوية صغيرين..

محدش يقولي مش هتعرفي تطيري
أصل الفراشات مش أقل مني في حاجة..
متكسروش مجاديفي ..خلاص اتفقنا؟

قررت اني رايحة ان شاء الله لقاء المدونين الجاي
عندي درس يوميها الصبح
بس هضغط على نفسي واحاول آخده في يوم تاني

وبكتب عشان حتى لو الاكتئاب زاد متراجعش ف القرار ده
عندي ايحاء اني اول ما اقرب من اللقاء هلف وارجع تاني
(مجنونة واعملها)

للي ميعرفش اللقاء عند مركز التبرع بالدم اللي في الدقي
ومحدش يسألني فين بالظبط عشان انا نفسي معرفش
يللا احسن عشان اتوه بقالي كتير معملتهاش

..
مش قادرة ارد على كومينتس البوست اللي فات
وطبعا شكرا للردود كلها :)

هناك 12 تعليقًا:

ايثار يقول...

الصورة عاجباني أوي حتى بفكر آخدها في المدونة:)
أنا دايمًا بقول عايزة أنتحر مش من باب الانتاحر في حد ذاته يعني لكن نفسي انط من فوق برج عالي وأطير يمكن أبقى أكتب بوست عن الموضوع ده

لو قدرت هحاول أروح اللقاء وأنا كمان معرفش هو فين بالظبط بس ندور

ranim يقول...

رودتي الجميلة

بالنسبة اللقاء عاوزة تفصيل الساعة كام يوم ايه العنوان كمان لو قدرتي

مفيش اكتئاب هتبقي تمام البتسمي وبصي للايجبيات
ربنا ميجبش اكتئاب

وحشاني والله

(هيبو) يقول...

لازلنا لم نكسر تلك العقدة هنا في المغرب

لازلنا لم نفعل لقاءا بين المدونين المغاربة للاسف

الجزائر عملتها ومصر ايضا

نتمنى المغرب ايضا

سلام

♥نبع الغرام♥♪≈ يقول...

انا كمان بتمنا اخرج من الحاله اللى انا فيها

مشس لوحدك ياقلبى

كلامك بيوجعنى على وجعى
ربنا يروق بالك يا روح قلبى

♥نبع الغرام♥♪≈ يقول...

كنت اتمنا احضر معاكم اللقاء بس للاسف انا بعيييييييييييييييده اووووووووووووووووووووووى

بينى وبين القاهرة 5 ساعات موصلالالالالالالالالالالالالالالالالالات

أقدم عاصمه فى الحب يقول...

السلام عليكم

شاطره
.
الحلم بالتحلم
.
تستاهلى علبه شيكولاته

:)

saragebaly يقول...

طيـــري

وان كـُـنتِ لا تملكين أجنحة الفراشات


تحياتي لكـِ
سارة

جايدا العزيزي يقول...

رضوى وحشتينى

انا هطير معاك

ما اجمل التحليق

تحياتى

دعاء العطار يقول...

انا كمان نفسى اطير

لو عرفتى .. ابقى قوليلى اعمل ايه

(:

محمد يقول...
أزال المؤلف هذا التعليق.
wella يقول...

طيرى طيرى فى السما اية المانع يعنى

شمس النهار يقول...

مين قال ان الانسان ماينفعش يطير

هو الطيران لازم يكون بالجسم ماينفعش يكون بالروح
ده احلي طيران اللي هو بالروح