فين الوطن؟؟

..نحزن

..نخاف

نفرح..ونعشق..

نتجرح..

نرجع نقول إيه السبب!!

ومفيش سبب

نجري ونشقى..

بنتدبح

ونموت بجد ونتكسح

ايه السبب!!

هوا كده من غير سبب

ندفن رؤسنا في التراب

نرسم على الرملة وطن

ونروح نخبط ع الببان

نسمع غنا أهل الشجن

وموسيقى عود وياها ناي..

بيقول تعبنا من الزمن

نرجع ونسأل نفسنا

إيه السبب؟؟

ومفيش سبب

ونروح ندور ع الوطن

ونقول خلاااااص

ضاع الوطن

ايه السبب!!

مين السبب!!

نفضل ونسأل أسئلة
مفيهاش أمل

بس الأهم في كل ده..

فين الوطن؟؟

__

الصورة مأخوذة من جروب
In Focus