نظرة بعيدة للسما
...
ت
ن
ه
ي
د
ة
طويلة
...
ابتسامة عريضة
(من القلب بجد وحقيقي)
...
كلمتين من
قلبي
الحمد لله :)
...
العيد بكرة
ومظنش ممكن ابقى اسعد من كده
كلمت ناس كتير اوي
رتبت تالت يوم العيد ناقص تتشات بسيطة
أكلت حتة شوكولاته صغيورة من اللي محمد فضة جابهالي
ومرتبتش المكتب من جوا لأنه مش منعكش
احساس السعادة يزملني
ويدثرني
ويملأ فجوة لم تعرف السعادة منذ فترة
يللا يا رودي عيد سعيد عليكي
كفايا اكتئاب
انزعي ثوب الحزن
فقد فزتِ بقضيتك
وكفايا عليكي حبة أمل يظبطوكي
عشان تستحملي اللي جاي
الأمل ده عامل زي السكر..اللي بيحلي طعم القهوة
واللي دايما بنحب نشيله من على الترابيزة
ونحوشه في جيوبنا عشان لما القهوة تمرر اوي
نحطها فالطعم يظبط معانا
منستش ابعت لناس كتيييييير مسجات
وكل مسج كانت مختلفة
وفيها ذكرى معينة كاتباها بنفسي
مبحبش المسجات التقليدية
بس منكرش اني بعت لناس حجات عادية عشان كنت تعبت
ولأني قصرت ف رمضان بسبب الحالة الاكتئابية الشنيعة اللي فاتت
فقررت استدرك الخطأ العيد ده
سعادتي زادت لما عرفت اني خليت اتنين ع الاقل يبتسموا
السعادة ..هي الحاجة الوحيدة اللي مش بتخضع لقوانين القسمة
و كل ما بنقسمها بتزيد مش بتقل
آلاء نبهتني منزلش بوستات كئيبة قبل العيد
ولا ف العيد حتى ممكن يستنوا ف الدرافتس كام يوم
و انا عارفة اني مش هعرف اكتب حاليا
طول عمر السعادة بتلجمني
مبعرفش اعبر عنها غير بالابتسام
والافيهات الغير متوقفة لو حد قاعد معايا
بس بما اني مقطوعة من شجرة فبضحك مع نفسي وخلاص :)
كل سنة وانتوا طيبين وأمورين ومبسوطين
ويلكم ويلكم بالعيد
وطبعااااااا ..مساءكوا متفرقعات وبومب وصواريخ
..
ملحوظة: جالي تاج من رنيم هانم مبتسمة دائما ..متوصية بيا دايما
هجاوبه وانزله ان شاء الله ع طول
ميرسي يا روني :)
