6.6.10

البنفسج...(تم فتح التعليقات)



*******

لا اعلم كيف..

متى ..

أو أين سأموت..

ولكن إذا كان لدي خيار

لتمنيت أن أموت دون من أحب

حينها فقط ستخلد ذكراي لديهم

وسأظل أحيى بداخلهم للأبد وأبداً

أما عنـــــــي

فحسبي أن يذكروني

ببضع دعوات من القلب

ويبتسموا كلما مروا

على زهرة من زهور البنفسج..




........
تم فتح التعليقات
ربما مؤقتاً أو دائماً


هناك 23 تعليقًا:

أم الخلود يقول...

السلام عليكم ..

لم تفتحي التعليقات من قبل وكنت أمر على المدونة ولا أعرف كيف أعلق لك ولكن على العموم فتح التعليق هذه بادرة على التواصل الجيد مع الآخرين.

والمهم في النهاية أن نرزق بحسن الخانمة بارك الله فيك

richardCatheart يقول...

بصى انا وحده كل يوم بقوم الصبح بقول هاموت النهارده

دا كويس علشان يخليكى فاكره اننا رايحين مش هانخلل فيها

بس بردو مش المفروض نستنى الموت ومش المفروض نفكل فيه بصفه مستمره
لان اساس خلقنا هو للحياه الموت مرحله حقيقيه ومكمله للى بعدها واللى قبلها

يارب تفكى من الحاله دى

نسال الله حسن الخواتيم
نساله السيره الطيبه العطيره
نساله من يخلفنا بالعمل الصالح لنا
ولكى ولامه الاسلام

يارب تكونى بخير

لـــولا وزهـــراء يقول...

رضووووووووووى

وحشاااااااانى ووحشنى كلامك والرغى عندك
بجد زعلاااااااااانه اوى اوى اوى
ليه تقفلى التعليقات
فكره ابو ذر الغفارى قال ايه تحدث حتى اعرفك وعلشان تتعرفى علينا لازم تسمعى كلامنا واحنا كمان علشان نعرفك اكتر واكتر لازم نشوف ردك علينا

المهم يا قمرايه

اعمل لدنياك كانك تعيش ابدا
اعمل لاخرتك كانك تموت غدا


اللهم ارحمنا فوق الارض
وتحت الارض
ويوم العرض عليك يا ارحم الراحمين

فى انتظااااااااااااارك

زهــــراء

طالبة مقهورة ..درجة أولى يقول...

أم الخلود

وعليكم السلامك ورحمته وبركاته

الحقيقة انا اغلاقي للتعليقات مكنش لأني مش عاوزة اتواصل بس كنت بكتب بشكل شخصي واعتقد ان الموضوع هيختلف دلوقتي وهتكون الكتابة بشكل ادبي أكتر :)

اللهم آمين

وشكرا جدا لحضرتك على المتابعة واكتر على الاهتمام

طالبة مقهورة ..درجة أولى يقول...

قلب القطة

انا فكة خالص اهو لا تقلقي :)

عندك حق ..بس انا بالفعل مش بفكر فيه بصورة مستمرة..من وقت للتاني لازم افكر نفسي اني هموت عشان كده لازم احقق ع الاقل حاجة بسيطة قبل ما امشي من هنا..واسيب بصمة مهما كانت صغيرة

امين يارب

ربنا يخليكي يا قطتي :)

طالبة مقهورة ..درجة أولى يقول...

لولا وزهراء

بجد انا متأسفة مكنتش اعرف انك هتزعلي كده ^_^

الفكرة كلها كانت اني بكتب نعكشة اوي بصفة شخصية جدا ومكنتش محتاجة تعليقات..كان مجرد كبت وبخرجه وكنت خايفة لمردش على كومينتاتكوا لأني مقدرش اعمل كده ممكن تفتكروه اهمال او لا مبارلاة بس بالعكس والله انا بقدركوا ومكنش هيهون عليا مردش..

اعتبريها كانت فترة هدنة مع النفس

نورتي يا زهراء

هوبتي يقول...

يالوناتك
جميله بجد عجبتني بسيطة ورقيقة فعلا ومعناها قوي

samy يقول...

انا بقى محظوظ جيت بعد ما اتفتحت التعليقات

(:(:

جميلة جدا بس صعبة برضة

انا بقولك كدة وانا كاتب حاجة زيها (:

بالتوفيق ربنا معاكى

طالبة مقهورة ..درجة أولى يقول...

هوبتي

ميرسي جدا..نورتيني

طالبة مقهورة ..درجة أولى يقول...

سامي..

