9.11.10

ليست أنــا !!



في الصورةِ المعلَّقةِ على الجدار

طفلةٌ تشبهني

ولولا أنَّها تبتسم

...لظننتها

صورتي



-2-
احتمالات مستحيلة
...........


لو أنَّ

هذا الدُبَّ القطنيَّ الحزين

.يبتسمُ



لو أنَّ

هذه الأزهارَ الذابلةَ

.تبتسمُ



لو أنَّ

صورتَكَ العابسةَ

فوقَ الجدارِ المعتمِ

.تبتسمُ



أنامُ الليلةَ....


_____

مجرد رغي :

مش شايفة ادامي..مش عارفة انام..مش قادرة ابطل تفكير

مش قادرة اكتب خالص اليومين دول
ومفيش وقت اساسا من اصله اعمل حاجة

شكلي مش هفضى قبل الميد تيرم

بالمناسبة نقلت البتوعتين اللي فوق دول
لسوزان عليوان تقريبا..

ملهمش علاقة ببعض البتة
بس عقلي ثمل بالأضداد حاليا

واخيراً

جايدا و رامي و أحمد(اقدم عاصمة)
دعاء العطار و ريتشاردية
عمرو وائل و eng_semsem
اسراء عمران
الباشمهندس سالخير (The illusionist)
وطبعا سارة ريحانة الاسلام
:)
شكرا اوي يا جماعة ربنا يسعدكوا


هناك 33 تعليقًا:

Ramy يقول...

طب تصدقى بأيه

صدقين لسه جايه على بالى النهاردة

بس قلت أكيد مزنوقة فى المذكرة

بعد فسحة أسكندرية

(:

Ramy يقول...

متفكريش كتييير

و انت رايحة تنامى

و ميهمش متكتبيش

متجبريش نفسك

انا عارف أن الكتابة نوع من أنواع التنفيس

لكن لو كتبتى و انتِ مش فى المود مش هتحبى اللى كتبه

ممكن تكتبى و انتِ حزينة و انت ِ فرحانة و حتى و أنتِ مستعجلة

بس مش مضغوطة

(:

Ramy يقول...

مش عارف هل وصلت لك

اللى عاوز أقول له و لا لأ (:


على العموم

ربنا معاكى و يوفقك

طالبة مقهورة ..درجة أولى يقول...

رامي

والله وانت على بالي بقالك كام يوم
ونفسي اعدي عليك واشوف جديدك

بس مش عارفة غصب عني بجد

:)

انت عارف هيا الكتابة ادمان
وخصوصا لما تحس بتناقض
انا مش عاوزة اكتب اي حاجة انا عاوزة بس افضفض عشان كده عاوزة اكتب

مش بغصب ع نفسي بس لو حاولت اكتب هاخد ساعتين تلاتة كده ومعنديش استعداد اضيع كل الوقت ده حاليا :)

Ramy يقول...

أولا
و لا يهمك انا مقدر المذاكرة و سننها (:

ثانياً
ولا يهمك بأذن الله تخلصى من الذاكره و سننها و تكتبى و احنا معاكى (:

بالتوفيق

(:

R-H-S يقول...

ميد تيرم ايه؟؟انا مش سايبك في الثانويه العامه ..انتي لحقتي دخلتي الكليه ؟؟

شدي حيلك كلها ييجي 7 شهور وتمتحني
D:
بالتوفيق ياباشمهندس

تحياتي

صمت المشاعر يقول...

جميله جدا الكلمات

وربنا يوفقك يارب في الميد تيرم

دمتي بكل خير

طالبة مقهورة يقول...

استاذ منبه

مش بقولك انت قديم اوي

عملولنا حديثا اسبوع اجازة ف التيرم الاول ونفس الشيء في نص التيرم التاني يقال انهم اجازة للميد تيرم بس من غير امتحانات والحمد لله

وبتفكرني يعني 7 شهور بسيطة يعني واخلص وادخل على مرحلة طحن جديد ايييييييييه دونيا

طالبة مقهورة يقول...

