1.2.10

الحياة من وجهة نظري الهندسية..+ تعديل




عفواً...لا وجود للنهايات أو البدايات هي فقط خطوط وهمية!!!
البداية والنهاية هي في القطع المستقيمة فقط التي يمكن تحديد طولها


الحياة بأكملها مجرد دوائر مترابطة لا يمكن تحديد أيهم تتداخل مع الاخرى

ولكن بطريقة ما يمكن برمجة الدوائر كما نريد..




الأشكال الهندسية تمتاز بالعبقرية

لكل انسان شكل هندسي يشابهه في الصفات



المربع

90 درجة اضلاع متساوية يرمز لـ..روتين ..صدق ..

حس فكاهة..غموض ..بساطة

The perfect shape



شبه المنحرف

التمرد..الكبرياء والغرور احياناً..صعب المنال

حس فكاهة عالي..حركة مستمرة..حرية..واندفاع



المستطيل

شجاعة وأصالة .. هدوء مع سيطرة بالنفس..قوة شخصية

احياناً يميل ليكون متوازي اضلاع ولكن يعود مرة اخرى

بمعنى آخر شخصية اصيلة



والمثلث
انسان حاد الزوايا حاد الكلمات لاذع التعبيرات

يظن ان اجمل شيء رأسه ولكنه

يكتشف في النهاية ما هي إلا رأس مثلث

اصغر شئ يمتلكه واصغر

نقطة تنتهي عند قمته...



المخروط


يعتقد بأنه من الأشكال الأصيلة

و ما يلبث أن يكتشف انه لا يمت للمثلث

في شئ ولا للدائرة في شئ ما هو إلا خليط بين أشياء تكون في النهاية

عبارة عن غطاء رأس لأراجوز..

يضحك البشر عليه اكثر مما تضحكهم حكاياته



المكعب

لم يحصل كونه مستطيل ولم يحصل

روتينية المربع واستقامة اضلاعة

يمتلك بعضاً من حس الفكاهة والتحرر من الرسميات

شخصية مختلفة مستقلة بشكل غير اعتيادي

أحياناً قد يكون نقياً بدرجة كبيرة

وقد يكون مكعب ليس به اي تحرر من الروتين
ولا يكون ...سوى مربعات صماء



المعين


انزلقت ضلعي من اضلعه عن الروتين القاسي ومالت زواياه

كانها بناء قارب على الانهيار

دائماً يؤخذ عنه انطباع خاطيء في البدايه حتى نكتشف انه متعامد القطرين..

فهو من الاشكال المتميزة والمتفردة



اسطواني

يذكرني بثور جاهين الذي يظن ان نهاية الطريق الطويل

قد قارب على الانتهاء

ولم يعلم انه يلف داخل دائرة ليس لها نهاية ..




ببساطة
مظنش فيه شخصية مش موجودة في الاشكال الهندسية


ملحوووووظة هااااااامة:البوست بالاشتراك مع لولا ..اشكرك جدا يا قمري :)



_ _ _ _ _ _ _ _ _ _ _


أنا اسفة اني مش متابعة مع حد ومش برد

والله انا مش مطنشة بس مش قادرة ارد

والغريب اني مش عارفة اكتب او بالأحرى اكمل موضوعات بدأت في كتابتها
هتفتكروني بمر بحالة نفسية
بس انا طبيعية جداً بغض النظر عن الصداع المستمر والأرق المذهل

بالاضافة الى الاحلام المزعجة والمقلقة..واللي بتكرر نفسها بقالها كتير

..ياريت كان معايا ريموت احول القناة.. نفسي في حلم كارتون!!

