20.12.09

أنا اسفة


:)

عارفين ندمت شوية اني نزلت البوست اللي فات.. زعلت ناس ووجعتهم بس مقصدتش فعلاً

وبالنسبالي البوست برضه وحش وبيوجع عشان كده ومع احترامي للتعليقات أنا

مسحته عشان متعبش حد أنا بجد آسفة

وأكيد ان شاء الله البوست الجاي هيبقى

فرفشة

...عشان مش هكتب هنا حاجة زي كده تاني

بحبكوا في الله جميعا ولأول مرة هاطلب كده منكوا..
بس ياريت تدعولي بجد ادعولي حاسة اني خلاص معدتش قادرة

ضغوطات كتير أوي عليا وعاوزة ابقى لوحدي بس كارهة اني اكون لوحدي

هاخد فاصل من الكتابة ف البلوج ده شوية بس مش هبطل كتابة ولا نت

عشان دول ملاذي الوحيد بعد ربنا سبحانه وتعالى..


ادعولي



هناك 15 تعليقًا:

Romancia يقول...

ربنا معاكى ياااارب
ويخفف عنك اى هم

لولا وزهراء يقول...

رضووووووى
ايه الكلام ده بس ليه كل ده
ربنا يفرج همك
ويفرح قلبك
ويسعد كل لحظه فى حياتك
ان شاء الله كل لحظات الالم تتحو الى لحظات فرح وخير
ربنا يحقق لكى كل ما تتمنيه واكتر

زهراء

لولا وزهراء يقول...

هو مين اللى بيقول انه هيبعد عننا
هى دى رضوى بجد
نوووووووووو استحاله مش ممكن
بجد احنا كده نزعل ونعمل عليكى حق عرب كمان وعاوزين شاى وقهوه وحاجه ساقعه وساخنه
رضوى الجميله ثقى فى قدرة ربنا سبحانه وتعالى انه قادر انه يغير كل حاجه فى لمح البصر
ربنا قارد انه يمسح كل حاجه وحشه من حياتك ويفرح قلبك ويسعدك
ان شاء الله تعودى لنا تانى بسرعه
لانك بجد حد جميل اوى اوى
واحنا كلنا بنحبه ومش ممكن نستغنى عنه ابدا ابدا

ربنا يوفقك ويكرمك ويسعد ويهنيكى

لـــــــــــولا

I'm The CraZy One يقول...

:((((((((((((((

rabena ma3akii ya amar bgd za3altiini :S

ana msh 3arfa a2olek 2h bas 7awelii te5roogiimen 2l mood da besor3a 3ashan terga3ii tektebii tany 3ashan bgd haneftakedek 7awelii te3meli 7aga bet7ebiiha 7aga nefsek fiiha te5afef men 2l do3'oot 2li 3alekii w sa3at 2l fadfada betraya7 awii w te5alas 2l mawdoo3

rabena ma3akii ya koukii

3mr wa2el يقول...

ربنا معاكي و يهديكي للصح و يفك كربنا جمعيا
تخيلي انى ف نفس حالتك بس مبحبش اشوف حد ف حالتي و خصوصا لو حد بحسة قريب مني روقي كدة و قولي يارب و الحمد لله

ranim يقول...

كده يا رودي اغيب اغيب ارجع القيكي بتقولي الكلام ده طبعا بدعيلك بس هدعيلك أكتر وأكتر ده أناكنت جاية اقولك حاجه فكرت فيها وحلوة اوي بس خلاص بقي أهم حاجه متغبيش عنا كتير يا روووودي ياريت يعني وعاوزه البوست الجاي مش يكون مفرفش بس أنا عاوزاه يكووووووون كله سعادة علشان أنا عاوزه اطمن عليكي عاوزاكي لما ترجعي تبقي مبسوطة اووووووي عاوزه اشوفك مبسوطه هدعيلك ترجعي مبسوطة يمكن زعلت شوية بس علشان هتبعدي عنا فترة بس طلما هترجعلنا مفرفشة يبقي براحتك يا قمر بس أنا لسه عاوزه اقولك علي حاجه حلوة مش هينفع أقولك هنا اول ما تدخلي علي الايمل رنيلي هدخل اقولك علي الحاجه الحلوة ماشي يا قمر وبجد هحاول اي وقت فاضي اكلمك علشان نرغي سوا بقالي كتير مكلمتكيش حتي علي الايمل بمشي بسرعةمش بلحق اقولك اي حاجه ربنا معاكي في المذاكرة شكلها هي السبب ربنا معاكي ويارب تحققي كل اللي نفسك فيه وتجيبي مجموع كبيرررررر يدخلك الكلية اللي نفسك فيها ويارب مشفكيش تاني زعلانه او مكتئبة وان شاء الله كل حاجه هتبقي تمام يا قمر وعاوزه اشوفك بعد كده دايما مبسوطة ..... رغيت كتير .... المهم ربنا معاكي وانا هدعيلك كووووويس اوي واوعدك هتصل بيكي في اقرب وقت علشان انتي وحشتيني اوي وكفايا رغي كده شدي حيلك

تحياتي مبتسمة دائماااااا

أحمد شريف يقول...