صمت المشاعر

ميرسي يا قمراية منوراني

جايدا العزيزي يقول...

اولا وحشانى ياقاسيه

ثانيا حمدالله على السلامه

ثالثا جميله احلامك البسيطه


ولكنها تكون احيانا مستحيله رغم بساطتها

فكرة رائعه

تحياتى

The illusionist يقول...

سولامو عليكوا

وبما انى مليش اى حاجه اقولها

فهقول سلامو عليكوا تانى

ملحوظه يعنى

الكتابه مش واجب قومى عشان تعتذرى انك مش عارفه تكتبى

براحتك وبما انك مش عارفه ومش شايفه ومش بتبطلى تفكير

حسب قولك

ريحى نفسك

واقعدى اتفرجى على برنامج الساعه اربعه الفجر

خلق ليفترس

على ناشيونال جيوجرافيك

وبس

هيعجبك جدا

ريحانة الاسلام يقول...

مش مستوعبة حاجة حاسة ان فيه حاجات كتير واقعة فى النص

دعاء العطار يقول...

ازيك يارودى

ربنا يقويكى ياقمر واهم حاجه انك تركزى فى مذاكرتك

باقى زلطه وتطلعى بره

واحنا اكيد عذرينك

وع فكره انا اوقات كتير ببقى مش عارفه اكتب

عاااااااادى جدااااا ده لانك مش لاقيه وقت ومضغوطه واكيد المذاكره واخده حيز كبير من تفكيرك

بكره ياسيتى لما كابوس الثانويه يخلص هتلاقى وقت ان شاء الله لكل حاجه

(:

Ms Venus يقول...

جميل اوى اختيارك للكلمات

ربنا معاكى ويوفقك

وكل سنة وانتى طيبة

اقدم عاصمه فى الحب يقول...

السلام عليكم

ازيك يا جميل ...؟!..يا رب تكونى بخير

بس ازاى كنتى فى اسكندريه والمود ما اتعدلش شويه اكيد كله تمام ونفسك هتتفتح على المذاكره ..

عارفه ...
بينى وبين البحر نص ساعه .. ومش لاقى وقت اطلع اتمشى شويه .. احلى وقت بكون فيه معتدل المزاج لما بكون عند البحر من الساعه عاشره لاتناشر فى الشتا واكيد مش انا لوحدى .. اكيد اى حد ممكن يطلع البحر ويرمى كل حاجه ورا ضهره وما يفكرش حتى فى نفسه هيبقى تمام .... هرغى كتير لو اتكلمت عن احلى مخلوقات ربنا البحر ...
.
.
بس انتى عارفه .. لكل واحد مننا وظيفه (( إنا خلقنا الانسان فى كبد ))
لازم هنفضل تعبانين من الحياه لحد اخر العمر .. بس الشاطر اللى يتقن عمله فى حياته وانتى عملك فى الدنيا انك تذاكرى وتنجحى بتفوق ..
وكمان ..
إن سألتى فأسالى الله
وان استعنتى فأستعنى بالله
واعلمى ان الفرج مع الكرب
وان النصر مع الصبر

وأن مع العسرا يسرا
إن مع العسرا يسرا

ربنا معاكِ ويهون عليكِ كل صعب ويعطيلك على قد تعبك .. ويا رب يجعل لسانك عامر بذكره وقلبك بخشيته وسرك بطاعته
كونى بخير :)

زهرة يقول...

حمد الله على السلامة ..

والله المزاكرة حلوة ..

عارفة

لما تحسى غن وراكى حاجة مطلوبة منك ولازم تعمليها وشاغله وقتك يمكن شوية ..شوية .. متخلكيش تلحقى تفكرى فى كل هفوه بتعدى عليكى .. وممكن يبقى تفكيرك محصور بس فى الحاجة المطلوبة منك .. لإنك ببساطة مضغزوطة .. إنما لما تبقى فاااااااااااااااضيه

وحسه بهوا غريب .. أقصد يعنى صحرا وبرد كمان

شعور تانى خالص .. أصعب طبعاً

بتعتزرى عن عدم الكتابة لإنه بيدايق وانا عارفة ..

