28.9.10

The pain is all that remains


اليوم بيبدأ ...وبيستمر

بلحظات تنطيطه وضحكه..بجنانه وعقله
بأفكار جديدة اتعلمناها..وناس جديدة
قابلناهم وحبيناهم
بيستمر بنجاحاتنا وإنجازاتنا وأحلام اليقظة...


اتصور للحظة في وسط زحمة اليوم
نسيت وجعي..وقد ايه وحشتني!!!

ولما قعدت لوحدي اكتشفت اني مفتقداك..
وعلى عكس قانون الزمن والنسيان..
الألم زاد مقلش جوايا
زاد أكتر من امبارح وأول وبداية الاسبوع


ولهذا اوعى تصدق سكينتك وراحتك وسعادتك المؤقتة
صدقني لحظات السكينة..بتخلص في نهاية اليوم
ومبيفضلش معانا غير الألم..!!

...

سؤال صغير:
هوا ازاي الواحد بياخد باله من نفسه؟؟

هناك 10 تعليقات:

I'm The CraZy One يقول...

ولما قعدت لوحدي اكتشفت اني مفتقداك..
وعلى عكس قانون الزمن والنسيان..
الألم زاد مقلش جوايا
زاد أكتر من امبارح وأول وبداية الاسبوع




toooooooooooooooo7fa bgd 2zay 2l post dah gamed keda .. :( 7aga teza3al walahiii

awya fe3lan 2zay 2lwa7ed ya5ood balo men nafsoo..yemken matza3aliish nafsek w te3mlilek 2li 2nti 3ayzah w tedala3i nafsek yemken msh 3arfa ... yemken teshfeki 3ala nafsek ..alah a3alam

wa7ashtini ya koukii walahii :) <3

ranim يقول...

حلو بس المشاعر اللي في البوست مؤلمة اوي افتقاد اي شحص بيبقي شعور وحش اوي اكتر منه مؤلم اوي ....... بصي ده تقريبا تعبير مجازي معناه انك تهتمي بنفسك و متزعليهاش و تحضنيها جامد كل يوم قبل ماتنامي و يمكن الشحص الي بيقولها بيبقي خايف علي نفسك اوي ...... تحياتي يا قمري

جايدا العزيزي يقول...

الحمد الله لم اتأخر كثيرا

وحشانى ياقلبى

رغم انى لسه ردة على تعليقك

واضح اننا احباب

عايزين نخلع الحزن

لكن رافض الخلع


طب نعمل ايه

على فكرة البوست رائع

ما انتى عارفه عايزة تجرى رجلى

خليكى فى المود ده

وبلاش غلق تعليقات بعض المواضيع

ساعات لما القيكى خلقه الموضوع اضايق

وابقى عايزة اكتب على عنوان المدون

واصرخ واقولك وحشانى يارضوى

افتحى الباب بقى

نزلت اغنيه تيتانيك اوعى تفوتك


تحياتى

amiralcafe يقول...

الحياة حلوى لك زمانونا هذا صعيب برشا
والاصحاب ميش برشا.خلي الحزن بعيد والله معنا معنا
رؤوف

زهرة يقول...

بوست جميل يا رضوى

حابه أنا جو النكد اليومين دول اوى :(

تصدقى مش عارفة ازاى الواحد بيخلى باله من نفسة ؟؟

amirelhob يقول...

بوست جميل اوى فى معانيها وفى تفصيله وفى احساسه تحسى انو زى الميوزك لما تكون هاديه

الاجمل من البوست السؤال الاخير ازاى الواحد بياخد بالو من نفسو ؟

ناس كتير ممكن تقولك خدى بالك من نفسك

بس قصدهم ايه الامور الحياتيه العاديه الروتنيه ولا قصدهم خدى بالك من حياتك نفسها من تفصيلك من مشاعرك من كيانك ؟

انا بقى نفسى اعرف الاجابه

المقصوده اه بقول ساعات حاضر لكن معرفش عليه ايه يا رب لو عرفتى الاجابه تقوليها يمكن تبقى هى الصح

بتمنلك يا رب كل خير وسعاده وصحه وتوفيق وفرح وابتسامه تدوم يا رب طول العمر

amiralcafe يقول...

شكرا على دخولك الى tunisiechantepourl'mour
لي في مدونتي كلام برشا عن حببتي تونس
*كلمة *برشا*يعني كثير هي كلمة تونسية بحتى
رؤوف

ريحانة الاسلام يقول...

مبيفضلش معانا غير الألم..!!
للاسف عندك حق
الظاهر يا رضوى اننا مش بنعرف نفرح
وبنشتاق للحزن
..
بالنسبة لسؤالك...ممممم..مش عارف الصراحة..يمكن لو فهمها يبقى خد باله من نفسه!!

غير معرف يقول...

السلام عليكم ورحمة الله وبركاته
ازيك يا رودي
عامله ايه يارب تبقي بخير
انا هجاوب علي حاجة معينه ف البوست وهي إزاي تاخدي بالك من نفسك
متعمليش اي حاجة تضرك وافتكري نصيحة حد
غالي عليكي وعيشي علي أمل

عباس ابن فرناس يقول...

خد بالك من نفسك !

تصورى
سعات كتير بحس انها نصيحة ساذجة