الساعة 10 ونص...انا صاحية 10 عارفة انه متأخر عن العادي بتاعي
اخدت الدوا وصليت الصبح
اتسرحت..وديه مبتحصلش كتير(^_^)
جهزت جدول المذاكرة بتاع النهارده
كده مش ناقص غير الهيدفون والورقة والقلم
يوووووووه نسيت النسكافيه..مينفعش ابدأ اليوم من غير نسكافيه
طل وسألني إذا نيسان دق الباب
خبيت وجي وطار البيت وفي وغاب
حبيت افتحلوا..ع الحب اشرحلوا
طليت ما لقيت غير الورد عند الباب
صباحكوا فيروز..نص ساعة متواصلة جمب كوباية النسكافيه
والورق والاقلام..وفريووووس
بتسحرني
بتلجم لساني..بتحطم اسواري وبتكشف اسراري..فاهماني معرفش ازاي
هيا قوية..قوية جدا..مش زيي
مكنش ليا نفس اعلق على مدونات الفترة اللي فاتت..اي نعم مشغولة
بس كان ممكن اعلق واطمن عليكوا
ولهذا
أخدت جرعة مكثفة من المدونات اللي عندي للأسف معلقتش على كله
عشان بقرا البوستات اللي فاتتني... هكمل يوم تاني
اه صح..
شكرا اووووووووووي يا سامح مع اني مقصرة معاك انا اسفة بجد
وانت طلعت احسن مني واثبتلي ان لسه فيه ناس بحق وحقيقي
انطباعي الاول عنك كان صح 100%
::::::::::
مش بفكر كتير..التعب يمكن انهكني بس اداني رضا داخلي تماما..
حاسة ان الموت قريب ولما بحس الاحساس ده بطمن اوي
ولما بحس نفسي مطمنة بعرف اني ماشية صح
خلصت فيروز وخلص وقتي قدام النت
ربنا يوفق كل حد بيمتحن..ويعينكم جميعاً
ويشفي كل مريض
كنت عاوزة اقول حجات كتير اوي
بس ورايا حجات اكتر
دماغي مصدعة جدا
مع ان الدكتور امبارح اداني دوا للصداع و4 ادوية كمان
رحت للدكتور!!! انا نفسي مستغربة من تصرفي ده
احمد جيه معايا ومسك ايديا وعداني الشارع
بخاف من الشارع ده عشان شوفت فيه حوادث كتير
.........
ع فكرة انا مش بكتب عشان حد خالص مالص
حاليا بكتب لإرضاء جانب متمرد ولإغاظة جانب متزمت جوايا
على طول بيخوفني وبيخليني مكتبش بحرية
.......
بفكر كتير ف اني كان ممكن ارد الاساءة باساءة زيها..
طلع عندي قدرة في السيطرة على نفس اكتر مما كنت بتخيل..
واكتفيت بالصمت..
كفااااايا رغي بقى ^_^
أنا جاوبت كل الأسئلة اللي عاوزة افهمها النهارده
إلا سؤال واحد اللي محيرني دلوقتي
هيا الوحدة اللي بتخوف..
ولا الخوف اللي بيخلينا نحس بالوحدة؟؟
......
