1.3.10

رقصة السالســـا..

اليوم..سترتدي الأحمر..وسترقص السالسا..
لا يهم كم تكره الأحمر
أو أنها لا تعرف كيفية رقص السالسا
لكنها ..ستتحرك ..ستقفز وتتمايل بخفة
ستثور وتحطم المسرح
سيهتاج الجمهور..ويصفقون كما لم يفعلوا من قبل..
أما هي فستقف على قمة العالم
وستجعلهم يرون نظرة الرضا
وابتسامتها الساحرة..
وبهذا

سوف تشتت انتباهم عن بقايا المسرح المحطمة


* * * *


سأعد لك النسكافيه بوصفتي السحرية..مع رشة من القرفة

..لم اتعلم بعد كيف اصنعه لأجلك فقط

ادرك من نظرتك الأولى أنك تكره القرفة...

لكنك ستبتسم وتحمله ثم تتذوقه باستمتاع غريب

ولن تبالي سوى بأنني من صنعها وستحبها..كثيراً


* * * * * *


كتبت كتير النهارده..كلام ملوش معنى..
مش هينفع اكتبه هنا لسه عندي عقده عدم ثقة
من اخر صدمة خدتها ومش قادرة اتخطاها..مش عارفة احكي بجد

أو ممكن اكون خايفة اتعلق بحد تاني عشان ميتكررش اللي حصلي

مش قادرة اعبر..وبيتهيألي محدش راح يفهم
لسه حذرة وبسيب مسافات كبيرة بيني وبين الناس كلها
عندي صداع جبار..وحاولت أنام الضهر
برغم اني مش نايمة غير 4 ساعات بالليل بس معرفتش
عملت نسكافيه ..مش عاوزة اشربه
جبت اكل من بره..ومليش نفس آكل

لسه كل ما حد يشوفني يقولي كُلي وانتي بتذاكري عشان متقعيش

باخدهم ع قد عقلهم واقولهم حاضر ..يمكن اكون بهمل في صحتي

بس ده لأن فيه حجات تانية اهم

ورايا مجلة واذاعة ومسئوليات ومسابقة مهمة في آخر مارس

متوترة وعشان كده بكتب اي كلام
هوا تقريبا انا خايفة..بس بستعبط عشان مبينش

تعرفوا نفسي أوي انزل حالاً واروح وسط البلد..برتاح هناك اوي

بحب اتفرج على الناس وانا لوحدي

..وكمان نفسي ادخل مكتبة الشروق كالعادة

واجيب كتب كتيييييييييير

وافضل ساعة ونص زي اخر مرة جوا المكتبة لحد ما حس انهم هيطردوني منها



أنا مش هقفل التعليقات المرة ديه..بس ياريت بلاش كومينتات

من اللي بتجيب الضغط عشان انا اصلا عندي المرارة


نورتوني كلكوا



هناك 21 تعليقًا:

لولا وزهراء يقول...

اول تعليق
احتلاااااااااااااال يار ضوى
هو تعليقات بتجيب الضغط والمراه
انا على العموم باشوف تعليقت تجيب حساسيه بجد لكن الضغط والمراره حاجه تانيه مش تجيبهم التعليقات
كلامك رغم انه يحمل كتير لكن عجبنى حكاية القرفه لانها لها ذكرى معايا حلوه اوى اوى
روقى يا رضوى يا قمر بافكر اشرب قرفه منك ..........

زهراء

عاوز اصحي يقول...

مع الاسف القصتين الصغيرين دول لازم اقول فيه كلام يرفع الضغط لانهم بجد انا حسيت انهم بيقولوا فكره بجد
تفتكري ممكن اقول ايه غير كدا مع الاسف انا مش ناقد بيتهيألي طالما الكلام انا حسيت بيه فخلاص

انتي في ثانويه بس انتي عارفه بجد لو خلصتيها وانتي فرحانه انا كل اما افتكرها بقول كل مصيبه بعديكي حاجه هينه يا ثانويه بالرغم من اللي حصلي في الكليه بس بقول الحمد لله

محدش راح يفهم؟ دا مش مصري


روحي ياستي وسط البلد بس المذاكره اهم حاجه الثانويه امانه في ايديكي يا مني ( متسأليش مين مني )

تحياتي

مي يقول...

عجبتنى القصتين وعجبنى قصة السالسا لانها بتعمل المستحيل اللى ممكن يكون ضد رغبتها عشان تغطى عالوحش
معرفش جايز احساسى غلط بس حسيتها كده التضحية

مش هجيبلك الضغط بعد الشر عليكى ياقمر
بصى دى يمكن حالة اكتئاب مؤقتة بسبب اللخبطة اللى عندك وتوترك عشان الالتزامات وكده
خلى ذهنك صافى وانزلى وروحى المكتبة هتلاقى نفسك ريفرش
وحشانىىىىىىىى

بــــ الخطاب ــن يقول...

