2.10.10

ابيض واسود



أُبَ عْ ثِ رُ 


أَوْرَاقَي بِفَوْضَى


وَأَسْتَلُّ مَا أَشَاءُ


مِنْ جِرَاحِي


لأُعَمِّدَ الذَّاكِرَة


بِحنان حُضُورِكَ


الْمُقَدَّس*


:)

افتكرتك وضحكت
ضحكت اوي
عشان وحشتني اوي

ليه الافتقاد شعور وحش وبيوجع ما انا ممكن اخليه حاجة تفرحني
فتحت الصور ودخلت على فولدرك..بقالي كتير مشوفتوش..كنت خايفة منه

ابيض واسود..بقى فيه حد يختار الابيض والاسود بس؟
اتصور انها شبهك اوي
الوان صارمة وعارفة هيا عاوزة ايه..محددة موقفها
الوان الموت
عشان كده عمري ما حبيت الابيض ولا ارتحت للأسود

طب فاكر حكاية الصور ديه..وميدو قال ايه عليها ههههههههههههه
مظنش انك نسيت بس انا افتكرت وقولت افكرك

انا بحاول اخد بالي من نفسي..عشانك والله بس
حتى لو كنت مش بتاعي وحتى لو كانت خطوطنا هتمشي متوازية
يعني عمرنا ما هنتلاقى

حتى لو كنت حلم بعيد في ليلة 14

او موجة سرحانة غلط في بحر مياهه راكدة

هتفضل برضه السبب اللي عشانه بحاول احارب
مش عاوزة استسلم عشان مفيش حد هيشيلني لو استسلمت دلوقتي

أًصل الشخص الذكي اللي بيختار انسب الاوقات عشان
يستسلم فيها لما يثق ان فيه حد هيسنده لو وقع

هل ده معناه اني ذكية؟؟؟

تؤ بس معناه اني لسه بتعلم وباخد مقالب كالعادة
بتنرفز وبيجيلي حالات فزع وبقعد احكي مع الحيطة وكل حاجة عادي يعني


اي نعم انا اوقات بحس اني متكسرة حتت صغنتوتة بس بعيش تاني
سبحان الله ربنا خلقلنا قدرة على العلاج بدون اي تدخل مننا

مش عارفة انا ليه ببعد الناس عني حتى الان..
مش قابلة اثق في حد تاني ..فيه حواجز كتيييير بين الناس وبيني
مش عاوزة اشيلهم دلوقتي..مش مستعدة
وبما ان خطوتي بسنة وقرار اليوم باخده في 100 يوم
فمش هستعجل..اصل انا كده ومش عارفة اغيرني فهتماشى مع الوضع 

اسوأ حاجة بقى حصلتلي الفترة ديه اني فكرت اثق في الناس من تاني
والصدف اثبتتلي استحالة اخد الخطوة ديه 

بس لما اكتشفت اني مش مضطرة اثق ارتحت اوي بشكل غريب

نفسي في دكتور نفساني يحللي التصرفات العجيبة ديه
ويديني اسباب مش عارفة اديها لنفسي

نفسي افهمني اوي والله..بس تعرف هتبقى لعبة مملة لو فهمتني
خليني كده بكتشف عني كل يوم حاجة جديدة مع وجود 3 ثوابت

1-لسه واحشني بس بحب مش بوجع :)

2-لسه ببعد الناس عني..
(باستثناء بسيط للقاعدة ديه)

3-لسه مش قادرة اثق في حد
(عشان عارفة انه هيخذلني وهتجرح اوي)

وحاجة اخيرة انا لسه بدعيلك بس مش بقول لحد ..
..........

*شعر لريتا عودة


.....

هناك 6 تعليقات:

هـــرشــــه دمــااااااااغ "3mr wa2el " يقول...

حلو اوى البوست دة
ابدعتي حتى لو نقلتي بس جبتي كلام نس القلب ييطلعه بجد بجد
ابدعتي

جايدا العزيزي يقول...

الله يارضوى

خرجتى كل كلمه جوايا

منعاها من الخروج

قد ايه الفراق بيقتلنا بس لما نخليه حافز ببنجح

وقد ايه بنشتاق بحب مش بغضب وكره

مليوووووووون شكر

للبوست ده

حقيقى رائع

تحياتى

esraa يقول...

السلام عليكم
اسمحيلى انتى مش محتاجة لدكتور نفسانى بعد تحليلك الدقيق ده لشخصيتى مع اختلاف بسيط فى حياة كل منا
تحياتى لك يا مبدعة

I'm The CraZy One يقول...

ana msh 3arfa a2ol 2h :)

kal3ada bet2olii kol 2lkalam 2li ma7desh bye3raf ye2olo (:

w belnesba lemawdoo3 2lseka dah mat7otihosh f dema3'ek 3ashan hya btetbeni bra7a awii w me7taga wa2t w 2lmawakef btesbet :D

زهرة يقول...

وجعتى لى قلبى

جميل أوى ...

ranim يقول...

اول مرة في التاريخ اعترض لا هعترض بشدة بجد ليه يا رودي كده انك تثقي في حد مش حاجه وحشة اهم حاجه متكنش ثقة عمياء لأن الثقة العمياء دي اللي بتخلينا ناخد مقالب كتير في حياتنا بصي يا رودي ساعات بتبقي فعلا عاوزة تبعدي الناس عنك علشان عاوزة لحظات صمت مع نفسك بس خدي بالك علشان لو فضلتي تبعدبهم عنك ممكن لما تحتجيهم مش تلقيهم جنبك .لازم تحاولي دايما تاخدي بالك من نفسك . يا حبيبتي انتي عمرك ما كنتي ماحتاجه دكتور نفسي أعتقد ان دي فترة وهتعدي .وان شاء الله تبقي تمام بعض النظر عن كده عجبني اوي في حاجات كتير عجبتني (متستغريبش بس انا مقدرش اعدي كلامك كده عادي ) (ياريت ميكنش ازعجك )
ابدعتي يا رووووووووديتي الجميلة