تقريباً بقالى فتره شبههك كدة ..

ربنا يروق بالك و يكرمك دايماً

مش هقولك زاكرى كويس علشان تفرحى بنجاحك علشان متتغاظيش " ايموشن رخم "

ابقى طمنينى عنك :)

غير معرف يقول...

كلامك حلو على فكره حتى لو انتى مش فاضيه بستمتع لما بقرا كلامك حتى لو نعكشه زى ما انتى بتقولى وربنا معاكى الثانويه العامه دى هم جامد بس خلاص اخر سنه وتخلصى انشاء الله وتفتكرى الايام دى وتضحكى عليها كمان ربنا يعينك يا رودى :d

ranim يقول...

ازيك يا رودي عاملة ايه والله بدعيلك كتتير كتتير قبل ما انام كل يوم ربنا معاكي يا قمر ونخصل من قرف المذاكرة بقي


اقولك حاجه علي فكرة حلو البوست اوي

i miss you awwwwwy

طالبة مقهورة ..درجة أولى يقول...

جايدا العزيزي

انا اسفة يا قلبي بس غصب عني والله بقولك مش لاقيه وقت خالص :)

معلش بقى

يارب تكوني بخير

طالبة مقهورة ..درجة أولى يقول...

the illusionist

وعليكم السلام

لا طبعا الكتابة مش واجب وطني بس واجب شخصي :)

واديني ريحت نفسيتي بس متفرجتش ع البرنامج

غريب اوي ^_^

شكرا يا مشمهندز

طالبة مقهورة ..درجة أولى يقول...

ريحانة

سارة!! كنت كاتبة كتير بس مسحت نص اللي كنت كاتباه عشان مش كان ينفع انشره

مش فاكرة ايه اللي وقع مني ^_^

طالبة مقهورة ..درجة أولى يقول...

دعاء العطار

اه يا دودو هيا زلطة بس :)

كلنا هذا الرجل ^_^ اكيد اجحنا مش آلة كاتب مبنفصلش يعني

ان شاء الله ربنا يسعدك يا دودو

طالبة مقهورة ..درجة أولى يقول...

مس فينوس

اشكرك جدا يا قمراية منورة البلوج

طالبة مقهورة ..درجة أولى يقول...

معذرة هستكمل التعليقات لاحقا

ورايا فيزيكس :)

Ramy يقول...

(:

طيب
(:

كل سنة و أنت طيبة

إسراء عمران ؛؛؛ راجية الرحمه يقول...

كل حاجه ممكن تبتسم اللى صعب انها تفرح او تضحك من قلبها !


المهم انتى ايه اخبارك ؟
واخبار الثانويه على حسك ؟
واخبار اسكندريه اللى كنتى منوراها ؟

حلم يقول...

سعدت بالتواجد بين هذه الحروف

جايدا العزيزي يقول...

كل عام وانت بخير

كل عام وانت الى الله اقرب وعلى طاعته ادوم

عيد اضحى مبارك

اعاده الله عليك بالخير واليمن والبركات

ويارب العام القادم تكون عند الحبيب المصطفى

عيد سعيد

تحياتى

Ramy يقول...

كل سنة و أنت طيبة

و السنة اللى جايه ترتاحة من المذاكرة و سننها (:

ربنا يوفقك

بوسي يقول...

جيت علق على الى كتبتى
لقيت رامى بيقولك فسحة اسكندرية
المرة الجاية قولى علشان نختفلو بيكي بس قوليلى رحت فين بقا عندنا ؟؟

وبجد روعة طريقتك فى الكتابة
تسلم ايدك

The illusionist يقول...

على فكره

انا

داشموهندس

مش بشموهندس

ههههههههههههههههه

كل سنه وانتى طيبه

عيد سعيد عليكى

The illusionist يقول...

http://img7.imageshack.us/img7/3521/forradwa.jpg


كل سنه وانتى طيبه يا رضوى

هوديه صغيره

richardCatheart يقول...

كل سنه وانت طيبه وبالف خير يا رودى يار يعود عليكم بالخير