25.12.09

كل ما بغمض عينيا ...


كل ما بغمض عنيا


الاقيك تجيلي


تمسكني من إيديا


وتاخدني معاك لدنيا تانية


تاخدني دنيا غير الدنيا



******


بتاخدني لعالم فتان


شجر و ورد أشكال وألوان


عصافير بتغني


ويملا اللحن الدنيا سلام


اسمع حواديتك واضحك


واجري واقولك احكي كمان


بنسى الدنيا وبنسى الناس


بحلم بس بدون ألغاز


افرح اجري واقول يسلام



******

فجأة جرسنا يرن اوام


بتاخدني من أحلى مكان


وتوديني لدنيا غريبة


فيها الناس أشكال وألوان



******


بتوصلني وتيجي تسبني اجري عليك


الاقيك تضحكلي


تقولي استنيني هاجي كمان ونروح تاني


لنفس مكاننا بس لكل وقت أوان


وتوصلني لحد الباب انده تاني اخر مرة


باي باي مستنياك الحلم الجاي.....


مع السلامة متتأخرش عليا....


******

هناك 23 تعليقًا:

Romancia يقول...

الله
كلمات رااائعه
اوىىىىىىىىىىى

تسلم ايدك

نعكشة يقول...

:D

مش عارفة ليه تخيلته زي الفيريز في الكارتونات

انا عاوزة لما احلم تجيلي احراتطيباتو يقولولي نفسك في ايةويحققولي احلامي الليجوة الحلم

واحلم حلمكدة شبة الكارتون

هيييه

تسلمي

سلامٌ عليكِ

لولا وزهراء يقول...

القمر رضوى

ايه الكلام الجميل ده كله وكل ده يبقى حلم لكن الحقيقه غير كده خالص مالص

انتى فين من زمان وحشتينا ووحشانى كلامك


زهراء

لولا وزهراء يقول...

رضوىىىىىىىىىىى


ايه الحلم الجميل اوى ده

تسلم الانامل الذهبيه على تعبيراتك الحلوه دى كلها

لــــــــــــــولا

I'm The CraZy One يقول...

welcome back ya 7aboubii 3amla 2h ?? ya rab tekouni ba2eti kowayesa

ana mabsoota awi 2nek rege3tii tektebii tany :D

w nice post tab3an

3mr wa2el يقول...

لكل وقت ادان زي ما بيقولوا
حلة اوي اوي اوي اوي
بجد تحفة يا رضوى
ابدعتي يا باشاااااا
الى ادك يدينا يا سيدي :D

Timo.. يقول...

بخصوص البوست اللي فات يا رضوى انت هنا في عالمك الخاص بتصنعية بكلماتك زي ما انت عاوزة..
واكيد اللي بيهتم بيكي ها ييجي هنا ويقرا الوحش قبل الحلو..

وزي ما بتقولي..وتستمر الحياة

Just Smile يقول...

Romancia

منوراني جدا بردودك..شكرا يا جميل

_______

نعكشة

على طول الاحلام او التخيلات اللي بتخيلها بتكون كارتون واحساسي وانا بكتبه كان كده..يمكن لان الكارتون عالم بريء شوية او عشان ممكن يتحقق فيه اللي مبيتحققش ف العالم الواقعي..

يارب تحلمي حلم شبه الكارتون :) ويارب يحققهولك كمان..أي خدمة

__________

زهراء

ياستي الاحلام مش بفلوس وبعدين بتخرجنا كتير من المود الواقعي وبتخلينا نسرح شوية :)
انا ورايا حجات كتير والله اعذروني وعارفة اني مقصرة ف حقكوا بس غصب عني والله :(

__________
لولا

الله يسلمك يا عسلاية ربنا يخليكي يارب

__________
I'm the crazy one

هندوووو..انا الحمد لله ميرسي ليكي ويارب تكوني بخير انتي كمان

ربنا يسعدك يارب..سلاماتي لرنيم وقوليلها اسفة بس تقريبا مش بقعد..فمش بفتح الميل

Just Smile يقول...

عمرو وائل

ههههههههههه محسسني اني جبت الديب من ديله...ميرسي يا ابيه يا رافع من معنوياتي دايما :)

_________

Timo..

عندك حق بس سبق وقلت برضه من حقي اكتب بس مش من حقي اتعب حد او ازعله والا كنت عملت البلوج برايفت بقى :)

ميرسي ع زوقك

مي يقول...

جميلةةةةةةةةةةةةةةة جدااااااااااا
ايوة كده انتى كنتى اتعديتى من الكأبة من ناس
هههههههههههه الحمد لله منعرفهمش
وحشانى

blue-wave يقول...

والله كلمات اكثر من رائعه
تحياتى

حـــلـــم كــــان يقول...

رضوى

بجد جميل

Timo.. يقول...

كل سنة وانت بكل الخير والسعادة والهنـا :)

Timo.. يقول...

آآآ...بالمناسبة ابقى شيلي البوكس بتاع التأكد من الحروف لانه بيأخر التعليقات بدون فايدة :)

Just Smile يقول...

مي..

هههههههههههه ههههههههههههه تقصدي مين يا بونيتي البلوج متراقب شكلك مش هتخرجي من هنا سليمة..

منوراني

____________

blue-wave

ميرسي جدا لحضرتك :)

____________

حـــلـــم كــــان

ميرسي يا قمر على زوقك

____________

Timo

وانت طيب ربنا يجعلها سنة سعيدة علينا جميعا

حاضر هحاول اشيله ولو مش عرفت ابقى غششني ازاي اشيله بقى^_^

miroooo يقول...

كلماتك رائعه وجميل حلمك اوى يعنى البوست كله على بعضه تحفه فنيه كل عام وانتى بخير والى الامام دائما يارب
مع خالص تحياتى

amirelhob يقول...

يا ريت كل احلامنا كدا نقدر نقولها او تبقى بسيطه كدا بس كبيره فى المعنى يا ريت كل احلامنا نشوفها بالالوان و يا يريت انتى كمان تحلمى حلم يكون اجمل من كدا واسف لو فى كومنت كونت متعصب شويه عليكى غصب عنى يا قمر ودا كان من خوفى عليكى بس ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

د. موني يقول...

بحلم من غير ألغاز



حلوة اوى
تسلم ايديك

تقبلى مرورى

Just Smile يقول...

miroooo

ميرسي يا ميرو على زوقك..منوراني


amirelhob

اجمل الاحلام اللي بتبقى بسيطة حتى لو مستحيلة..فعلا انت ف الكومينت اللي فات كنت متعصب وضايقتني بس خلاص ميهمكش :)
متشكرة جدا



د.موني

ميرسي على المرور والزيارة الجميلة


ربنا يكرمكوا ويوفقكوا كلكوا ويسعدكوا دايما

حرروف يقول...

مدونتك حلوة اوي

نورتيني بلزيارة

كل سنه وانتي طيبة

Just Smile يقول...

حروف

اشكرك على مرورك اللطيف ده نورتيني

Hiyam يقول...

ياااااااااااه .. حـــلوة أووووووي أووووي أوووي

بجد سلمت يداك واحاسيسك ودماغك ..

ربنا يوفقك يارب

˙·٠•●♥ mohamed adder ♥●•٠·˙ يقول...

جميــــــله اووووى تسلمى