17.3.10

مذكراتي


امسك قلمي واظل اتأمل في اطراف الورقة مطولاً..
لا اعلم لماذا لا استطيع الكتابة
وكأنني عدت لطفولتي..بلا افكار وكأنني فقدت قدرتي السحرية


لست بكاتبة..ولا فيلسوفة..
لكن وقوفي المطول وتأملي للسطور التي كتبتها مراراً وتكراراً
محاولة التركيز على ما اريد كتابته..

يصيبني بحالة من الهيستريا المصحوبة بالجنون المؤقت
تشعرني بعجزي..وفكرة عجزي بأي شكل تصيبني بــ"كاللو ف دماغي"


لا اعلم كيف اصبحت الكتابة بتلك الصعوبة..كانت بدايتي في الشعر
من سنتين تقريباً.. ربما اكتسبتها من نفسي لحاجتي الماسة لها
او ورثتها عن جدي من ناحية والدتي فكانت الكتابة في جيناتي..


وربما ذات يوم عندما اصير مثله في الستين سأكتب
كتباً فلسفية ودينية مثله تماماً وأنشرها..
او اكتب ادباً ساخراً او ربما اكتب سيرتي الذاتية
عندما تتراكم افكاري وأصل للحكمة



لا يهمني كيف استطعت الكتابة ولكن الان اصبحت الكتابة جزءاً مني ..
ربما اصبحت ملاذي الوحيد
لأنها لن ترحل وتتركني إلا اذا رحلت انا نفسي..

و لايزال خوفي على من هم حولي من نفسي يقلقني
واحيانا اخشى عليهم مني..وابعدهم بكل قسوة
فأحميهم بذلك من مرارة فقدي..او كرههم لي ..
واحمي نفسي من غدرهم..ورحيلهم عني


لكم اشعر بالاشتياق الشديد لسريري الدافيء..
يذكرني ذلك كم احتاج للثبات العميق منذ بداية الاسبوع
ويذكرني كم استمتع بكثرة الواجبات والاحساس بالمسئولية..
سانتظر لنهاية الاسبوع وعندها سأنام 30 ساعة متواصلة
لن يوقظني احد حينها


كل ما يحدث في هذا الاسبوع مرتبط بالدراسة..فأجدهم يثرثرون طوال الوقت
ومن وقت لآخر يسألوني باهتمام شديد..ها ذاكرتي ايه..ربنا معاكي
ايه رأيك ف الامتحان..شكلك مذاكرة كويس النهارده..
وفي جميع الحالات انظر بنظرة لا مبالية وارد..الحمد لله


في الواقع انا لا اكره الدراسة او الاستذكار
ولكن اكره كون حياتي تدور حول تلك المسماه المذاكرة فقط..

فاشعر وكأنني مقيدة اسيرة بينهم ..لا استطيع التحرر


تذكرت الآن كم اشتاق بالفعل للمس مضرب التنس..
وكم افتقد احساس لمسه للكره
وتخيلي للمضرب يمزقها..لطالما تساءلت..
ما لون تلك الكرة الخضراء من الداخل؟؟


ولم احاول تدمير كراتي من قبل..اكتفيت باضاعتها وسط الاشجار
في الظلام النادي لايزال يحتاج لكشافات امام ملعب التنس
ولم اجدها ثانيةً ..ولكن بمجرد ان اشتري كرات جديدة
سافتحها وانظر اليها م الداخل


هل يمكن ان اصبح يوماً مثل Dr House
كلانا يهرب من مشاكله بالعمل والادعاء بأنه لا مشكلة..
كلانا..عاقلين لدرجة الجنون نبعد من نحب بقدرتنا
حتى.......يكرهونا


رسالة لأي حد وكل حد:
لو قربت اوي..هتتحرق اوي..وانا هتدمر لو جرالك حاجة
انا مش ملاك..وبرضه مش شيطانة
انا بشر..يعني تركيبة معقدة..

هناك 20 تعليقًا:

لولا وزهراء يقول...

ما شاء الله عليكِ يا دودو ربنا يعزك يارب ويخليكِ ويجميكِ ..انا بفكر زيك وسرحت لداخل كرة التنس ياترى شكلها ولونها ايه من الداخل .... ياترى احنا لونا ايه من الداخل زي ما احنا بادي علينا الطيبة والحنان ؟ ولا ............

