10.1.10

إلى كل المرابطين امام الكتاااب :)


الى كل المواطنين السهرانين والمزنوقين ف الامتحانات والذين جن جنونهم واللي على وشك


ازيكوا جميعا لقد عدت اليكم بحلة جديدة(جامد حلة ديه مش كده.. جهبوزة ف اللغة العربية يخبر ابيض^_^)

هتقولولي حلة ايه يا بعيدة بس ما تكلمينا عربي..طيب حاضر متزوقوش


أنا جاية في مهمة رسمية عشان ادعيلكوا ربنا يفك ازمتكوا ويفرج كربكوا ويارب تنجح يا تتح قولوا امين


نسبة لحالة الاكتئاب اللي كنت فيها منذ اسبوعين فانا حوشتلكو منابكوا(على رأي تيتة) يسعدني ويشرفني ان اقولكم..بعض النصايح الكئيبة للامتحانات..


النصيحة الاولى: اخويا صاحب الفضل في النصيحة ديه يارب تنجح يا احمد يااااارب(ادعوا ادعوا يمكن الدعا ينفع معاه طول عمره بينجح بالدعوات)


عليكم بالمعقم...ايوه معقم الايدي بتاع لونا الللي بيتباع ف الصيدليات ده ..اصل فيه كحول كتير والكحول بيعمل شغل ايييييييه مقولكوش اللي دماغه توزه وشوشو يلعب في دماغه وتقولو قوم نام يجيب المعقم يشرب منه شفطتين ويشتغل جربوا وقولولي النتيجة (ده لو فضلتوا عايشين يعني )



النصيحة التانية: لو اتزنقتوا في سؤال في الامتحان

الحل سهل وبسيط وبما اني معيدة بالتعليم الاساسي فانا مجرباها احفظوا كلمتين حلوين كده واكتبوهم للمصحح مثال: ايه القمر اللي بيعلملي الورقة ده يخرببيت جمالك مووووزة بس تبقى وقعتك سودة لو وقعت ف ايد جوز الموزة..قصدي المصححة



النصيحة التالتة: متروحوش الامتحان

ايوه اصل العلم ف الراس مش ف الكراس(ألفاظي بقت سوقية اوي مش بقولكوا جهبوزة ^_^ )



النصيحة التالتة: انت ومالك لأخيك

افرضوا ان الامتحان جيه رذل ورخم وواحد جمبك رذل ورخم تقوله غششني يقولك لأ...في الحالة ديه سيبوا الامتحان ايوننننن سيبوه خاااااااالص ركزوا مع اخينا ده واشتغلوه عاوزاه يقوم من جمبكوا على طول على برنامج دموع الندم حسسوه بالذنب انه مغششكوش وتبقوا كسبتوا فيه ثواب كان زمانه تايه في غيابات الروتين ..



النصيحة الرابعة:ركزوووووا

يعني مثلا نصكوا مخدش باله من ان حضرتي كتبت النصيحة التالتة مرتين..اوعوا تفتكروني مثلا يعني مش عارفة اعد بعد 3 ..لاااااااااااااااا كله الا كده ده ان علمي رياضة ^_^ده ان اللي اخترعت الــ رودي ماث

انتوا بس ركزوا



واخيرا: متشيلوش ف نفسيتكوا

..تؤ تؤ تؤ بتاتتتتتتتا البتة اطلاقا (يخبر ابيض عليا وانا بقول البتة ديه )

يولادي الامتحانات ديه مرحلة عابرة البنت مسيرها ايه بعد ما تخلص جامعة ...بيت الامة قصدي بيت جوزها

والولد يقعد يقشر بصل جمب مامته او يغرق ف الانترفيوهات واكيد اكيد مش هيشتغل



اما بعد اخيرا بقى احب انتهز الفرصة واغيظكوا شوية عشان انا مش همتحن ميد ترم (وش بيطلع لسااااااانه)(وش تاني برضووووا بيطلع لسانه)


سلام جامد جدا جدا للافوكاتو القمر لولا وزهراء بالمرة احسن تزعل وتقول عليا بفرق ^_^


وللباقي ربنا معاكوا بجد في التيستااااااات مقدرة ظروفكوا انا ف ايام الامتحانات اصلا مش بسرح شعري(اقصد ده العادي بتاعي يعني) بس بكون اصلا مزبهلة كده زيكوا تماماً وده السبب اللي بيخليني انصحكوا نصيحة اخوية ارجوكم متبوصوش ف المراية..ايوه بجد لو بصيتوا لنفسكوا ف المراية احتمال تتسرعوا


فرفشوا محدش واخد منها حاجة استودعكم الله يا ردالة ويا بنوتات :) ومتفضحوناش ارفعوا رآسينا (جمع رأس يعني)


...