كوني قوية صلبة لا يهزك الريح يا بنت النيل

amirelhob يقول...

بجد برافو عليكى جدا انك بتعرفى تقولى لغيرك متبعدش ومينفعش انك تغيب وانتى اللى تغيبى طيب ازاى انتى تقولى كدا بما انك اديتى نفسك الحق تقولى لا متبعدش انا كمان دلوقتى من حقى اقولك اسف انا كمان مش هسمح ليكى انك تغيبى عننا
كان كلامك ليا يوم ما قررت الرحيل انى هبقى غلطان دلوقتى انا بقولك بجد زعلت منك ودى يمكن اول مره ازعل من حد من المدونين بس بجد زعلت منك اوى لانك بعد ما رجعتينى هتغيبى انتى بجد يا خساره

ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

شاب فقرى يقول...

أولا مش تتأسفى

البلوج هوا جمهوريتك الخاصة ومن حقك تكتبى فيها كل اللى انتى عايزاه

كمان لازم تفرغى شحنة الهموم فى مكان

وملهاش مكان حد تسمعك ولا تقف جمبك غير هنا

انا بالعكس مش بزعل لما بشوف بوست حزين بجد

لانه مشاعر صاحبه ومن حقه يظهرها وواجب عليه احترامها

وانا بقى عايز اشوف البوست دا

اذا سمحتى طبعا

:$

خلاص مقصدتش :P

انا بهزر

اسعد الله ايامك

وكان الله فى عونك دوما

وان شاء الله فترة وتفوت على خير

شاب فقرى
:)

Just Smile يقول...

Romancia

متشكرة على دعوتك ربنا يجازيكي كل خير

___________

زهراء

زوزو القمر الحمد لله على كل حال :)

___________

لولا

اه يا لولا هيا ديه رضوى والله ^_^ وهيا محتاجة الرست ده عشان تفضل رضوى متبقاش حد تاني

ومن عيوني يا لولا شاي ونسكافيه وكابتشينو ابو شنب براحتك
وانتي صح ربنا يقدر يغير كل حاجة ف لحظة عشان كده الحمد لله يارب على كل شيء

Just Smile يقول...

هند

ربنا يخليكي بجد كلامك حلو اوي وحاضر هعمل اللي قولتي عليه :)


____________
ابيه عمرو وائل :)

معلش هيا مرحلة وبتعدي انا عارفة الحمد لله

__________

رنيم روني رنومتي

ايه الفكراية ديه شكلها حاجة جميلة :)
حاتر وعد مني هخليه مفرفشاتي ولذيذ يا روني..
حاضر انا هرنلك ف اي وقت اقعد فيه ع الميل..وشكرا اوي ع دعائك محتاجاه يا حبيبتي الصغنتوتة

_________
احمد شريف..حلوة اوي بنت النيل ديه :)

بس كلنا بشر ولازم نتهز وإلا تبقى الحياة مملة ورزلة

Just Smile يقول...

امير الحب

عمرو..مش عارفة انت انفعلت اوي ليه انا مقولتش هسيب التدوين بالعكس انا ف الفترة ديه بقيت مرتبطة بشكل حقيقي اكبر بالتدوين..انا كل اللي قولته هاخد رست اسبوع اسبوعين على حسب ما ربنا يكرمني اوخرج م المود ده..

وصدقني انا مش هغيب كتير ولا حاجة..بس بالراحة حاسة انك ممكن تحدفني بالماوس دلوقتي ^_^

متشكرة لاهتمامك

Just Smile يقول...

شاب فقري..

بص يا كريم من حقي اكتب اه بس مأذيش حد و من التعليقات حسيت اني ضايقت ناس كتير زائد ان مسحي للبوست كمان ليه علاقة شخصية بيا انا عاوزة انسى..

تعرف اني اصلا معنديش نسخة م البوست..ولو موجود مش هوريهولك :P

شكرا جدا ع الدعوتين وربنا يستجيب :)

شاب فقرى يقول...

ان شاء الله ربنا يستجيب وما يجيب حزن

خالص التمنيات بالنسيان العاجل

شاب فقرى

Just Smile يقول...

آمين يارب ..ربنا يكرمك يارب

تحياتي