7.5.10


وفقاً لما تنص عليه

قوانين حياتي

المهرجلة..

باطلع من مشكلة..

أخش في مشكلة..

وحاجات كتير..

في دماغي..

متكومة ومتأجلة

وتفاصيل بالعبيط

كل ما بفهمها أكتر..

بتزيد البرجلة

* * * * * *


حصان..

عَمَّال بيجري

بقاله سنين كتير

في نفس السَّبَق

والقلق

ما بيسيبوش..


حصان

وعارف إنه

لو مرة غصب عنه

سبَق

حوافر زمايله

للأسف

ما بيرحموش..


* * * * * *

خـــالد كســاب



هناك 11 تعليقًا:

دعاء العطار يقول...

وتفاصيل بالعبيط

كل ما بفهمها أكتر..

بتزيد البرجلة

اه والله فعلاً

ساعات بحس ان كتر الفهم بيوجع الدماغ

ومش بس كده ده كمان بيقلل من سعادتنا

مش عارفه انا صح ولا لاء

بس احيان كتيييير بحس بكده

يارب تكونى بخير يارودى

أع ـقل مـ ج ـنـونــة يقول...

آآآآآه يانا

كلام في الجووووووووووووووووووووون

NeVeN يقول...

الله حلو اوى الكلام
والله حاسة انه جاى فى وقته

اختيارك تحفة للكلام دة


صباحك بنفسج

بــــ الخطاب ــن يقول...

جميلة ومعبرة تسلم ايديه

Sam Sh يقول...

حصان

وعارف إنه

لو مرة غصب عنه

سبَق

حوافر زمايله

للأسف

ما بيرحموش..


حلوة جداااااا
تسلم إيديك
تحياتي

طالبة مقهورة ..درجة أولى يقول...

دوودو

ازيك يا حبيبتي انا بخير

يارب تكوني مستعدة للامتحانات ومرتبة نفسك :)

كتر الفهم بيخلينا نوسع مداركنا ونشوف الحجات من وجهة نظر جديدة..بيتهيألي مش بيقلل من سعادتنا بس بيخلينا نشوف الواقع المؤلم بس

طالبة مقهورة ..درجة أولى يقول...

اعقل مجنونة :)

نورتيني

طالبة مقهورة ..درجة أولى يقول...

نيفين


صباحك ياسمين يا جميل :)

طالبة مقهورة ..درجة أولى يقول...

بن الخطاب


ميرسي جدال نورتني

طالبة مقهورة ..درجة أولى يقول...

سامح

اه والله مبيرحموش :((((

ميرسي ليك ونورتني

Sharm يقول...

كمل