I'm Back again :)

هناك 12 تعليقًا:

heba يقول...

السلام عليكم ورحمة الله وبركاتة

ازيك اولا وموضوعك جميل وحلوة نصايحك وربنا يكرمك وتنجحى يارب

تقبلى مرورى

heba

لولا وزهراء يقول...

القمر رضوى
-*-*-*-*-*-*

والله انتى عسوله وزى القمر تسرحى شعرك او تتركيه على حاله برضه قمر
صحيح انا عاوزه اقولك على حاجه
انا محاميه لكن لولا محاسبه
انتى عارفه ان نصايحك دى ممكن تودى فى .............. تيت بلاش تودى فين نقول تودى مارينا مثلا علشان تبقى قربتى منى هنا فى اسكندريه
يارب الضحكه تفضل معاكى على طوووووووووول
ربنا يفرح قلبك يا رضوى ويسعد ايامك وتشوفى كل الخير والهنا فى حياتك

يااااااااااااارب نجح كل المدونين واللى بيزورهم واللى يعرفوهم ربنا ينجح كل الطلبه يااااااااااارب

زهراء

I'm The CraZy One يقول...

lool :D :D

saba7 2l mas5ara w 2l de7k

2ntii 2li me5ter3a 2l soudii math lool

walahii awel wa7da te3raf teda7kni men 2l soob7 :D

حنين يقول...

السلام عليكم
شكرا على زيارتك الجميله
وانا سعيده بمعرفتك
مدونتك جميله ورقيقه
وان شاء الله نتواصل
تحياتى حنين

شاب فقرى يقول...

:))))))))))))))))))

ربنا يسعد أيامك ويقويكى عالامتحانات

كلامك فكرنى بواحد صحبى زمان كنت بقوله يعنى ابقى فى الكلية المنيلة دى وكمان اسقط

قالى متقلقش

كله بيطلع فى الغسيل :D

المهم تغسل بأومو

والعاقبة عندكم فى المسرات :)

وان شاء الله كل الامتحانات لكل الطلبة اللى تعبوا بسسسسسسسس تعدى على خير :P


تحياتى واحترامى الكامل :)

شاب فقرى

Just Smile يقول...

Heba

بحب جدا الاسم ده بيفكرني بالامل (هوب)

هههههههه ربنا يخليكي يا رب ادعيلي من دلوقتي لحد شهر 6 امتحاناتي بقى :)

نورتي

Just Smile يقول...

لولا وزهراء

هههههههههههههه ربنا يخليكي ويجبر بخاطرك يا اوختي بس بلاش مبالغة وسعت منك ديه..

مش كنت عارفة اصلك مقولتليش ف الكومينت اللي فات مين الافوكاتو اللي فيكوا ^_^ عموما تمام كده

ياااااارب ينجحوا كلهم يا زهراء امين يارب وسلاماتي ل لولا

Just Smile يقول...

هند
****

ايوه طبعااااااا انا اللي مخترعة الرودي ماث ده حتى مشتق من اسمي ^_^ وهيكون في توبيك قريبا عن الماث ده بكرة يدرسوه ف اكسفورد يبنتي :)

يارب يسعدك ويديم ضحكتك يا قمر

Just Smile يقول...

حنين

نورتيني وانا اللي سعيدة اكتر بمعرفتك

Just Smile يقول...

شاب فقري


كلية ايه المنيلة ديه عشان احطها ف دماغي ^_^

ع رأيه بس الأومو غالي ممكن تايد اهو متوافر ف الاسواق اكتر

ع فكرة انا ثانوية عامة مش بمتحن بس ادعي ادعي من دلوقتي لحد شهر 6 كمل دعا :)

ربنا ياااااارب يوفق كل اللي عندهم امتحانات

3mr wa2el يقول...

الامتحانات حاجة عابرة
و ما تروحش الامتحان
و معيدة تعليم اساسي

صبرني ياربي عليكوا كلكواا
ههههههههههههههههههههههههههههه

بس بوست ملوش ادنى حل حلو ادنى دي يالا ان شاء الله ما حد حوش اللغة ههههههههههههه

لولا وزهراء يقول...

وصل السلام ياقمر
انا فعلاً محاسبة واشتغلت فترة في شركة ادوية محاسبة هناك ودلوقتي خاااالي شغل الاهم اني جمب امي حياتي بعد العملية