_ _ _ _ _ _ _


كان نفسي اجي اللقاء اللي فات

بس صادف مع اني اروح معرض الكتاب فروحت المعرض ومجتش اللقاء
فاتني نص عمري عارفة ومحدش يغيظني انا اصلا متغاظة لوحدي :(

كده يا هندووووو تروحي من غيري اهيء


كان نفسي اشوف ناس كتير راحوا

اتصرفوا واعملولكوا لقاء تاني ف خلال شهر احسن هرتكب في بلوجر جريمة شنعاء

عااااااااا




واخيراً مش هقولكوا ان مصر كسبت (ده ع اساس انكوا متعرفوش )
وانا نزلت صورت بنفسي الاحتفالات من قلب الحدث ورسمت بالميك اب للبنات علم مصر

وكنت ناوية انزل توبيك بالصور بس مش قادرة حالياً نوهاائياً


مساءكوا شوكولاااا وصباحكوا ملبس بالقهوة..

هناك 25 تعليقًا:

وجدتها! اضحك بقى يقول...

ايه ده يا بت يارودي
رسمتي بالميك اب؟
فشلتي ماكنتش اتوقع انك تعمليها ف يوم
بس هسامحك عشان مصر
مبروووك لينا كلنا

لولا وزهراء يقول...

رضوى
-*-*-
ماااااااااااااااالك
اكيد فيكى حاجه وحاجه كبيره كمان
زعلانه من ايه طيب
مين زعلك قولى بس وارفع قضيه عليه تخليه يلف فى محاكم مصر كلها ولو عاوزه نشحططه بره مصر اطمنى نقدر نعمل لك فيه اى حاجه
روقى كده حاسه انك مش تمام باين اوى من كلامك ربنا يوفقك ويفرح قلبك
حلو اوى حكاية رسم العلم بالميك اب
زوجة اخويا عملت كده قولت لها يا بنتى كنتى رسمتى العلم حتى بجنيه قالت خلى العيال تفرح ببلدهم
يارب اطمن عليكى يا رضوى
البوست افكاره فلسفيه عميييييييييقه جدا جدا

زهراء

لولا وزهراء يقول...

والمثلث
انسان حاد الزوايا حاد الكلمات لاذع التعبيرات ...يظن ان اجمل شئ رأسه لكنه يكتشف في النهاية ما هي الارأس مثلث اصغر شئ يمتلكه واصغر نقطة تنتهي عند قمته

المخروط
ما يلبث ان يكتشف انه لا يمط للمثلث في شئ ولا للدائرة في شئ ما هو الا خليط بين اشياء تكون في النهاية عبارة عن غطاء رأس لاراجوز يضحك البشر عليه اكثر مما تضحكهم حكاياته .

المكعب
لم يحصل كونه مستطيل يمتلك بعضاً من حس الفكاهة والتحرر من الرسميات ولم يحصل روتينية المربع واستقامة اضلاعة وقد يكون مكعب ليس به اي تحرر من الروتين
ولا يكون الا مربعات صماء قائمة الزوايا متشابكة الاضلع تتماسك في لا نهائية من الروتين والبيروقراطية

سلسلة
تتشابك حلقاتها وتستحكم بقوة مخارجها وتعود تمشي في دورانها كالمتاهة التي ليس بها طريق لا للدخول اليها ولا للخروج منها

معين

انزلقت ضلعي من اضلعه عن الروتين القاسي ومالت زواياه كانها بناء قارب على الانهيار .


اسطواني

يذكرني بطور جاهين الذي يظن ان نهاية الطريق الطويل قد قارب على الانتهاء ولم يعلم انه يلف داخل دائرة ليس ها نهاية ..

موضوع مميز من قلب اجمل ..الف سلامة على القمر من الصداع والارق والكوابيس
انا كمان عايزة اشوف فيلم كارتون :d

وكويس انك مروحتيش لقاء المدونين عشان نتغاظ انا وانتي براحتنا ههههههههه
كنت هزعل ان مكنتش شوفتك انا كمان كان عندي كورس
وان شاء الله اللقاء الجاي تقولوا عليه بدري عشان زهرة من اسكندرية نتدارس الاحوال وتقدر بأذن الله ترتيب اوراقها وتيجي اللقاء .
اسفة على الاطالة بس موضوعك نزعني من صمتي انتزاعاً من جماله وفكرته العبقرية (: انا كمان كنت عايزة انقله للسايت القاهرة اليوم مع تدوين انه من تأليفك بس قولت حتى ان هعمل كدة لازم استأذنك الاول .

