21.1.11

يوم...



القهوة كانت سادة ومرة أوي..بس الجو كان حلو ومظبوط.. لا هو شتا اوي ولا حر اوي..
الشمس كانت طالعة صافية ورايقة ..والهوا كان يرد الروح..
الناس كانوا ماشيين من غير هدف رايحيين لأماكن كتير في كل ناحية ..
ناس راكبين عربيات ملونة بألوان قوس قزح...وناس ماشين على وشوشهم ابتسامات صغيرة..
وكان فيه ورد كتير في بلكونات الجيران برغم الشتا..والشجر اللي قدام البيت ورقه مغسول من المطرة..

كل حاجة كانت بيرفكت..وصوت منير كان بيطاردني من كل مكان 

الغنوة من قلبنا من قلب قلب الروح

نصبر على جرحنا كل الجروح هتروح


الموسيقى كانت ملت الدنيا
وصوت العصافير كان فرحان..فرحان اوي..
ممكن تقولي ازاي بعد ده كله

 عاوزني استوعب انك مت زي النهارده من سنة؟؟


هناك 19 تعليقًا:

Ramy يقول...

تعيشى

و تفتكرى يا رضوى

دة أكيد جدو

ربنا يرحمه

طالبة مقهورة ..درجة أولى يقول...

جت منك اوت ديه يا رامي

ده مش لأي حد..مجرد كتابة..:)

منورني

Ramy يقول...

بقى كده ماشى ماشى

هههههههههههه

الحمد لله انها طلعت اوت (:

طالبة مقهورة ..درجة أولى يقول...

هههههههههه اضحك عليك يعني ..الله

الاغنية من ساعت ما سمعتها وانا مشغلاها
بحب الاغاني من النوع ده
ومش شكرا خالص

Ramy يقول...

(:

كويس انها عجبتك (:
لو ليكى اكونت على موالى

روحى لأنوشكا فى أغنى كتير رهيبة

انا اساساً بحب انوشكا

ريحانة الاسلام يقول...

وتستمر الحياة
مهما بنتخيل اننا مش ممكن نعيش من غير ناس معينة ..بنعيش
واوقات بنحس بسعادة كمان
..غريبة الدنيا
سبحان مقلب القلوب..
^_^
دمتِ مبدعة

مصطفى سيف يقول...

الحياة ستظل تسير في طريقها المشروع دون توقف مهما فقدنا من نحب
عجبتني الخاطرة وصفك لليوم كان جميل اوي وخلتينا نرسم صور في الخيال وبعدين فاجئتينا بالسؤال
تحياتي لقلمك المبدع

شمس النهار يقول...

عجبني البوست اوي

اصلي بحب الجو ده
بتاع الشتا

والدنيا كده مغسولة بعد المطر

وصوت اغاني من بعيد

جو الشتاء عموما بحبوه

طالبة مقهورة ..درجة أولى يقول...

رامي..للاسف مش فيه وقت :)


سارة..
منوراني مع اني لسه قافلة معاكي الفون وزهقانة منك بس اعمل ايه

صحيح السوداني طعمه وحش اوي ^_^

mena يقول...

الحياة لا تتوقف بفقدان من نحبهم ومن هم ف قلوبنا ولكن مايتوقف هو حساسنا بلذتها بدونهم فوجودهم هو ما يعطي للحياة لذه ...وحشانى جدا يارب تكونى بخير وسعاده

طالبة مقهورة ..درجة أولى يقول...

مصطفى سيف

مظبوط كلامك مبتقفش عند حد ولا عند حاجة معينة

عجبني اكتر تعليقك
ميرسي لمرورك

طالبة مقهورة ..درجة أولى يقول...

شمس النهار

منورة :)
وانا كمان جو الشتا بيعجبني بس وانا مش مكتئبة لأن دي الحالة الوحيدة اللي بتحسسني ببرد اوي

الحمد لله انه عجبك

طالبة مقهورة ..درجة أولى يقول...

منة

بس تعرفي سساعات احنا بنقف بعديهم
مش بنعرف ازاي نكمل..او ازاي نعيش

هيا ديه مكمن الصعوبة ازاي نستمر بعدهم :)

الحمد لله انا تمام

الحسينى يقول...

حلوة أوى
عجبتنى بجد
تسم إيديكى

ranim يقول...

وردتي الجميلة المبدعة رضوي البوست رائع بيقول كل حاجه عاوزة اقولها رضوي قمة الابداع يا قلبي

نبع الغرام يقول...

على فكره انتى وحشششششششتينى اووووووووووووووى

ايناس
ملاك يعيش بكوكب اخر

I'm The CraZy One يقول...

walahii dah 2ntii eli ketabatek perfect :)

estameriii (:

model يقول...

لا بس بجد لما قريتها تذكرت اغلى من فقدتهم
و حتى من فقدناهم و لم يكونوا يعنون لي شخصيا ، فمثلا مفارقة ان يموت الحريري يوم عيد الحب
و مفارقة ان تمطر الدنيا او تشمس او يصفو الجو في يوم فقدنا فيه صفي لنا

بجد بوست منمن و في الصميم

موديل

طالبة مقهورة ..درجة أولى يقول...

نظرا للظروف اللي البلد فيها
فاعتذر عن التعليق واحد واحد

واشكركم جدا ع الكومينتتس