حلو قوى حكاية رقصة السالسا دى
بس مش حلو المود بتاع الجزء التانى مش عاجبنى بيفكرنى بحاجات مره مش عايز افتكرها بهرب لمدوناتكم منها .
ربنا يسترها معاكى فى كل حاجه مستنياها وخايفه وقلقانه منها .

I'm The CraZy One يقول...

roody 7abibtii

2l post dah lessa bayen 3andi now :S

te3afii ana kont ba5ood calsse salsa bas w wa2aft ba2ali fatra :D

w 7owar 2l nescaffe bel2erfa dah magarabtoosh bas menkom nastafiid

w belnesba lel nom w 2l akl fa ta2riiban dah marad geh lekol 2l nas betoo3 sanawii 3ashan ana 3andi nafes 2l 7owar bas besabab 2l tawator w 3amala a5ers w hdomi 3amal tewsa3 yabentii bgd rabena ma3ana w netla3 menha besalam
ana ba2et 7assa 2ni haygili ta5alof 3aklii men 2l mozakra

3arfa 7owar 2l seka w 2nek msh 3arfa tektebi 2li 2nti 3ayzah bekamel 2l 7oreya dah beydaye2 awii ana kaman bye7sali keda bas msh f 2l blog bas la2 kaman w ana bakteb 3adi ba7es 2n f 7agat ketiir ba5af a2arab menha w aktebha w 7agat tanya ketiir ba5af aktebha latetla3 f dema3.ii aktar :D

w bgd ana 5alas hamoot men kotr 2l kalam 2li beydamaer 2l da3't 2li basma3o w ba2rah

tawelt 3aleki ma3lesh ..bas msh 3arfa liih 3andi 2day 2ste3dad lelra3'ii gamed awii

MeGltNa يقول...

نوعمن القلق جالي لما قريت كلامك الى مكتوب بالابيض حسيتك مجروحة و ممسكورة يا بت يا روكا و مش متعود منك على كدة دة انا متعود منك على الضحك و الفرفشة و مش مهتمية بصحتك لية عشان اية الاهم لو فكرتي لخكمس ثواني بس عشان ثانيوة عامة يا عالم هتلاقي ن الصحة لو كويسة هتعرفي تذاكري و تركزي و تتبي عشان المسابقة ركزي و اهتمي بصحتك و ربنا يوفقك يابت ان شاء الله

لولا وزهراء يقول...

سأعد لك النسكافيه بوصفتي السحرية..مع رشة من القرفة


..لم اتعلم بعد كيف اصنعه لأجلك فقط

ادرك من نظرتك الأولى أنك تكره القرفة...

لكنك ستبتسم وتحمله ثم تتذوقه باستمتاع غريب

ولن تبالي سوى بأنني من صنعها وستحبها..كثيراً


تحففففففففففة ... يادودو تصفيييييييييييييييق حااااااااااااااد
وده شعر انا مألفاه...

لن تهتم حبيبي بقهوتك كيف لك اعددتها .
اعلم دوماً انني فاشلة في صنعها .
لكنك دائماً تشتاق من صنع يدي ان ترتشفها.
احساس فريد يتملكك عندما تتلمس بشفتيك مذاقها.
ثم تبتسم اليّ بأمتنان لان قلبي المُحب هو من لك صنعها.
وابادلك النظرة مختلطة بخجلة على وجهي قد توردتها.
ويبتسم ثغرانا حين اشاركك فنجانك كما شاركتنا السعادة حياتنا.
حينما دخلت حبيبي لحياتي فبدلتها .
الان اشاركك فنجانك ليكون واحداً مصيرنا.
احببت من اجلك حياتي ومن اجلك القهوة قد احببتها.
لان فقط شفتيك قد لامست سطحها.
فأحببت ان اجرب عندها ماذا سيكون نكهة طعمها.
فوجدت سكراً قد ذاب فأخفى مُرها.
من اجلك احببت القهوة واحببت مُرها لان شفتيك حُلوها.


لـــولا

طالبة مقهورة ..درجة أولى يقول...

زهراء

لا صدقيني فيه تعليقات تجيب امراض الدنيل النفسية وتعقدك بس الحمد لله تخطيتها البوست ده

:)

مش بعرف اعمل قرفة :)

طالبة مقهورة ..درجة أولى يقول...

عاوز اصحى

مادام بتقول رأي يبقى انت ناقد وده شيء يشرفني طبعا انك تنقد اللي بكتبه

تعرف انا بس معنديش اي مشاكل في كوني ف ثانوي وبذاكر لان المذاكرة جزء من حياتي..وبحس بانتمائي ليها فمش بتتعبني

ماشي مش مهم منى منى :) اهم حاجة اروح وسط البلد

طالبة مقهورة ..درجة أولى يقول...