لـــولا

Just Smile يقول...

لولو

اول تعليق مين قدك :)
اها رسمت لنور بالميكب هبقى اوريكي الصور اما نتقابل ...

Just Smile يقول...

زهراء

ههههههههههه ايوه يا عم الافوكاتو ارفعي قضية ونشحططه اللي انا مش عارفة هوا مين اصلا في المحاكم هههههههههههههه

الحمد لله يا قمر انا بخير وعكة خفيفة مش اكتر...ربنا يسعدك يارب

اها بصي هوا كان حل سريع الميك اب..كان يوم مليان فرحة والعلم اللي كان بيدي ايحاء للاطفال ان انا مصري واهو حتى العلم اثبات ودليل حي ^_^

مش فلسفية ولا حاجة هيا مجرد افكار مشخبطة حتى منسقتهاش ملقتش وقت..

ربنا يكرمك يا حبيبتي يارب بجد متشكرة اوي اوي

Just Smile يقول...

لولا..

بجد انتي رائعة كده الموضوع اكتمل انا مكنش في دماغي اي حاجة وكتبته ع طول

طبعا اتفضليه ومن غير ما تقولي كمان وانا هضيف حجاتك عشان يبقى البوست مكتمل دلوقتي

هههههههههه ايوه نتغاظ مع نفسينا..ان شاء الله اللقاء الجاي نعرف قبلها ونروح سوا..

والحمد لله ان البوست عجبك
وبعد اذنك انا هضيف اللي انتي كتبتيه على الموضوع

اقصوصه يقول...

مبروك لمصر

وان شا الله حاله وبتعدي

وبعدا بترجعين لطبيعتك

وبانتظار الصور :)

3mr wa2el يقول...

يااااا نهااااار الوان حلوة ف بعضها عاملة زي قوس قظح ال ممكن نول عامل زاوية كام درجة ؟؟؟؟؟ (( اكمل مكان النقط ))

اية حسة الرياضة الى انتى عاملها دي يا بت ي ناقصة تعليم منك للى كلت دراع جوزها زي ما بيقولوا

الحالة الى انتى فيها حالة هبل مؤقتة و ما تخفيش فية امل ورجاء وو ممكن نجيب ابتسام بس لوكانت فاضية

اية يا بت كدة

فية اية

الهبل خلاص مسكك الله يخربيت الكاوتشينوا الى بتشربية و الشكلكليتة شكل سكرها عالي

جنتيني منكوا لله

ههههههههههههههههههههههههههههههههه

بس حلو الكلام يا بت

قطة عليكي

I'm The CraZy One يقول...

3ala fekra 2l post da gamed gamed a5er 7aga bgd fanana ya roodi walahi bamoot fiki

sotfa 3'ariiba 2nii akon bamor benafs 2l 7ala benafs 2l soda3 w 2l a7lam :D

w 3ala 7owar 2l leka2 la2 isa tiigi 2l leka2 2lgay matza3aliish nafsek ya koukii law kont a3raf 2nek hateday2ii ana kont a3at f betna howa ana a2dar bardoo :D

w wade7 2n 3elmi reyada 3amel 3amayloo ma3akii :D

rabena ma3aki w ma3aya ya amar
w 2h a5bar nos 2l sana f agaza 3andek wala ..??ana 3amatan ma3andiish :S

لولا وزهراء يقول...

Just Smile

يااااااااااااااا قمرااااااااااية تسلم ايدك ايه المفجأة الجميييييييلة دي ربنا يخليكِ ياااااارب كلك ذووووووووق يادودو (:(:(:

Sharm يقول...

حياتي مكعبة

Just Smile يقول...

أقصوصة.

الله يبارك فيكي يا قمر :)..
ميرسي جدا ع زوقك ومنوراني

Just Smile يقول...