تفتكري لو لاقيتي كرة تنس مزقتيها بالمضرب وقضت معاكِ شهور وشهور وعشرة عمر يعني ان لاقتيها في مرة مرمية ع الارض هتعرفيها؟ وهتحبيها ؟ وهتبوسيها ؟ ولا هتقسميها وتشوفيها ولا هتركليها وتقولي معرفاش؟ معلهش هي اسئلة غبية شوية ..يمكن فكرت امسح تعليقي بس ارجع واقول ده نتاج قرأتي للبوست خلاني اسرح لما هو بعيد وعميق

لـــولا

بــــ الخطاب ــن يقول...

كرة التنس من جوا جلد مقوى أسود وساعات أبيض كتيير كانت بتبوظ منى واحنا بنلعب وكنت بفتحها وأشوفها .

جميل أوى الجزء الأخير ده ..
لو قربت أوى هتتحرق ................

عاجبنى انك عارفه توصفى نفسك بحياديه

لولا وزهراء يقول...

كلامك نقلني لبعيييييد قوي لحد صديق ليا عمور الامور لاعب تنس ...كلامك خلاني اذوب في كرات التنس واتمنى لو في يوم اللعب معاها واحبها لان رضوى القمر بتحبها فأنا لازم كمان احبها زيك .... ان شاء الله يا رضوى يا اجمل رضوى هتألفي كتب زي جدك في الفلسفة والدين ومش شرط لما تبلغي الستين يارب اشوفك اديبة وكاتبة اد الدنيااااااااااااااا

وسيبك من تخاريف البت لولو دي ههههه
بهزر لحسن تسمعني
:d... وكويس يابنت يالولو ان مدونتنا بالحب اتجمعنا احتلت اول تعلييييييييييييق برافو لولو ...وتسلم الايادي يا رضوى

زهـــراء

ليله شتاء يقول...

السلام عليكم
امسك قلمي واظل اتأمل في اطراف الورقة مطولاً...... تعبير حلو أوى
وسردك للكلمات وفكرتها رائعه
ومتزعليش بكره تخلصى امتحانات ومذاكره وتحنى للايام دى ههههههههه
ربنا يوفقك

ريحانة الاسلام يقول...

مش عارفة اقولك ايه
بس بجد موضوع تححححححفة
ماشاءالله
....
عايزة اقولك كلمتين
سيبينى اتحرق لما اقرب
عشان احس بنار الحب
.....
واللى بيحبك هيعمل
اى حاجةعشانك..
بحبك موووووووووت فىالله

MeGltNa 3mr Wa2el يقول...

ما اروع ان تمسكي قلمك و تبتدي ان تسردي ما تشعريني بيه ترتيبا و تتشابك الافكار مع بعضها اللبعض و يتولد لديكي احساس عالي لا يستطيع ان يتغير ولا يتبدل بل احساسنا قد يجعلنا نكتب كل ما نريدة و نشعر بعد الكتابة بالراحح ة المصحوبة بارتياح شديد و تنهيدة لخروج ما بداخلنا كخروج الزفير

الى الامام روكا و ان شاء الله تجيبي تقدير ركزي يا بت

دعاء العطار يقول...

عارفه يارضوى انا كنت بحب بيتنا القديم اوووووى وفجاه نقلنا منه وسيبناه

قلت مش هحب حاجه تانى اووى كده

جات واحده صحبتى اووووى كنا دايما مع بعض اتجوزت بعيد

قلت انا مش عايزه اعلق نفسى بحد تانى

) احبب من شئت فانك مفارقه

عشان مادام كده كده هنفارق الحاجات اللى بنحبها يبقى نحاول مانحبهاش اوووى

توصلت لده فى الاخر وبحاول اطبقه بس مش دايما بنجح

بوست رااااائع

تحياتى

I'm The CraZy One يقول...

wa7shani ay ya banouta

2h a5barek w a5bar 2l mozakra w 2l 7ayah

ma3lesh makontesh metab3a awii 3ahsan 2l mozakra w 2l exams 2nti 3arfa

aywa 3andek 7a2 7aga we7sha awii 2n 7ayatek mate3meliish fiiha ay 7aga 3'er 2l mozakra ana te3ebt ana 3ayza a5roog te3rafi ana ba3d 2l exams dii men yom 2l sabt le3'ayet now banam ketiir giidan dana gebt arkam keyaseya :D
rabena ma3ana bdg

te3rafii ana tool 3omrii nefsi al3ab tenes :D
5alas keda damant 2l modareb :D :D

i hope u r well w 2l mozakra tekon tamam mwaaaaaah

star in the sky يقول...