مي

انا كمان عجباني اوي بتاعت السالسا حاساها انا اوي

هيا حالة اكتئاب اكيد طبعا بس هتعدي اكيد الحمد لله

طالبة مقهورة ..درجة أولى يقول...

بن الخطاب

انا كمان عاجبني بتاعت السالسا..والجزء التاني والتالت اكيد لانهم مجرد احساس داخلي

ارجو مكونش ضايقتك

طالبة مقهورة ..درجة أولى يقول...

هند

ازيك يا حبيبتي :) يارب تكوني بخير مع ان واضح انك شايلة اوي م الرد بتاعك ^_^

عمري مال فكرت اتصوري اني اخد كلاسيس ف الرقص ايا كان...مش ميولي ليها
بس انا بحب السالسا اوي واحب اتفرج عليهم بيرقصوها

والنسكافيه اقصد انه بيكون ليه رغوة من فوق ديه بحط عليها رشة قرفة مش بيكون دايب ف النسكافيه نفسه..تحفه اوي :)

تعرفي الغريب يا هند ف الكتابة..انك مهما حاولتي تتكلمي بحرية مش بتقدري

وفعلا التوقيت ده مدمر اوي اكيد مش بالنسبالك لوحدك :S
ربنا يسترها معانا

طالبة مقهورة ..درجة أولى يقول...

هند

ازيك يا حبيبتي :) يارب تكوني بخير مع ان واضح انك شايلة اوي م الرد بتاعك ^_^

عمري مال فكرت اتصوري اني اخد كلاسيس ف الرقص ايا كان...مش ميولي ليها
بس انا بحب السالسا اوي واحب اتفرج عليهم بيرقصوها

والنسكافيه اقصد انه بيكون ليه رغوة من فوق ديه بحط عليها رشة قرفة مش بيكون دايب ف النسكافيه نفسه..تحفه اوي :)

تعرفي الغريب يا هند ف الكتابة..انك مهما حاولتي تتكلمي بحرية مش بتقدري

وفعلا التوقيت ده مدمر اوي اكيد مش بالنسبالك لوحدك :S
ربنا يسترها معانا

طالبة مقهورة ..درجة أولى يقول...

هند

ازيك يا حبيبتي :) يارب تكوني بخير مع ان واضح انك شايلة اوي م الرد بتاعك ^_^

عمري مال فكرت اتصوري اني اخد كلاسيس ف الرقص ايا كان...مش ميولي ليها
بس انا بحب السالسا اوي واحب اتفرج عليهم بيرقصوها

والنسكافيه اقصد انه بيكون ليه رغوة من فوق ديه بحط عليها رشة قرفة مش بيكون دايب ف النسكافيه نفسه..تحفه اوي :)

تعرفي الغريب يا هند ف الكتابة..انك مهما حاولتي تتكلمي بحرية مش بتقدري

وفعلا التوقيت ده مدمر اوي اكيد مش بالنسبالك لوحدك :S
ربنا يسترها معانا

ليله شتاء يقول...

رقصه السالسا روعه
سأعد لك النسكافيه أروووع
متخليش اى حاجه تأثر فيكى لو يوما ملكنا الاقدر ما ابكينا القلب لحظه
دمتى بخير وسعاده

طالبة مقهورة ..درجة أولى يقول...

عمرو وائل

:) حاضر ههتم بنفسي اكتر

طالبة مقهورة ..درجة أولى يقول...

لولا

تؤ انا اللي اصفقلك تصفيق حاد وارفعلك القبعة كمان :)

رائعة اوي يا لولا والله
بجد ممتازة يا حبيبتي :)

طالبة مقهورة ..درجة أولى يقول...

ليلة شتاء

ميرسي جداي يا قمر
بس لو مخلتش حاجة تأثر فيا ابقى تمثال او جماد وف الواقع انا بشر مش اكتر :)

لولا وزهراء يقول...

مقهورة ..درجة أولى يقول...
لولا

تؤ انا اللي اصفقلك تصفيق حاد وارفعلك القبعة كمان :)

رائعة اوي يا لولا والله
بجد ممتازة يا حبيبتي :)

3/06/2010 1:36 ص


ربنا يعزك يادودو ويبارك في عمرك يااارب

طالبة مقهورة ..درجة أولى يقول...

ربنا يخليكي والله بجد انتي موهوبة والكوين بتاعت الرومانسية بصوت وبكتابتك ورقتك وكل ما فيكي

ريحانة الاسلام يقول...

مش عارفة اقول ايه
لانك قلتى كل الكلام اللى المفروض يتقال