أبيه عمرو وائل

مااااااااالك هههههههههههه قوس قظح..وحسة رياضة

ده انت العربي عندك بايظ خالص بس للأسف انا تخصصي رياضة مش عربي شوفلك مدرس غيري ^_^

وبعدين مش هبل ولا حاجة ده انا بس مبنمش زي ما قولت فسلوكي الدماغية ملمسة بعيد عنك

قطات عليك..بس من غير بت ديه :)

نورتني يا ابيهي

Just Smile يقول...

I am the crazy one

والله انا اللي بموت فيكي انتي وروني :)

اها صدفة غريبة ..ربنا يعدي الفترة ديه على خير

بالنسبة للاجازة انا اخدت في الفرانسيه اجازة حصة اخيراااااا حد عطف عليا ^_^

سلاماتي

Just Smile يقول...

لولا


:) تؤ فعلا الموضوع كان محتاج جزئيتك ديه عشان يكمل وبجد انا فخورة اني شاركتك في توبيك وان شاء الله متكونش اخر مرة

Just Smile يقول...

Sharm

اها فيها تعقيد شويه اظن المكعبة زي ما قولت

ربنا يوفقك ويسعدك يارب

dodoo يقول...

والله طول عمرى ادرس الاشكال الهندسيه وعمررررى مادرستها كده

شكل الناس دى بتخمنا بقى ولا ايييييه ؟

ههههههههههههههههههه

بجد بوست اكتر من رائع تسلم ايدك

والفففففف سلامه عليكى ياقمرايه

عاوز اصحي يقول...

انا اول مره اشوف تفصيل بشخصيات الناس علي اشكال هندسه انا مش عارف احدد لنفسي شكل منهم هحاول اقرا الموضوع تاني بتمعن واشوف الشكل اللي هيناسبني

تحياتي ليكي جداا وشكرا لزيارتك

Ivo Serentha and Friends يقول...

My compliment for your blog and pictures included,I encourage you to photoblog

CLICK PHOTOSPHERA

Even week another photo album

Greetings from Italy,

Marlow

Pink Dreams يقول...

حلو قوى وجهه نظرك الهندسيه فى الحياه

تسلم ايدك يا قمرايه

أبو مصعب يقول...

انا بقى حاسس ان مشاكل الكون كله ملزم ان انا اصلحها وكانى جاى عشان اصلح اخطاء العالم وبحاول انى اصنع انضباط واتزان فى كل مكان بروحه عشان يوصل للمثالية واول مكان بعمل فيه كده "انا" ايه رايك يبقى انا شكلى الهندسى ايه

لولا وزهراء يقول...

Just Smile يقول...
لولا


:) تؤ فعلا الموضوع كان محتاج جزئيتك ديه عشان يكمل وبجد انا فخورة اني شاركتك في توبيك وان شاء الله متكونش اخر مرة

" ربنا يخليكِ يارب تسلمي ..واااااااادي الموضوع ادخلي شوفيه
http://www.alqaheraalyoum.net/forums/showthread.php?t=10371

انا سميته انت اي منهم ادخلي وابقي قوليلي رائيك ياجميل ):):"

لـــولا

Just Smile يقول...

dodoo

اها شوفتي بيخموكوا ^_^
نورتيني يا قمر



عاوز اصحى

هههههههههههه شوفت اديني جايبالك كل الجديد...ولا انا برضه اول مرة اشوف حد بيفسر الشخصيات هندسيا

نورتني

Just Smile يقول...

بينك دريمز

شكرا اوي يا قمر على مرورك:)

أبو مصعب

انا شايفة ان حضرتك يناسبك جداً المربع الشكل الهندسي الكامل أو بالاحرى اللي بيسعى للكمال..حضرتك شخصيتك قريبة جدا من شخصيتي

نورتني جدا

Just Smile يقول...

لولاااااااا


شوفته بجد رائع جدا والصور تحفة فعلا :)

والله تسلم ايدك..واسفة اني شوفت الرد متأخر :)