كانك بتتكلمى عنى اوووووووووووووى

بالنسبة للكتابة مش عارفة لو هى كانت موهبة فعلا وهواية ولا الظروف هى اللى خلقتها هواية عندى لاحتياجى الشديد لها فى الوقت اللى ظهرت فيه الله اعلم

وبرده فكرة اننا نبعد ناس بتحبنا عنا عشان خايفين عليهم بيتهيالى ده ظلم منى لانى بحرمهم من متعة انهم يبقوا مع حد بيحبوه وانهم يساعدوا الناس اللى بيحبوها عشان تبقى احسن

طالبة مقهورة ..درجة أولى يقول...

لولا

اتصوري فكرة جديدة..بتاعت لو وقعت ما بين كور كتير هعرفها..بس بتتعرف يا لولا بيبان حتى لو ف وسط الف كورة شبهها..

تؤ متمسحيش اي كومينت مهما كان..مع ان الكومينت ده عجبني جدا ولو كنتي مسحتيه كنت هزعل

بحب افكر معاكي بصوت عالي

طالبة مقهورة ..درجة أولى يقول...

بن الخطاب


يمكن كور الراكيت كده..كنت بغتحهم زمان لكن كورة التنس بحسها مختلفة اوي..معرفش مجربتش افتحها وياترى هسكون ملمسها ازاي طري او لين ولا خفيف؟؟؟!

اشكرك جدا جدا

طالبة مقهورة ..درجة أولى يقول...

زهراء


التنس جميل اوي فعلا عمري ما تخيلت اني هتمسك بيه كده بحس اني بلعبه وانا واقفة على قمة العالم بكون البرينسيس ف الملعب ومعايا سلاحى اللي محدش يقدر يئذيني طول م انا ماسكاه..

شكرا جدا يا حبيبتي يارب يسعدك انتي ولولا ويهنيكوا دايما

طالبة مقهورة ..درجة أولى يقول...

ليلة شتاء

اشكرك جدا :)
عارفة انها هتوحشني طبعا

نورتي

طالبة مقهورة ..درجة أولى يقول...

ريحانة الاسلام

احبك الذي احببتني فيه :)
بس انا مش عاوزاكي تتحرقي ..مش هيكون بسببي ع الاقل

مش هعرف اصلي اجرحك واط عليكي ف نفس الوقت

طالبة مقهورة ..درجة أولى يقول...

عمرو وائل

ما اروعه فعلا من احساس..وخصوصا التنهيدة اللي ف الاخر..بتريحني اوي

شكرا يا ابيهي..اسفة ع التقصير

طالبة مقهورة ..درجة أولى يقول...

دعاء

انا نفس الشيء..بس انا نجحت في اني اتعامل بحرص

بحط حدود كتير عشان متعبش حد ولا انا اتعب اوي.. بس اوقات بحس اني غلط اوي
واني انانية جدا
لأني بخاف على نفسي ويمكن للسبب ده مش عاوزة اتعلق بحاجة ولا بحد

تحياتي ليكي كمان

طالبة مقهورة ..درجة أولى يقول...

هندوووووو

ازيك انتي كمان واحشاني جدا

انا مطحونة زييك بالظبط..انتي ادرى بالظروف بقى

انا بعد ما قضيت 5 ايام بنام كتير جدا جالي حالة ارق جبااااارة بقالي يومين ^_^ اخدت على المعاناة

بالمناسبة التنس رائع جدا هيعجبك بجد :) بيطلع طاقات كتير
وانا جاهزة اول ما نخلص امتحانات السنة ديه ادربك ^_^ بس كل تدريب بشوكولاته مورو مليش دحوة

يارب انتي الل تكوني بخير

طالبة مقهورة ..درجة أولى يقول...

سمية

كلنا لها وكله بيعدي..اتمنى اني اكون فعلا قدرت اعبر كويس

نورتيني

شريهان يقول...

مدونتك بننوتى ورقيقة اوى

طالبة مقهورة ..درجة أولى يقول...

شريهان

اسفة مشوفتش الكومينت :)

ميرسي جدا جدا