حظك حلو..مش عارفة احتمال تتقفل تاني ^_^

عادي انك تقول كده..ديه مش روح تشاؤمية بس انا اتعودت اكتب اللي بفكر فيه ايا كان ايه هوا

مـــــنى و هنـــد يقول...

مررت من هنا صدفة فأحببت أن أسلم وسأعود ولكن المرة المقبلة عمدا

أختك منى

♥♥ شذا ♥ الروح ♥♥ يقول...

مبروك فتح التعليقات حبيبتى
اسلوبك جميل رغم ما يحمله من ألم وحزن
ربنا يسعدك يارب

دمتى بكل الخير
اموووووواه

لـــولا وزهـــراء يقول...

ازيك يا دودو يا احلى رضوي في الدنيااااااااا جيت اشقر ههههههه
حلو الكلام بس ليه بحس في سطورك بالحزن دايما وفي الفترة الاخيرة؟تعرفي اني بحب البنفسج!!!
لـــولا

دعاء العطار يقول...

وحشاااااااااانى

وحشااااااااااااااانى

وحشاااااااااااااااااااااااانى

الف بعد الشر عليكى ياقمر من الموت

بالرغم ان الموت حقيقه الا اننا دايما بنهرب من التفكير فيه

ومش بنحاول نتخيل ابداااااا ان الناس القريبه مننا ممكن يحصلها كده

ربنا يطووووووووووول فى عمرك ياروودى وتبقى حياه كللللللللللها انجازات

ليله شتاء يقول...

السلام عليكم

حلو أوى أوى كلامك
وأخيراااااااا فتحتى التعليقات

أعمل لدنياك كأنك تعيش أبداا وأعمل لأخرك كأنك تموت غدا

واللهم أرزقنا جميعا حسن الخاتمة

الشـوكة الــنـاعـمـة يقول...

دودا عامله ايه
بجد وحشتينى جدا
اخيرا فتحتى العليقات
انا كنت بتغاظ اوى من قفل العليقات دى
عشان كده الاوف لاين بتاعى كان بيبقى كله رغى
عاوزاكى تخلصى امتحانات وتنجحى عشان نرغى كتير
ماتشيليش هم الدنيا ياحبيبتى
انتى عارفه انا كل يوم قبل ماانام بقول انا مش هايصبح على صبح
هو ده طبعا مش صح
عارفه الحديث اللى بيقول تعمل للاخرتك كأنك تموت غدا واعمل لحياتك كأنك تعيش ابدا
ماتيأسيش عشان اليأس هايوصلك لطريق مش هاتقدرى ترجعى منوا
طمنينى عنك

طالبة مقهورة ..درجة أولى يقول...

منى وهند..

يشرفني جدا مروركوا من هنا ..هستناكوا

طالبة مقهورة ..درجة أولى يقول...

شذا الروح

ربنا يخليكي ..النفساوية مش مظبوطة شوية طبيعي يبقى فيهن من فترة للتانية :)

ميرسي جدا يا قمري(موااااه)

طالبة مقهورة ..درجة أولى يقول...

لولا..

اززززززيك وحشاني اوي على فكرة..

مش عارفة يا لولا بس الحالة مش متظبطة وحجات كتير فجأة اتلخبطت وكل مدى بكتشف اني مكنش المفروض اعمل حجات عشان هتحسسني بالسعادة المؤقتة..وبغدها هرجع اندم اني عملتها..انتي عارفة احساس المدمن اللي بيقلع عن ادمانه..بيبقى مش عاوز يدمن بس مش قادر عشان النشوة متروحش

:)

استدرجتيني وخليتيني احكي اهو ينفع كده

ربنا يسعدك يارب

طالبة مقهورة ..درجة أولى يقول...

دعاااااااء

انتي الل وحشاني اكتر

مش مهم اعيش كتير او قصير بس المهم اسيب بصمتي :) ولا ايه يا كبييييييير

يارب تكوني بخير وانا كويسة ع فكرة

طالبة مقهورة ..درجة أولى يقول...

ليلة شتاء

اها اخيرا :)واحتمال تتقفل تاني مش عارفة لسه

امين يارب..

طالبة مقهورة ..درجة أولى يقول...

الشوكة الناعمة

الحمد لله انا تمام جدا...ههههههه متتغاظيش ولا حاجة حقك عليا

ده مش يأس مجرد احساس وحبيت اشخبطه ف المدونة وافتتح بيه التعليقات ^_^

يارب انتي تكوني بخير

بــــ الخطاب ــن يقول...

يارب تنامى من غير كوابيس

المهم اخبار الإمتحانات ايه يارب دايما بخير